YI 36
Nekʼãrẽ obʉde wãrĩnuta jaraidua
Ẽbẽra jõmaʉ̃ba kãgabʉ ãyi neũdukʼawuaraba wãrĩnuta jaramarẽã, Jeowabida abarika mawũã kãgabʉ, mamina naʉ̃ drʉadera zare wãrĩnu jaraira, jõmaʉ̃ba sewidata jarapanʉ baera. ¿Ewari jõmaʉ̃nẽ yibiaka wãrĩnu jaraira? ¿Maʉ̃ oiba kʼãrẽ nebiata ũdui?
1. ¿Kʼãrẽa jipa yibia wãrĩnuta jarabaita?
Dayirãba wuabemara wãrĩnu jarabʉde, ũdubipanʉ Jeowa kãgapanʉta akʉza wawiapanʉta. Kĩrãbera Jeowaba dayirãba obʉ akʉbʉta akʉza dayirãba krĩchabʉta (Hebreos 4:13). Iya kʼawuabʉ dayirãba nebia oita jidabʉdera iyira sobiabʉta maʉ̃ kʼarea. Daizeze Bedʼeaba jarabʉ: «Jeowabara jʉra ẽbẽra kayiruara, mamina iyira neũdukʼawua bia ẽbẽrarã kʼẽrẽpabʉmera» (Proverbios 3:32).
2. ¿Jeowabara kʼaira wãrĩnuta jaramarẽãbʉ?
Jeowabara kãgabʉ dayirãi wãrĩnuta jaradamarẽã (Zacarías 8:16, 17). ¿Kʼãrẽ maʉ̃ra? Maʉ̃bara jarakĩrãbʉ sewata jara ẽ baibara dayirã mebẽrã, kopaerora, mebẽrã kongregasionebemara akʉza nokʼoraʼa. Wãrĩnu jarabʉrabara nezrʉga ẽ akʉza yãrãta sewa ẽ (akʉra Proverbios 24:28 akʉza Efesios 4:28). Adewara nokʼora plata diaibarata diapanʉ (Romanos 13:5-7). Naʉ̃ne obʉdeba akʉza «jõma daiba opanʉra bia okĩrãpanʉ» (Hebreos 13:18).
3. ¿Kʼãrẽ nebiata ũdudai wãrĩnuta jarabʉbʉrʉ?
Dayirãba ewari jõmaʉ̃nẽ wãrĩnuta jarabʉbʉrʉ, wuabemaraba ĩjãñi dayirãba jarabʉra adewara kongregasione yiya audre ĩjãnañi mebẽrã kĩrãkʼa, adewara aduʼa bayi dayirã krĩchasida. Dayirãba wãrĩnuta jarara kʼarebayi wuabemaraba «Daizezeba jaradiabʉra biʼia ũdudamarẽã», maʉ̃ba oseabʉ awuru ẽbẽrarãta Jeowa pʉwʉrʉ eda zemarẽã (Tito 2:10).
AUDRE BIʼIA KʼAWUADADRɄ
Akʉdaya sãwũã wãrĩnu jarabʉba Jeowa kʼawa babiseabʉta akʉza dayirãba sãwũã opanʉneba ũdubiseabʉ wãrĩnuta jarabʉta.
4. Jeowabara kãga ẽbẽrarã wãrĩnu jarabʉra
Akʉra Salmo 44:21 akʉza Malaquías 3:16, mõbe naʉ̃ta panʉidua:
¿Daya sewidata jarabʉbʉrʉ miõba kʼawua ẽ baika? ¿Kʼãrẽa mawũã krĩchabʉ?
Dayirãba wãrĩnuta jarabʉbʉrʉ zareamina, ¿Jeowara sãwũã baiba?
Wũãwũãraba wãrĩnu jarabʉde sobiabibʉ yibarirata. Dayirãba wãrĩnu jarabʉde Jeowata sobiabiyi.
5. Ewari jõmaʉ̃nẽ wãrĩnuta jara baibara
Ẽbẽrarã mejãchaʉba jarapanʉ edaʉde wãrĩnu jaraira zeri ẽãta, mamina wãrĩnuta jaraibara ewari jõmaʉ̃nẽ. Kʼawuara kʼãrẽa wãrĩnuta jaraibarata. Akʉra BIDEOTA.
Akʉra Hebreos 13:18, mõbe bedʼeaidua sãwũã wãrĩnu jaraita...
... mebẽrãne.
... trajode mawũã ẽ bʉrʉ kolegiode.
... nekʼãrẽ badu obʉde.
6. Wãrĩnu jarabʉba nebiata ũduyi
Daya wãrĩnu jaraiba bedʼea zromata ũduseabʉ, mamina yibia ewari jõmaʉ̃nẽ wãrĩnu jaraita. Akʉra Salmo 34:12-16, mõbe naʉ̃ta panʉidua:
¿Wãrĩnu jarabʉba dayirãra sãwũã bia baseabʉ?
Juwa jidapanʉrata yiya wãrĩnuta jarapanʉbʉrʉ bia wãñi.
Dayi trajabʉmae wãrĩnuta jarabʉbʉrʉ dayirã zokʼabʉba ĩjãñi dayirãba jarabʉra.
Ẽbẽrarãba wãrĩnuta jarabʉbʉrʉ, nokʼoraba ĩjãnañi.
Ʉ̃KɄRɄBA KRĨCHAPANɄTA: «Sewa nebʉra wĩka jaraira kayirua ẽ».
Bʉmara, ¿Daizezebara jipa jʉraka sewida jaraira? ¿Kʼãrẽa mawũã krĩchabʉ?
KĨRÃBEITA
Jeowabara kãgabʉ wãrĩnuta jaradamarẽã kʼãrẽ obʉdeba.
Panʉnadrʉ
¿Jeowabara kʼaira wãrĩnuta jaramarẽãbʉ?
¿Kʼãrẽa sewidata jara ẽ baibara?
Bʉara, ¿kʼãrẽa wãrinuta jarabaibara ewari jõmaʉ̃nẽ?
JɄRɄDA AUDRE KʼAWUAITA
¿Yibarirabara sãwũã jaradiaseabʉ ãyi wũãwũãrarã wãrĩnuta kʼawuamarẽã?
¿Yi wãrĩnu jarabʉrabara kʼãrẽ nebiata ũdudai?
Kʼawuara platara diaseabʉ kʼawuaita nokʼora ãya maʉ̃ plata bia zokʼa ẽ mina.
«¿Nokʼaraba widibʉra diaibaraka?» (Jarakabʉ, 1ne septiembrede 2011de)
¿Kʼãrẽa nezrʉgamia badara awuara krĩchabasi wãrĩnuta ewari jõmaʉ̃nẽ jaraita?