YI 6

¿Kʼãrẽta kʼawua panʉ Noe berabarida debara?

Daizezebara makenasi ẽbẽra iyi bedʼea ũrĩ ẽ badarãtrʉ. Awuara bʉrʉ k’arebasi Noe yi mebẽrã bawara beu ẽ marẽã (Génesis 7:11, 12, 23)

Jãba boya oʉ ẽbẽra kayirua jogabʉrʉeda akʉza angele kayiruarãra ẽbẽra kakua amaesida

Kuera zezia ewari 40 bayieda drʉa jõma bira yieda taʉ ẽ basi, mawũã ẽbẽra kayiruarã jõma makĩnĩsi.

Angel kayiruarãra ãyi ẽbẽra kakua erbadara amae karãpe wãsi ʉ̃ta, mawũã Diarʉ kaidu wãsi.

Noeta yi mebẽrabawara aĩ wãna akʉza nẽdʉwʉrasida aĩ wãna jãbadeba mama ʉ̃tʉ zebʉrʉ eumata ʉ̃tʉ bajãne

Beuda ẽ basi jãba zromane badarãtrʉ. Maʉ̃ tẽã jʉneãne Noeta yi mebẽrã bawara beu wãsida. Mamina Daizezebara jẽda piradrʉ biyi, mawũã bayi ewari jõmaʉ̃nẽ.

Arakaita ba Daizezeba makenaita ẽbẽra kayiruarãra, akʉza ẽbẽra biarãtrʉ̃ k’arebaita beu ẽ bamarẽã (Mateo 24:37-39, DB)

Diarʉba akʉza iyi antomĩabawaraʉba ẽbẽra mejãcha sewabʉ

Diarʉba akʉza iyi kaidu panʉ bawarauba kãgada ẽ, ẽbẽrarãba ũrĩna ẽ marẽã Daizeze Jeowa bedʼeata.

Idi ewade bida Noe ewari kĩrãk’abʉ ẽbẽrarãbara ũrĩ kĩra ẽ panʉ. Maʉ̃ba arakaita ba Jeowaba makenaĩta ẽbẽra kayiruarãra (Lucas 17:26, 27, DB).

Jeowa ʉ̃rʉ K’awuabipanʉrãbara Daizeze Bed’eadeba jaradiabʉ ẽbẽra abaʉ’a; ẽbẽra abaʉba Daizeze Bed’ea akʉbʉ

Mamina bʉ ẽbẽra Noe kĩrãk’a bʉta. Jeowaba zokʼabʉ obʉta, maʉ̃rara Jeowa ʉ̃rʉ kawua bi panʉrã.