YI 53
Bʉa jemene jidabʉdeba sobiabira Jeowata
Jeowara «sobiabʉ» (1 Timoteo 1:11). Jeowabara kãgabʉ dayirã bebʉra sobia erpanamarẽã. Jeowara mejãcha sobiabʉ dayirã trajada tẽã ewarita jʉrʉpanʉbʉrʉ enaʉ̃ita akʉza aduʼa panaita. Naʉ̃ne kʼawuadayi, dayirã enaʉ̃bʉdadera kʼãrẽta oseapanʉta akʉza maʉ̃neba Jeowa sãwũã sobiabiseapanʉta.
1. ¿Kʼãrẽ ʉ̃rʉ krĩchadaibara dayirãba jemeneita jidabʉrʉdera?
¿Bʉara kʼãrẽta okĩrã enaʉ̃bʉrʉdera? Bari jaraita ʉ̃kʉrʉra deda bakĩrã jirabade bari enaʉ̃ita, trãbira zaita mawũã ẽ bʉrʉ pelikula akʉita, ʉ̃kʉrʉra ãyi neũdukʼawuarabawara jemene wãkĩrã adewara doeda kʉide wãkĩrã. Mamina dayirãba badu jemene jidabʉrʉde jidadaibara Daizezeba «kãgabʉta» (Efesios 5:10). Naʉ̃ ʉ̃rʉ kʼawuaira arigʉ yibia. Idi ewaride ẽbẽrarãba jidapanʉ jemene ãyimabʉta Jeowaba kãga ẽãta, bari jaraita yõ ʉ̃rʉ, jʉwa jida ẽã mia erkʼãĩbʉ ʉ̃rʉ akʉza jai ʉ̃rʉ (akʉra Salmo 11:5). ¿Kʼãrẽba kʼarebai dayirãba nekʼãrẽ badu jidabʉrʉde biʼia jida kʼawuaita?
Biʼia jidadaibara kʼaita dayirã neũdukʼawua bʼaita. Dayi neũdukʼawuaba wãrĩnu Jeowata kãgabʉbʉrʉ kʼarebayi dayirãba jemeneita biʼia jʉrʉ kʼawuamarẽã. Nããweda kʼawuada kĩrãkʼa «yi buru biabawara ãbabʉra buru bia bayi». Mamina Jeowa kãga ẽ bawara ãbabʉbʉrʉ bia wã ẽ bayi (Proverbios 13:20).
2. ¿Kʼãrẽa jʉra kʼawua bʼaibara jemenene aukʼara ewari berabari ẽ baita?
Dayirãba jemeneita jidabʉra kayirua ẽ mina jʉra kʼawuapanaibara maʉ̃ne aukʼara ewari berabari ẽ baita. Jemenene ewari aukʼara berabaribʉbʉrʉ ewari neẽ bayi nekʼãrẽ audre yibia oita. Daizeze Bedʼeabara ũrãgʼabʉ ewarita «jʉrʉibara nebia oita» (akʉra Efesios 5:15, 16).
AUDRE BIʼIA KʼAWUADADRɄ
Akʉdayi bʉa kʼãrẽta oseabʉta jemene bia jidaita.
3. Jĩgara bara jemene kayiruadebara
¿Kʼãrẽa jemenera biʼia jida kʼawuaibara? Akʉra BIDEOTA, mõbe naʉ̃ ʉ̃rʉ bedʼeaidua:
¿Idibema jemeneta nããrabema yõmiara romanonebemaira kʼãrẽne abarikabʉ?
Bideo ũdudadebara ¿Dannyʼbara kʼãrẽta kʼawuasi jemene jidai ʉ̃rʉra?
Akʉra Romanos 12:9, mõbe naʉ̃ta panʉidua:
¿Naʉ̃ testobara sãwũã kʼarebaseabʉ jemenera biʼia jida kʼawuaita?
¿Kʼãrẽta jʉra Jeowabara? Akʉra Proverbios 6:16, 17 akʉza Gálatas 5:19-21, naʉ̃ra testo lekarape mõbe naʉ̃ta panʉidua:
Naʉ̃ testode jõma jarabʉdebara, ¿bʉitara idi ewaridera kʼãrẽ jemeneta audre zokʼapanʉ?
Jemene sãwũã biʼia jida kʼawuaita
Bʉyikʉza widira:
¿Naʉ̃ jemenenera bʉka nekʼãrẽ Jeowaba jʉrabʉta?
¿Naʉ̃ jemeneba mʉ̃a nekʼãrẽ bia oibadara iduaribi ẽka?
¿Naʉ̃ jemeneba orrabiseabʉka ẽbẽrarã Jeowa kãga ẽãta?
Nekayiruadebara jipa jĩgara bʼaibara, mawũã neneẽã baita. Dayima jemeneta aña chubʉrʉ jĩgara bʼaibara maʉ̃nebara, nekayiruata obiseabʉ baera.
4. Biʼia zokʼara bʉ ewarira
Akʉra BIDEOTA, mõbe naʉ̃ ʉ̃rʉ bedʼeaidua:
Mebẽã aba ũdubidata nekayirua onʉma ẽ basimina, ¿saʉ̃ basi iyi bedʼea zromara?
Akʉra Filipenses 1:10, mõbe naʉ̃ta panʉidua:
¿Naʉ̃ testobara sãwũã kʼarebaseabʉ dayirã ewari biʼia jʉra kʼawua zokʼaita?
5. Jidaidua jemene kayirua neẽãbʉta
Wãrĩnu Jeowabara kãga ẽ ʉ̃kʉrʉ jemenera, mamina nekʼãrẽ bio oseapanʉ dayirã sobiapanaita. Akʉra Eclesiastés 8:15 akʉza Filipenses 4:8, mõbe naʉ̃ta panʉidua:
¿Kʼãrẽ jemene biata jidakĩrã bʉara?
Bʉra jemene neneẽãbʉ jidabʉba sobiababibʉ.
Ʉ̃KɄRɄBA KRĨCHAPANɄTA: «Kayiarua ẽ jai ʉ̃rʉ akʉita, mia erkãĩbʉ ʉ̃rʉ akʉita akʉza yõbʉ ʉ̃rʉ akʉita daya maʉ̃ta onʉmʉ ẽ baera».
¿Bʉara kʼãrẽta jaraseabʉ?
KĨRÃBEITA
Jeowabara kãgabʉ jemene biata jidadamarẽã akʉza sobia panamarẽã.
Panʉnadrʉ
¿Kʼãrẽ jemene kayiruata jida ẽ kristianoarabara?
¿Kʼãrẽa jʉra kʼawuapanaibara jemene aukʼara ewari berabaridebara?
¿Bʉara kʼãrẽa jemene Jeowaba kãgabʉta jidakĩrãbʉ?
JɄRɄDA AUDRE KʼAWUAITA
Akʉra kʼaibʉrʉ jidaseabʉta jemeneira.
Lera bʉa sãwũã biʼia jida kʼawuaseabʉta jemenera.
«¿Jemene akʉita jidabʉra kayirua neẽãbʉka?» (Jarakabʉ, 15de octubrede 2011de)
Kʼawuara yumakẽrã abaʉbara kʼãrẽa ʉ̃kʉrʉ jemenera wueta o ẽ basita, «Mʉ̃a nãã nemitia obadata jõma idubʉsi».
«Daizeze Bedʼeabara mʉ̃ bebʉra awuarababibʉ» (Jarakabʉ, 1ne febrerode 2010de)
Akʉra ẽbẽra wẽrãba kʼãrẽta osita pelikula kayirua ʉ̃tʉ zeside