Juwa jidaira Jeowabaa oda. Daizeze Bedʼeabara jarabʉ iya yuwẽrã parãnata mõbebʉrʉ «maʉ̃ tẽã wesi yumakẽrãma». Maʉ̃ kʼãrẽa Adanra mejãcha sobiasi maʉ̃ba jarasi «naʉ̃ra mʉ bʉwʉrʉ omaa akʉza mʉ yara omaa» (Génesis 2:22, 23). Jeowabara kãgabʉ juwa jidaberãra sobiapanamarẽã.

Juwa jidabʉrʉdera krĩchaseabʉ jõma biabaita. Mamina wãrĩnubaira mejãcha yi kãgapanʉsida bedʼea zroma erpanañi (1 Corintios 7:28). Naʉ̃ kartade ũduyi wãrĩnu Daizeze Bed’earadebemata, maʉ̃ba jarabʉta obʉbʉrʉ sobiabayi bʉ kimaʉ̃me akʉza bʉ mebẽrãʉ̃me (Salmo 19:8-11).

1 ORA JEOWABA JARADATA

DAIZEZE BEDʼEABA JARABɄTA. Yumakẽrãra yi mebẽrã buru (Efesios 5:23).

Bʉta juwa jidabʉbʉrʉ, Jeowabara kãgabʉ bʉ kima biʼia akʉmarẽã kãgade (1 Pedro 3:7). Iyara parãsi bʉ kʼarebamarẽã, akʉza kãgabʉ bʉa wawia ũdubimarẽã akʉza kãgamarẽã (Génesis 2:18). Mejãcha kãgaibara yumakẽrãbara yikimara, maʉ̃ba naara oibara yi kimaba kãgabʉra (Efesios 5:25-29).

Yuwẽrãta juwa jidabʉbʉrʉ, Jeowabara kãgabʉ yi kima wawiamarẽã akʉza kʼarebamarẽã yi kimaba jõma omarẽã Jeowaba jaradata (1 Corintios 11:3; Efesios 5:33). Akʉza soiduba kʼarebara iya kʼãrẽ obʉra (Colosenses 3:18). Mawũã ora bigabayi bʉ kimaita akʉza Jeowaita (1 Pedro 3:1-6).

BɄA KʼÃRẼ OSEABɄTA

• Bʉ kima widira kʼãrẽta oibarata bʉ sãwũã kima biabaita, akʉza bia ũrĩra iya jarabʉta adewara krĩchara iya jarada oita

• Awuru sobia bira nesidabʉ ewarita, maʉ̃ba awuantabaibara

2 ŨDUBIRA BɄ KIMA BɄA IYI KRĨCHABɄTA

DAIZEZE BEDʼEABA JARABɄTA. Mejãchade biga bʉ kimaba kãgabʉ oira (Filipenses 2:3, 4). Bia akʉra bʉ kimara, kĩrãbera Jeowabara kãgabʉta iyi odebʉrãra ẽbẽra biabaita wuabemabawara (2 Timoteo 2:24). Krĩchara sãwũã bedʼeaita, Daizeze Bedʼeabara jarabʉ. «Bʉ bi’ia krĩchaẽã bed’eabʉta maʉ̃ba kõbʉ espadade kĩrãk’a, mamina buru bia bed’eabara bebibʉ» (Proverbios 12:18). Jeowa zareaba kʼarebayi ibiʼia bedʼeaita akʉza kãga bedʼeaita (Gálatas 5:22, 23; Colosenses 4:6).

BɄA KʼÃRẼ OSEABɄTA

• Daizezeʼa kʼareba widira bia krĩchaita bʉ kimaʉ̃me bedʼeaina

• Jura kʼawua krĩchara kʼãrẽ jaraita akʉza sãwũã jaraita

3 KĨRÃBERA ÃBAPANɄTA

DAIZEZE BEDʼEABA JARABɄTA. Juwa jidabʉrʉdera, juwa jidadarãra kakʉa ababʉ kĩrãkʼabʉ (Mateo 19:5). Mamina mawũãsidu ẽbẽra ũmepanʉbaera edaʉde krĩcha abʼarika zedaẽbayi. Maʉ̃ba bigabayi kʼawuaita iyi sãwũã krĩchabʉta akʉza sãwũã sentibʉta (Filipenses 2:2). Bedʼea abʼarika zeira ãba panaibara. Mamina ¿sãwũã oibara maʉ̃ra? Daizeze Bedʼeaba jarabʉ. «Ũrãg’a biata jʉrʉra nek’ãrẽra bia oyi» (Proverbios 20:18). Ũrĩda wãrĩnu Daizeze Bed’earadebemaba jarabʉta bʉ kimaʉ̃me nekʼãrẽ oi ʉ̃rʉ (Proverbios 8:32, 33).

BɄA KʼÃRẼ OSEABɄTA

• Bʉ kimaʉ̃me bedʼeabʉrʉdera bari bedʼearãra, awuarabʉrʉ widara iyi sãwũã sintibʉta

• Naa widira bʉ kima, kʼãrẽ oinaẽna

Jeowabara kãgabʉ dayirãba kẽrẽpa kãga ũdubibaita (Miqueas 6:8). Naʉ̃ra mejãchade biga juwa jidabʉraita, mamina kẽrẽpa kãga ũdubibʉta neẽbʉrʉ yi ĩjãnaẽbayi. Maʉ̃ kʼãrẽa yi ĩjãira mejãchade biga yi kãgapanʉ wari wãita.

Idi ewadera, juwa jidabʉrãra kẽrẽpa kãga ũdubibʉra neẽ. Bʉ juwa jidada bia wãira, kĩrã ũme oibara.

1 BɄ JUWA JIDADARA MEJÃCHADE BIGATA ŨDUBIRA

DAIZEZE BEDʼEABA JARABɄTA. «Wagadamarẽã nekãrẽ audre yi biata» (Filipenses 1:10). Bʉ juwa jidadara audre yibia, maʉ̃ba audre bia akʉra maʉ̃ta.

Jeowabara kãgabʉ bʉ kimatrʉ jʉ̃zaba kãgamarẽã, mawũã sobiapanamarẽã (Eclesiastés 9:9). Jeowabara jarabʉ bʉkima bia akʉbʉra idubʉẽbaita, awuarabʉrʉ jʉrʉibara sãwũã sobiabita (1 Corintios 10:24). Akʉza ũdubira bʉ kima nesidabʉta akʉza kãgabʉta.

BɄA KʼÃRẼ OSEABɄTA

• Ewari jõmaʉ̃nẽ bʉ kimaʉ̃mebara, akʉza iya kʼãrẽ jõma nesidabʉta diabara

• Bʉyikʉza krĩcharãra, krĩchara bʉ kimasida

2 BɄ SORA BIA AKɄRA

DAIZEZE BEDʼEABA JARABɄTA. «Mawũãmina mʉã marãã jaraya, bariduba wũẽrãta erukʼãĩ krĩña akʉra, izhi sodʼe maʉ̃ wũẽrã ũme kʼazhiruata obʉrʉa» (Mateo 5:28, DB). Maʉ̃ba ʉ̃kʉrʉba awurume kʼãĩta krĩchanʉmʉbʉrʉ, yi kimaneba aĩbanʉmʉ kĩrãkʼabʉ.

Jeowabara jarabʉ dayi sora bia akʉibarata (Proverbios 4:23; Jeremías 17:9). Maʉ̃ oira, jura kʼawua akʉra bʉa akʉbʉra (Mateo 5:29, 30). Jo dekĩrãka ora, iya jarasi iyi dabʉa awuru wũẽrã bia akʉẽbaita (Job 31:1). Mawũã oira akʉrãra ẽbẽra ãkadabeta. Mia kʼãrẽsida kãga akʉrãra bʉ kimaẽãra.

BɄA KʼÃRẼ OSEABɄTA

• Ũdubira awurura bʉ kima mejãcha kãgabʉta

• Wawiara bʉ kimaba krĩchabʉra, akʉza bʉ kimaba kãgaẽbʉrʉ bʉa neũdukʼawua erbaita yumakẽrãta yuwẽrãta maʉ̃ra orãra