¿Kʼãrẽta oseabʉ testo Daizeze Bedʼeadebemata kĩrãbeita?

Jõmaʉ̃ba erbʉ testo aba audre kãgata. Bari jaraita ʉ̃kʉrʉba erbʉ iyi sopʉabʉde so zarea diabʉta akʉza testo aba erbʉ iya nemitia krĩcha zebʉrʉde kʼarebabʉta maʉ̃a yi edebi ẽ baita mawũã ẽ bʉrʉ erbʉ testo awururaʉ̃me bedʼeabʉrʉde jarabarita (Sal. 119:​11, 111). Mamina edaʉde zarea baseabʉ naʉ̃ testoba kʼãrẽta jarabʉ kĩrãbeita mawũã ẽ bʉrʉ naʉ̃ testo sama chu kĩrãbeita zarea baseabʉ. Atia akʉdayi kʼãrẽta oseabʉta kĩrãbeita.

• Zokʼara etiketa JW Library^® debʉta. JW de etiketa aba ora, maʉ̃ta trʉ̃gara «testo kĩrãbeita». Bʉa Daizeze Bedʼeata aplikasione lenʉmʉne testo aba ũdura bʉa audre kãgabʉta wuagara naʉ̃ etiquetade tẽãne kĩrãbeita.

• Testota bʉra bʉa ũduseabʉmae. Bari jaraita testo bʉa kãgata kartade bʉseabʉ mõbe maʉ̃ta neberade karaseabʉ. Adewara potota sakaseabʉ bʉ selular pantayade erbaita.

• Karta zakede bʉra testota burude kʼawuaita. Maʉ̃ oira karta zakede jʉ̃zabare bʉra testo trʉ̃ta, yi ababema kĩrãne maʉ̃ testoba kʼãrẽ jarabʉta. Tẽã maʉ̃ karta kĩrã abaʉde akʉra kʼãrẽta jarabʉta. Mõbe zarea ora kĩrãbeita yi jẽdarebemare kʼãrẽta jarabʉta.