¿Aipe teni Jesús yaikémari?

Jesús yaikémavɨ mahe kainɨmɨara kɨrãhiyepe (1 Juan 4:10)

Yóbe kɨrĩ hãravɨa Jesús yainíburu yóbo, nomiva ɨ̃́re epeikobe bákarõi hánɨimađa aru põekɨbenorata eaimađa. Heová ũmedavameđa ɨ̃́re.

Yóbo Jesús kopɨameđa ɨ̃i apóstolevake.

Heová ũmedavameđa ɨ̃́re ángel páyɨ. Ɨ̃i apóstoleva háimađa ɨ̃́re kavarõi mɨñɨre. Karidema, ɨrarõ parɨkɨ, kavarõi kɨbi maha ke baru hámevɨ ɨ̃́re aru ã́ro bahi yaibékɨbe ɨ̃ kari.

Jesús yaikémavɨ, yóbo Heová ũmedavakémavɨ ɨ̃́re ke teni hẽameđa Hɨ̃menihikɨi Haboteinore habotekɨyɨ (Mateo 28:18)

Jesús yaikémavɨ. Ke baru, Heová mahe ãmeina teiyede ãrɨmeteibi aru kainɨmɨara kɨre đainore híkɨyɨbeđa mahare (Mateo 20:28).

Heová hẽkemavɨ Jesúre kavarõi kɨkɨvakari ɨ̃i habotekiyepe. Ɨbeinta ɨ̃ kũinákɨva habotebekɨbe. 144.000 paivɨ Hɨ̃menihikɨre hɨ aipõeva yainí aru kavarõi põeteivɨke habotekɨyɨme ɨ̃. Yo Hɨ̃menihikɨi Haboteino ãmikɨvɨ (Apocalipsis 14:1-3).

Hɨ̃menihikɨi Haboteino hoborõre meahino tede đakiyebu. Boaiye, kõmaheteino, ãmeina teivɨ, ãvɨéyaino kɨbebu. Põeva hãve torohɨrĩ kɨrãharama (2 Pedro 3:13).