PŨRAVƗ 5

Muiváibo dainɨmɨre: ¿ñameha hápiakemari Hɨ̃menihikɨre?

Põeva ãmeina teimađa Noé kɨrĩ hãravɨre (Génesis 6:5)

Ãmena ángeleva põebahu kɨrivɨ nomivake pɨrɨbɨoivɨ

Adán aru Éva hɨeđo kɨvatekemavɨ aru hoabedata põeva obedivɨ hoborõre kɨetekemavɨ aru apevɨ ángeleva vainí tɨkemavɨ hɨ̃menihikɨre, Satanás đaiyebákepedeka.

Na nomivake pɨrɨbɨoi ɨtekémavɨ ke baru kavarõi hõđari aru põeva tekemavɨ. Pare ãmenare hɨeđo kɨvatekemavɨ kaivɨ pɨeno parɨe kɨvaride.

Hɨeđokɨ pẽvavañɨ nomió hɨeđohikɨ kɨvakore; nefilíva, ãmena Ángelevaimara, boarĩ́ teđama

Hoborõre põeva ãmena buikemavɨ. Bíblia yópe aivɨ põeva ãmeina teni vaivɨ kɨtekémavɨ kaino hoborõre aru ne dápiaino kainɨmɨara ãmeno đaino matɨida bateávɨya.

Noé Hɨ̃menihikɨre hɨ arĩ hiađokũ ɨrakũ kɨ̃rami kɨrikũre đakemavɨ (Génesis 6:13, 14, 18, 19, 22)

Noé põekɨ meakɨ bateámeđa. Heová muiváiboke põevare ãmenare harɨvaki ámeđa.

Noé ɨ̃ hivɨke hiađokũ ɨrakũ kɨ̃rami kɨrikũre đaivɨ

Hiađokũ ɨrakũ kɨ̃rami kɨrikũ đahakɨ mívɨre aru ãimara yahuboa koapa ađarahikũ ámeđa.

Noé põevare muiváibo dakiyebu arĩ koyɨibi, ɨbeinta põeva kédata yɨriama ɨ̃́re

Noé koyɨameđa põevare muiváibo dakiyebu arĩ. Ɨbeinta hápiabevɨvata yɨrimađa ɨ̃i aiyede aru apevɨ kédata horohĩmađa ɨ̃́ke.

Noé ɨ̃ hivɨke ãimarare kóhihovađama hiađokũ ɨrakũ kɨ̃rami kɨrikũi ekovarã hivɨ

Hiađokũ ɨrakũ kɨ̃rami kɨrikũre bɨohari Noé ekovameđa ãimarare dikũhivɨi.