Yi nãã edebarita oseabʉ

Dayirãba krĩchabʉbʉrʉ Daizezedebema audre oita, maʉ̃ba kʼarebayi dayirã ewari biʼia zokʼaita akʉza dayirã zareata, naʉ̃ ewari jõi naweda (1Co 9:26; Ef 5:15, 16). Bʉ mebẽrãbawaraʉba kʼawuabʉrʉde Jeowa ʉ̃rʉ, ¿krĩchaseapanʉka sãwũã audre oseapanʉta naʉ̃ poagade Jeowaita? Naʉ̃ Karta nekʼawuabaride ũduseabʉ artikulora Jeowaita audre oseapanʉ ʉ̃rʉ, Jeowaʼa yiwidʼida tẽã bʉ mebẽrãbawara bedʼeaseabʉ maʉ̃ ʉ̃rʉ (Snt 1:5).

Bari jaraita, ¿zarea oseabʉka mara mebẽrãnebemata aba yi nãã edebari 70 ora diamarẽã? Bʉta perabʉbʉrʉ aripe oẽ bai kʼarea, bedʼeaseabʉ yi nãã edebari bʉ kĩrãkʼa berabaribʉme (Pr 15:22). Bʉ mebẽrãbawara Jeowa ʉ̃rʉ kʼawuanʉmʉne bedʼeaseabʉ mebẽã yi nãã edebariʉ̃me, maʉ̃ tẽã bʉseabʉ kʼãrẽ ewaride Daizeze bedʼea jaradiaita. Mamina bʉta nããra yi nãã edebaribasibʉrʉ, ¿kʼãrẽa jẽda oakʉ ẽ? Atiara bʉara ewari erbʉbaibara yi nãã edebari oita.

¿Bʉ mebẽrãnebemata aba yi nãã edebari 50 mawũã ẽ bʉrʉ 30 ora diaseabʉka, jedeko aba mawũã ẽ bʉrʉ jedeko audre? Bʉta zarea neẽbʉrʉ Daizeze bedʼea wika jaradiaseabʉ ewariza. Bʉ trajo kʼarea akʉza eskuela wãbʉ kʼarea ewarita mejãcha neẽbʉrʉ, jedeko sabado juesoma akʉza domingo juesoma erbabʉrʉde yi nãã edebarita oseabʉ. Jidara kʼãrẽ jedekorane yi nãã edebari okĩrãbʉta akʉza bʉara sãwũã maʉ̃ ewari oita (Pr 21:5).

BIDEO YI NÃÃ EDEBARIRÃRA ZOWAĨNĨGɄATA ERPANAIDUA ŨDUBIDA TẼÃ, PANɄRA NAɄ̃ WIDITA:

• ¿Jeowabara sãwũã biʼia akʉsi mebẽã wẽrã Aamand? ¿Naʉ̃ba kʼãrẽta jaradiabʉ dayirãra?