YI 48
Biʼia jida kʼawuara kʼaita bʉ neũdukʼawuara bʼaita
Neũdukʼawuara bia erbʉba dayirã mejãcha sobiabibʉ akʉza ãyi kʼarebaba dayi bedʼea zromara bedʼea zroma ẽ kĩrãkʼabʉ. Mamina jʉra kʼawuabara, Daizeze Bedʼeabara jarabʉ jõmaʉ̃ta neũdukʼawua bia ẽãta. Mõbemata, ¿bʉara sãwũã jidaseabʉ bʉ neũdukʼawua bia bʼaira? Akʉra maʉ̃ ʉ̃rʉ widibʉta.
1. ¿Sãwũã kʼarebaseabʉ daya neũdukʼawua erbʉba?
Ãyara edaʉde kʼarebaseabʉ nebia oita mawũã ẽ bʉrʉ nekʼayirua oita. Dayita ẽbẽraʉ̃me ewari mejãcha berabaribʉbʉrʉ akʉza selularde mejãcha bedʼeabʉbʉrʉ ãyi kĩrãkʼa baseabʉ. Daizeze Bedʼeabara jarabʉ: «Yi buru biabawara ãbabʉra buru biabayi, mamina yi kʼẽrẽpa bʉ ẽ bawara ãbabʉra bia wã ẽ bayi» (Proverbios 13:20). Neũdukʼawuara Jeowa kãgapanʉrabara kʼarebabʉ audre Jeowa neũdukʼawua bʼaita adewara bia oita. Mamina bʉta ãbabʉbʉrʉ Jeowa ode panʉra ẽ bawara Jeowa odeba jĩgara wãseabʉ. Maʉ̃ kʼarea Daizeze Bedʼeabara jarabʉ neũdukʼawua jʉrʉbʉrʉdera jʉra kʼawua jʉrʉibarata. Jõmaʉ̃ta bia wãnañi dayirã neũdukʼawuaraba dayirãne kĩrãkʼa Daizezeta kãgapanʉbʉrʉ, maʉ̃ra oseabʉ naʉ̃ ũrãgʼa ũrĩbʉde: «Maʉ̃ kʼarea mayirai so zarea diaidua akʉza mayirai kʼarebaidua maraba atia obʉ kĩrãkʼa» (1 Tesalonicenses 5:11).
2. ¿Bʉa neũdukʼawua jʉrʉbʉra Jeowabara biʼia akʉbʉka?
Jeowabara biʼia jʉrʉbʉ kʼaita iyi neũdukʼawuara bʼaita. «Jeowabara jʉra ẽbẽra kayiruara, mamina iyira neũdukʼawua bia ẽbẽrarã kʼẽrẽpabʉmera» (Proverbios 3:32). ¿Dayirãba neũdukʼawuara Jeowa kãga ẽãta jʉrʉbʉbʉrʉ Jeowara sãwũã krĩchabaiba? Dayirãba maʉ̃ta obʉbʉrʉ iyira maʉ̃ kʼarea sobia ẽ bayi (akʉra Santiago 4:4). Mamina dayirãta maʉ̃neba jĩgarabʉbʉrʉ Jeowara sobiabayi akʉza iyi neũdukʼawua bayi (Salmo 15:1-4).
AUDRE BIʼIA KʼAWUADADRɄ
Akʉdaya kʼãrẽa neũdukʼawua jʉrʉira yibiata akʉza sãwũã jʉrʉseabʉta neũdukʼawuara bʉ bia wãita.
3. Jʉra kʼawuabara neũdukʼawua zeri ẽ bawara ãba ba ẽ baita
Maʉ̃ra ẽbẽrarãbara Daizezeta kãga ũdubi ẽ akʉza wawia ũdubi ẽ iya jarabʉta. Akʉra BIDEOTA, mõbe naʉ̃ta panʉidua:
¿Sãwũã ãba baseapanʉ neũdukʼawua zeri ẽ bawara daya kʼawuaena?
Akʉra 1 Corintios 15:33, mõbe naʉ̃ta panʉidua:
Bʉmara, ¿kʼairata neũdukʼawua zeri ẽã baseabʉ? ¿Kʼãrẽa?
Akʉra Salmo 119:63, mõbe naʉ̃ta panʉidua:
Bʉmara, ¿kʼãrẽ nebiata erbaibara bʉ neũdukʼawuarabara?
Manzana berawabʉbara yi wuabemarasida berawabiseabʉ. Maʉ̃ kĩrãkʼa, ¿sãwũã bʉ neũdukʼawuarabara kayiruata obiseabʉ?
4. Dayirãba erbaseabʉ neũdukʼawua dayirã kĩrãkʼabʉ ẽãta
Daizeze Bedʼeabara jarabʉ Davidta Jonatánʼʉ̃mera, neũdukʼawua biabasi ãyi poaga awuarabasimima akʉza nebia awuara erbasimina. Akʉra 1 Samuel 18:1, mõbe naʉ̃ta panʉidua:
¿Kʼãrẽa dayirãbara jʉ̃ã ẽ baibara dayirã neũdukʼawuarata dayirã poagaba bʼaita akʉza nekʼãrẽ erbaita?
Akʉra Romanos 1:11, 12, mõbe naʉ̃ta panʉidua:
¿Neũdukʼawuara bia Jeowa kãga ũdubipanʉrabara sãwũã yiya so zareata diapanʉ?
Naʉ̃ bideode ũdubiyi sãwũã kʉ̃rã abaʉba neũdukʼawua biara iya ũduita jʉ̃ã ẽ badamae. Akʉra BIDEOTA, mõbe naʉ̃ta panʉidua:
¿Kʼãrẽa Akil yibarirãra krĩcha zroma obasi yi wũãwũãba neũdukʼawua kolegiode erbada kʼarea?
¿Kʼãrẽa Akilʼra maʉ̃ra neũdukʼawuarabawara ãba bakĩrãbasi?
¿Kʼãrẽta osi abapaibʉta krĩcha ẽ baita?
5. ¿Kʼãrẽta oibara neũdukʼawuara biara jʉrʉita?
Kʼawuara sãwũã neũdukʼawuara biarata ũduseabʉta akʉza bʉsida sãwũã neũdukʼawua biabaseabʉta. Akʉra BIDEOTA.
Akʉra Proverbios 18:24 akʉza 27:17, mõbe naʉ̃ta panʉidua:
¿Sãwũã yiya kʼarebabʉ neũdukʼawua biarãra?
¿Bʉara erbʉka neũdukʼawua biara Proverbiode eda jarabʉ kĩrãkʼabʉta? ¿Maʉ̃ta erbʉ ẽ bʉrʉ kʼãrẽta oseabʉ maʉ̃ ũduita?
Akʉra Filipenses 2:4, mõbe naʉ̃ta panʉidua:
Daya neũdukʼawua bia erbaira dayita nãã neũdukʼawua bia bʼaibara, ¿maʉ̃ra sãwũã oseabʉ?
Bʉa neũdukʼawua bia erbaira bʉta nãã neũdukʼawua bia bʼaibara.
Ʉ̃KɄRɄBA KRĨCHAPANɄTA: «Mʉ̃a neũdukʼawuara erbʉta erbayi, abapai ba ẽ baya».
¿Kʼãrẽta jaraseabʉ bʉara?
KĨRÃBEITA
Dayirãba neũdukʼawua bia jʉrʉbʉrʉdera bia wãñi akʉza Jeowata sobiabiyi.
Panʉnadrʉ
¿Kʼãrẽa Jeowaitara arigʉ yibia kʼãrẽ neũdukʼawua jidaita?
¿Kʼãrẽ neũdukʼawuarata erba ẽ baibara?
¿Bʉara sãwũã erbaseabʉ neũdukʼawuara Jeowaʼa kãgapanʉrata?
JɄRɄDA AUDRE KʼAWUAITA
Akʉra sãwũã neũdukʼawua biaraba kʼarebaseabʉta bedʼea zroma zebʉrʉde.
«Daizeze ewari zei naweda neũdukʼawua biata erbaibara» (Jarakabʉ, noviembre 2019de)
Kʼawuara kʼãrẽta oibarata neũdukʼawua bia bʼaita akʉza sãwũã neũdukʼawua bia erbaita.
¿Kʼãrẽta kʼawuaibara neũdukʼawua internetʼnebema ʉ̃rʉra?
Nebʉra «Zeze erbaita kãgabasi», maʉ̃ne kʼawuara iyara kʼãrẽa awuru neũdukʼawuata jʉrʉsita.
«Daizeze Bedʼeabara mʉ̃ bebʉra awuarababibʉ» (Jarakabʉ, 1ne abrilde 2012de)