Yi nãã bedʼeabʉta parte 8

Jeowaba Salomónta kʼarebasi buru bia bamarẽã akʉza templo parãmarẽã. Mamina iyira wiña wiñane Jeowadeba jĩgara wãsi. Bʉta wũãwũã barabʉbʉrʉ jara ũrĩbira ẽbẽrarã daizeze zeri ẽã yiwidʼipananaraba Salomónʼra jĩgara babisita Daizezedeba. Israelde ʉ̃tʉ zesi nokʼorata ũme, basi nokʼora jipa so kayiruarata, maʉ̃raba obisi pʉwʉrʉrãra daizeze zeri ẽã yiwidʼimarẽã. Maʉ̃ ewaribasidera panasi propetara wãrĩnu Daizezeʉ̃me kʼẽrẽpapanʉrata, maʉ̃ra pẽwã kʼãrãpe beasida. Nortedebema nokʼorabara mejãcha nekayiruata ojʉ̃drʉsida, audre Jezabelba zokʼabaside. Maʉ̃ ewaridera israelitarabara jipa ũrĩ ẽ basi Jeowaba jaradata, mawũãsidu ʉ̃kʉrʉ israelitara Jeowaʉ̃me kʼẽrẽpapanasi, bari jaraita: nokʼo Jehosafatʼta akʉza propeta Elíasta.