Jesús gannar durgusad Pablo esgaryag mellesadse

E burgwisad sorba ibabaa gine, Jesús gannar durgusa. Aa iba gine na e sordagan iladdar dagsamala. Geb 40 días deyobi daglesdae. Degiidgi, abar e sordagan na Jesús dagbuggwa, Jesús niba naggwide. Sorbali, ibanbegi Babdummad na e gangued Jesús sordaganga barmialid, aunni wemardi Jerusaléngi edarbe buggwana.

Beedsegi, Babdummad isdarmaladi esgaryagi apóstolmar meddemala, auggi ángel wargwen wemar onosa. E sabbin Esteban nugadi, aggwagi sarsolegale oburgwilesa e isdarmaladse. Auggi anmar durdaggoe igi Jesús, dule isganamar abargi, wargwen sunoniggi ega bamalad bogwa aggarsagla arbadii guega, we dule apóstol Pabloga gunoniggi. Degiidgi, Jesús burgwisad sorba birgabaa abar gudgua, Babdummad apóstol Pedro barmisgusa babigargi sunmaggega Cornelioga geb e neg yaginmaladga, auggine we Corneliodi, judío suli.

We sorbali, 13 años gusgua, Pablo gebe neggwebur bamaladsig bibbirmaali, babigargi sunmaggega. Sorba, gannar bibbirmadbargua, Timoteo eba nade. Wegi Pablo geb e sordamar Babga arbadimargua, na gaedi gusmala. Degidgi, Pablo esgaryagi mellenoniggi Roma neggweburgi. Birgabo gine gannar onolesa, auggine sorba gannar esgaryase mellenonibali geb Pablo oburgwilessunna. PARTE 7 gine sunmagnai 32 años saar nanasadgi, bela we ibmarmar gusadgi.