Bia zokʼara «bedʼea bia Daizeze Bedʼeadebemata»

Dayirã kristianorãra ãba bakĩrã wuabema kristianorabawara dayirãi so zarea diadaita. Mamina mawũã dayirãi so zarea diaira bari ãba ba ẽ baibara. Daizeze Bedʼeaba jarabʉ «bedʼea bia Daizeze Bedʼeadebemata» zokʼabʉbara kʼarebaseabʉta mebẽrãba audre ĩjãnamarẽã Jeowa ʉ̃rʉ (Rom. 1:​11, 12). ¿Sãwũã bia zokʼaseabʉ nebia Daizezeba diadara?

Bʉ bedʼeadeba so zarea diara wuabemarata. Bari jaraita, ãba yi jʉrebarimae komentario diabʉrʉdera bʉyi ʉ̃rʉ audre bedʼearãra, awuarabʉrʉ bedʼeara Jeowa ʉ̃rʉ, iyi Bedʼeaba kʼãrẽ jarabʉ ʉ̃rʉ akʉza ẽbẽrarã iyi odepanʉra ʉ̃rʉ. Adewara mebẽrãʉ̃me bedʼeabʉrʉdera bedʼea aba jidara mebẽrã kʼarebabʉta ãya audre ĩjãmarẽã Jeowa ʉ̃rʉ.

Wuabemara so zarea diara bʉa jidabʉdeba akʉza obʉdeba. Bari jaraita, bʉa jidaseabʉ audre oita Jeowadeta nãã bʉeita maʉ̃ oita mejãcha zarebʉmina, adewara bʉra kayabʉmina akʉza trajodeba mejãcha aukʼara zebʉmina wãbʉ ãba yi jʉrebarieda. Bʉa obʉta wuabemaraba akʉbʉ baera ãyaʼa so zarea diaseabʉ.

¿Bʉara so zarea diabʉka mebẽrã bʉa jarabʉdeba akʉza bʉa obʉdeba? ¿Bʉa kʼawuabʉka wuabema mebẽrãba ãya jarabʉdeba akʉza obʉdeba bʉaʼa so zarea diapanʉta?