8 Yizata diara

¿KʼÃRẼTA OIBARA?

Daya nãã yiza bia diaira, oũdubibara nãã daya jarabʉta. Yi zezeba iyi dedabʉde yi wũãwũã jaramarẽã jarara deda neẽã abarita, maʉ̃ kʼarea jʉ̃ã ẽ baibara yi zezebara yi wũãwũãba wãrĩnuta jaramarẽã.

«Ẽbẽrarãba boiʉba naʉ̃ta jarabʉ: «Ora mʉ̃a jarabʉra, orãra mʉ̃a obʉta», mamina maʉ̃ bedʼeara warrarãra jara ẽ baibara. Esponjaba bania jõma dodo jiradabari kĩrãkʼabʉ, warrarabara akʉbʉ yibariraba kʼãrẽ obʉta akʉza kʼãrẽ jarabʉta» (David).

DAIZEZE BEDʼEABA JARABɄTA: «Bʉa awʉrʉ ũrãgʼa bʼʉta», ¿kʼãrẽã zhi ũrãgʼa ẽpe bʉzhikusara? «Nezrʉga ẽbaita jara bʼʉta, ¿kʼãrẽã nezrʉga bʼʉ?» (Romanos 2:21 Daizeze Bedʼea, Wycliffe Inc.).

¿KʼÃRẼA YIBIA?

Yibariraba obʉta audre oseabʉ yi warrarabara kopaerora kolegiodebemaraba obʉira. Maʉ̃ba jarakĩrãbʉ yibarira maʉ̃rabʉrʉ bia jardiaseabʉta mara warrarãra saʉ̃ ota jidaibarata, mamina maraba yiza biata nãã diaibara.

«Dayirãba dayirã warrara jarada ʉ̃rʉ jarabʉbʉrʉ, daya kʼawua ẽ bayi ũrĩsi kʼawuaita maʉ̃ bedʼeara, mamina dayirãba nemitiata ora ãyara maʉ̃ta jẽda jara ũrĩbiseabʉ. Warrarabara daya onʉmʉra akʉnʉmʉ ãya akʉ ẽ kĩrãkʼabʉmina» (Nicole).

DAIZEZE BEDʼEABA JARABɄTA: Buru bia ʉ̃tʉbemanera wãrĩnuta jarabʉ (Santiago 3:17).

¿KʼÃRẼTA OIBARA?

Bʉyikʉza widira: «¿Mʉ̃ara sãwũã edabʉ mʉ̃ kimara akʉza mʉ̃ wũãwũãrãra? ¿Mʉ̃ara telebisordera kʼãrẽta akʉbʉ? ¿Kʼãrẽ neũdukʼawuarata erbʉ? ¿Wuabemarãra krĩchabʉka mʉ̃ara?». Bʉara, ¿kãgaika bʉ warrarãra bʉ kĩrãkʼa bamarẽã?

«Mʉ̃ kimaba mʉ̃mebara, daibara widi ẽ dai warrarãra nekʼãrẽ daiba wawiada ẽãra wawiadamarẽã» (Christine).

Kĩrãduamarẽã widira: Wũãwũãrabara kʼawuabaibara ãyi yibarirabara jõma aripe oẽãta. Bʉa aña obʉrʉde bʉ kimaʼa akʉza bʉ wũãwũãraʼa bʉa odata kĩrãduamarẽã widibʉrʉdera mama ũdubibʉ bʉara wãrĩnuta jarabʉta akʉza edabʉta krĩchabʉta.

«Kĩrãduamarẽã widibara dayirãba nemitia obʉ kʼarea, maʉ̃ta obʉbʉrʉ dayirã warrarabida abarika oyi» (Robin).