¿SÃWŨÃ ESTUDIAITA?
Jẽda krĩchara kʼãrẽ ʉ̃rʉ bedʼeakʉasita
¿Bʉitara zareabʉka bʉa kʼãrẽ kʼawuadata jẽda kĩrãbeira? Edaʉde dayirã jõmaʉ̃ta mawũã berabaribari. ¿Kʼãrẽba kʼarebaseabʉ mawũã berabaribʉrʉdera? Jẽda akʉibara daya estudiadara kʼãrẽ ʉ̃rʉ bedʼeabasita.
Bʉ estudianʉmʉnera zarea ora wiña piki aita mawũã krĩchaita maʉ̃ne kʼãrẽta kʼawuatabeta. Apostol Pabloba maʉ̃ta omarẽã jarasi mebẽrã iyi karta kʼawuapanʉra, iya jarasi: «Dayirãba za bedʼeabarabʉ bedʼeara naʉ̃» (Heb. 8:1). Naʉ̃ bedʼeaba kʼarebasi mebẽrãba kʼawuamarẽã kʼãrẽ ʉ̃rʉ bedʼeanʉmʉta akʉza maʉ̃ra sãwũã iyababʉta ãya kʼawuanʉmʉme.
Bʉ estudiada tẽã 10 minuto jidara krĩchaita bʉa ledara kʼãrẽ ʉ̃rʉ bedʼeakʉasita, mamina bʉa kĩrãbe ẽ bʉrʉ kʼãrẽ ʉ̃rʉ bedʼeabasita jẽda akʉra yi subtitulorata, mawũã ẽ bʉrʉ parrapode yi naã bedʼea jʉ̃drʉbʉta lera mawũã jẽda kĩrãbeita. Bedʼea bʉa kʼawua ẽ badata kʼawuabʉrʉdera zarea ora maʉ̃ta bʉyi bedʼeade jara ũrĩbita, mawũã ora zare ẽ bayi jẽda kĩrãbeita bʉa kʼawuadara kʼãrẽ ʉ̃rʉ bedʼeabasita adewara audre bia kʼawuabayi sãwũã oũdubita maʉ̃ta.