Estudiabʉrʉde nekʼãrẽ yiwidi kʼawuaya awa bara

Dayirãba Daizeze Bedʼea estudiaita nʉmʉnera dayikʉza naʉ̃ta widiseabʉ «¿kʼãrẽta kʼawuakĩrãbʉ mʉ̃ara?». Edaʉde dayirãba jidabʉ nekʼãrẽ ʉ̃rʉ estudiaita, maʉ̃ba kʼawuabʉ kʼãrẽta kʼawuaita, mamina daya estudianʉmʉneba Jeowaba nekʼãrẽ awuruta jaradiaseabʉ. ¿Kʼãrẽta oseabʉ Jeowaba dayirã jaradiakĩrãbʉta kʼawuaya awa bʼaita?

Yiwidʼibʉrʉde widira buru biata. Jeowaʼa widira kʼarebamarẽã ũduita iya kʼãrẽta jaradiakĩrãbʉta maʉ̃ne (Sant. 1:5). Bʉya kʼawuabʉbita bai berãra (Prov. 3:​5, 6).

Zarea ora bʉa Daizeze Bedʼeade kʼawuabʉde oũdubita. «Daizeze Bedʼeara zokʼaibʉ» (Heb. 4:12). Dayirãba Daizeze Bedʼea lebʉrʉza nekʼãrẽ yiwidita kʼawuaseabʉ akʉza nekʼãrẽ awurude kʼarebaseabʉ, mamina maʉ̃ nebia ũduita dayirãba nekʼãrẽ yiwidita kʼawuaya awa baibara.

Biga diara Jeowaʼa bʉaʼa kʼãrẽ jaradiabʉ kʼarea. Jeowaba dayirã nekʼãrẽ jaradiabʉra daya yiko warra kobari kĩrãkʼabʉ (Is. 25:6). Daya estudiakĩrãbʉ awa akʉ ẽ baibara, wuabemarasida akʉibara, mawũã ora Jeowaba kʼarebayi audre ẽbẽra bia bʼaita akʉza Daizeze Bedʼeara estudiakĩrãne estudiayi.