Jõmaʉ̃ta zesi ẽbẽrarã 8deba

Noéta, yi mebẽrãta akʉza nedʉwʉrʉrata eda wãsi jãba zromane. Jeowaba jãba zroma puerta serrabʉrʉde kue zromata zebisi. Mejãcha kue zromata jʉ̃drʉsi baera, jãba zromara boya õba totosi. Mawũã wiña wiñane naʉ̃ drʉara baniaba jõma birasi. Jõma ẽbẽrarã kayiruara jãba zromaneba ãĩbadara joga beikʉasi. Mamina Noéta akʉza iyi mebẽrãrata neida berabari ẽ basi, ãya kʼãwũã Jeowa bedʼeata ũrĩsi baera. ¿Bʉmara ãyira sobiasika Jeowa bedʼeata ũrĩsi baera?

40 ewaribayeda zesi kuera, diamasi akʉza ewaride. Maʉ̃ tẽã kuera taʉsi. Wiña wiñane baniara erru wãsi, maʉ̃ jãba zromara katuma zroma ʉ̃rʉ poanʉma wãsi. Noéba akʉza yi mebẽrãbawaraʉba jʉ̃ãibarabasi maʉ̃ jãbadeba ãĩ wãira, dota errumarẽã.

Ewari berabari wãne dora erru wãsi. Noéta akʉza yi mebẽrãbawara poaga aba badebasi eda jãba zromane. Tẽã Jeowaba jarasi ãyira ãĩ wãseabʉta. Ãyita Jeowaba kʼãwũã ẽdrʉbisi baera mejãcha biga diapanasi, maʉ̃ kʼarea diasi oprendata Jeowaʼa.

Jeowaba maʉ̃ oprendara kãgasi baera, Jeowaba jarasi ẽbẽrarã wua jõbi ẽ baita kue zromaba. Maʉ̃ kĩrãbeita iya dia amaesi eumata. ¿Ũdubarika bʉara eumara?

Jeowaba jarasi Noéʼa akʉza yi mebẽrã todamarẽã, mawũã drʉata ẽbẽrarãba biradamarẽã.