Jeowaba ũdubisi sãwũã kãgaita

1. Jeowaba diasi yi warra Jesústa,

ẽbẽra jõmaʉ̃ita.

Ũdubikʉasi iyi kãgarata,

ũdubisi ẽbẽra bia.

Ẽdrʉbikʉasi nekayiruadeba,

ũdubikʉasi wãrĩnu kãgata,

ẽbẽra jõma ewari jõmaʉ̃nẽ,

dai nemitia jẽda krĩcha ẽ.

2. Kãga diaibara Jeowade kĩrãkʼa,

dayirã mebẽrã.

Kãgadaibara mebẽrã jõmaʉ̃ta,

ãyi nebia akʉibara.

Kĩrãduaibara aña obʉrʉde.

Diakĩrãibara nekʼãrẽ erbʉta.

Jeowaba kʼaubʉ nebia opanʉta,

naʉ̃ra oyi ewari jõma.

3. Dayirã jõma mebẽrã kĩrãkʼa

trajabʉ Jeowaita.

Dayi mebẽrã Jeowaba diadaba

sobiabibʉ, kʼarebabʉ.

Ũdubibara neũdukʼawuarata

ãya kʼareba nesidabʉrʉde.

Kʼarebaibara ewari jõmaʉ̃nẽ.

Kĩrãbeidua, kãgara jõka.