PŨRAVƗ 14

¿Árõpe hɨ arĩ hã́đovai haɨri Heováre?

Heovára hɨ aharã (1 Pedro 5:6-9)

Hɨ̃menihikɨre hɨ ai põekɨ hápiabebi Bíblia mahikabede, votaiyede, páro đaiyede aru kaiye polítikakede

Mahe đarĩ kõmahiye bákede ãmene hidɨbevɨva dahokai haɨvɨ Bíblia mahikabede.

Votaiyede, páro đaiyede aru kaiye políticakede nópe đaipõevake kũinátɨrɨ tebeharã. Kũinákɨ Heovára hɨ ai haɨvɨ aru ɨ̃i haboteinorema.

Hɨ̃menihikɨre hápiainomu pɨeno mearo (Mateo 7:24, 25)

Põekɨ nɨñɨ Heová Hiede Koyɨipõeva kóhihinoi aru Heová Hiede Koyɨipõekɨke Bíbliare bueyɨ

Heová Hiede Koyɨipõeva kóhihinoi nɨhara. Na mɨhare Hɨ̃menihikɨre koreóvarĩ kađatenaharama.

Koreóvare bubuharã Hɨ̃menihikɨ hiede aru ɨ̃i đaikohẽiyede hɨ aharã.

Põekɨ Hɨmenihikɨre hẽniañɨ aru okoke muiní hã́đovañɨ

Mɨhe fe parɨrõ teni buru Heováre kainɨmɨara hɨ arahivɨ aharã ke teni okoke muiní hã́đovahara (Mateo 28:19).

Hɨ̃menihikɨre hápiaharã. Bíbliare leeni aru Heová Hiede Koyɨipõevare kađateharã aharã pɨeno koreóvaiyɨrivɨ diede. Bíbliai bueiyede hɨ ai baru kainɨmɨara kɨrãharamu mɨha (Juan 17:3).