YI 52
¿Kʼãrẽa nãã bia krĩchadaibara daya wua jʉ̃i ʉ̃rʉ akʉza yoi ʉ̃rʉ?
Dayirã jõmaʉ̃ba jidaseabʉ dayirã sãwũã yokĩrãbʉta akʉza sãwũã wua jʉ̃kĩrãbʉta. Mamina Daizeze Bedʼeadearadebemaba kʼarebaseabʉ dayirã sãwũã bia yoita, wua jʉ̃ita akʉza maʉ̃ daucha Jeowa sobiabita. Akʉdaya ʉ̃kʉrʉ Daizeze Bedʼearadebemata.
1. ¿Kʼãrẽ Daizeze Bedʼearadebemaba kʼarebaseabʉ bia yoita akʉza wua jʉ̃ita?
Kristianorabara wua jʉ̃ira bia jidaibara «ariguide akʉza kʼẽrẽpa» adewara dayirã wua jʉ̃bʉba Daizeze ʉ̃rʉ ibia bedʼeabibara (1 Timoteo 2:9, 10). Akʉra wãrĩnu Daizeze Bedʼearadebema kimare naʉ̃ testodeba kʼawuasebʉta: 1) Dayirã wua jʉ̃bʉdadera kʼẽrẽpa wua jʉ̃naibara. Bʉa kongregasion ãba yi jʉrebaride ũdubʉ kĩrãkʼa Jeowa pʉwʉrʉdera bʉ ẽbẽrarã wua kĩrãtana jʉ̃kĩrãta mamina dayi sãwũã wua jʉ̃bʉdeba akʉza buda sãwũã ara obʉdeba ũdubibʉ Daizeze wawiabʉta akʉza iyi abaʉʼabʉrʉ yiwidʼibʉta. 2) Wua «ariguide» jʉ̃ira wua pẽsũabʉta jʉ̃kara akʉza wuabemaraba ũdudamarẽã adewara aukʼara dayita biʼia ũdudamarẽã krĩchakara. 3) Ũdubipanʉ kʼẽrẽpabʉta akʉza biʼia krĩchabʉta nekʼãrẽ wuabemara jõmaʉ̃ba zokʼabarabʉta zokʼada ẽ bʉrʉ. 4) Dayirã sãwũãbʉba, dayi sãwũã wua jʉ̃bʉba Daizeze ʉ̃rʉ ibia bedʼeabidaibara, mawũã ũdubipanʉ wuabemara dayirãra Daizezearabʉrʉ yiwidʼipanʉta (1 Corintios 10:31).
2. ¿Kʼãrẽta krĩchabiseabʉ dayirã sãwũãbʉdeba wuabemara kristianorãra?
Wãrĩnu dayirãbʉrʉ kʼawua jidaseabʉ kʼãrẽ wua jʉ̃ita, mamina biʼia krĩchaibara daya wua jʉ̃ita jidadaba wuabemarata aña krĩchabiseabʉ kʼawuaita, nekʼãrẽ mejãcha opanʉ wuabemara aña krĩchabi ẽ baita maʉ̃ kʼarea naʉ̃ ũrãgʼata opanʉ: «Dayirã aba abakaʉba nebiata odaibara wuabemaraita, mawũã kʼarebaita» (akʉra Romanos 15:1, 2).
3. ¿Dayirã sãwũãbʉdeba wuabemarata kʼarebaseabʉ Jeowata ũdukʼawuadamarẽã?
Kʼẽrẽpa wua jʉ̃ĩta zarea opanʉ baduma wãbʉrʉma mamina audre bia wua jʉ̃panʉ ãba yi jʉrebarima wãbʉrʉde akʉza jaradia wãbʉrʉde. Dayi sãwũã wua jʉ̃bʉdeba kãgada ẽ wuabemarata aña krĩchadamarẽã dayirãba bedʼea bia edebʉ ʉ̃rʉ, awuarabʉrʉ kãgapanʉ awururaba kʼawuakĩrãnamarẽã Daizeze Bedʼea ʉ̃rʉ wãrĩnuta akʉza «Daizezeba jaradiabʉra biʼia ũdudamarẽã» (Tito 2:10).
AUDRE BIʼIA KʼAWUADADRɄ
Akʉdayi sãwũã kristianoarata ũdubibʉta dayi wua jʉ̃bʉdeba akʉza sãwũã yobʉdeba.
Dayi wua sãwũã jʉ̃bʉdeba ũdubibʉ nokʼora wawiabʉta. Jeowaba dayirã sode kʼãrẽ erbʉta ũdukʼawuabʉmina dayi sãwũã wua jʉ̃bʉdebida ũdubidaibara iyi wawiabʉta.
4. Dayi sãwũã wua jʉ̃bʉdeba akʉza sãwũã yobʉdeba ũdubibʉ Jeowa wawiabʉta
¿Kʼãrẽa krĩchadaibara wuabemaraba sãwũã akʉbʉ ʉ̃rʉ dayi wua jʉ̃bʉta? Akʉra Salmo 47:2, mõbe naʉ̃ta panʉidua:
Dayirãra Jeowa ʉ̃rʉ kʼawuabipanʉrã baera, ¿sãwũã wua jʉ̃naibara?
Ãba yi jʉrebarieda wãi naena akʉza jaradia wãi naena, ¿yibiaka bia krĩchaita dayi wua jʉ̃ina? ¿Kʼãrẽa mawũã krĩchabʉ?
5. ¿Sãwũã biʼia jʉrʉ kʼawuaibara dayirãba wua jʉ̃ita akʉza dayirã sãwũã yobʉta?
Dayirã wuara jaigua ẽ erpanaibara akʉza kʼẽrẽpa wua jʉ̃panaibara, nesida ẽ wua mejãcha balebʉ jʉ̃ita. Akʉra 1 Corintios 10:24 akʉza 1 Timoteo 2:9, 10, maʉ̃ tẽã jaraidua kʼãrẽa jʉ̃panʉ ẽãta...
... wua jaigua jẽguezoabʉta.
... wua pẽsũabʉta akʉza wua wuabemarata dayi ʉ̃rʉ aña krĩchabibʉta.
Idi ewaride Jeowaba Moisésʼa ley diadata zokʼada ẽ mina, naʉ̃ leybara dayirã kʼawuabibʉ Jeowaba dayirã wua jʉ̃i ʉ̃rʉ kʼãrẽta krĩchabʉta. Akʉra Deuteronomio 22:5, mõbe naʉ̃ta panʉidua:
¿Kʼãrẽa yibia ẽ yoita akʉza wua jʉ̃ita yuwẽrãba yumakẽrã kĩrãkʼa mawũã ẽ bʉrʉ yumakẽrãta yuwẽrã kĩrãkʼa?
Akʉra 1 Corintios 10:32, 33 akʉza 1 Juan 2:15, 16, mõbe naʉ̃ta panʉidua:
Dayirã sãwũã yobʉta akʉza sãwũã wua jʉ̃bʉta dayirãra bʉmae wuabema ẽbẽrarãba bia akʉ ẽ bʉrʉ akʉza dayi kongregasiondebemaba bia akʉ ẽ bʉrʉ, ¿maʉ̃ne krĩchaibaraka? ¿Kʼãrẽa?
¿Bʉ bʉmaera ẽbẽrarãra sãwũã wua jʉ̃panʉ akʉza yopanʉ?
¿Bʉmara yibiaka wuabemaraba jʉ̃bʉta kristianorabida jʉ̃ita? ¿Kʼãrẽa mawũã krĩchabʉ?
Dayirãbara wuara kĩrãtana jʉ̃seabʉ Jeowa sobiabibʉta.
Ʉ̃KɄRɄBA KRĨCHAPANɄTA: «Mʉ̃a kãgabʉde wua jʉ̃seabʉ».
¿Bʉitara yibiaka mawũã krĩchaira? ¿Kʼãrẽa?
KĨRÃBEITA
Dayirã kʼẽrẽpa wua jʉ̃ita jidapanʉneba akʉza yopanʉneba ũdubipanʉ Jeowa wawia ũdubipanʉta akʉza wuabemarata.
Panʉnadrʉ
¿Kʼãrẽa Jeowaitara arigʉ yibia dayirãta bia yomarẽã akʉza wua bia jʉ̃namarẽã?
Dayirã sãwũã wua jʉ̃ita jidabʉrʉde akʉza yobʉrʉde, ¿kʼãrẽ Daizeze Bedʼearadebemata krĩchadaibara?
Dayirã sãwũã wua jʉ̃bʉdeba, ¿kʼãrẽta krĩchabiseabʉ wuabemarata Jeowa ʉ̃rʉ?
JɄRɄDA AUDRE KʼAWUAITA
Akʉra bʉa sãwũã jʉ̃bʉdeba kʼãrẽta krĩchabibʉ ẽbẽrarãta.
Akʉra kʼãrẽa bia krĩchadaibarata tatuaje oi nãã.
Akʉra kʼãrẽ Daizeze Bedʼearadebemaba kʼarebaseabʉta bia jida kʼawuaita.
«¿Dayirã sãwũã wua jʉ̃bʉdeba Daizeze ʉ̃rʉ ibia bedʼeabibʉka?» (Jarakabʉ, septiembre 2016de)
¿Kʼãrẽba kʼarebasi yuwẽrã aba iyi bia krĩcha bʼaita wuabemaraba kʼãrẽ onʉ ʉ̃rʉ?