¿Ñamema Jesús?

Heová hoborõi darokemavɨ Jesúre (1 Juan 4:9)

Adán hipokarata Heová põeđakemavɨ kavarõi kũinákɨ ángel ɨrarõ parɨkɨre. Ñaine máre Hɨ̃menihikɨ hápiainore ɨbi.

Ɨ̃́re põeđari yóbo hoe bahi, ñai ángelde Hɨ̃menihikɨ ɨ̃́i parɨeke kũináko nomióre ñame ɨ̃mɨke kɨbekore María ãmikɨkore, ṍi yapibɨ hívɨi ađameda Belén põetekiyepe. Jesús ãmikɨteameđa (Juan 6:38).

Hoborõi kɨrĩ hãravɨape Jesús põevare ɨrĩ vainí aru põekɨ meakɨ báteameđa Heová pédeka. Ke baru, põeva ɨ̃́re koatebeteimađa. Parɨrõke hidɨbekɨva mahikameđa Hɨ̃menihikɨ hiede hãvene máre.

Jesús põekɨ meakɨ bateámeđa ɨbeinta apevɨ põeva koeníteimađa (1 Pedro 2:21-23)

Ihimararema ne ihinore harɨvameđa aru apevɨ yaivɨre ũmedavameđa.

Sacerdóteva aru fariséova borora mahikađama aru ãmena bahubu ámeđa Jesús. Ke baru, ɨ̃́re koeníteimađa na.

Yóbo bahi kari Romanova harapopeni aru boarĩ́ harɨvaimađa Jesúre sacerdóteva aru fariséova bohe.