Niaba igar imasmaladba, ¿igi gusmala?

Adán Evabo, Babba igar imassurmaladba burgwismarsunnad (Génesis 3:6, 23)

Eva, naibe sogedba igar imasad bali, sabbi durba gudsad. Sorbali, Adánga ugsamogad, geb Adán abin gudsamogad.

Weyobi Bab igargi yolenonimalad. Aa gala, Edéngi Bab Dummadse onolesmarsunnad.

Aa gala, emarga negisgussunnad, geb e mimmigan galearmarmogad. Binnabinna seredgudmalad, geb burgwenonimalad. Burgwismargua agneba nadsurmalad, wiledii gudsurmarbalid, wesega bergunonimarsundo.

Dule burgwisar gannar uggubga gusdaed (Génesis 3:19)

Adán Evabo anmar sergan soggua, aa gala, anmar burgwemarmogad. Dule burgwisale bar emar dagmasulid, bar emar iddomasurbalid, geb bar ibmar imagmasurbalid (Eclesiastés 9:5, 10).

Jehová burgwedga dulemar obinyissulinad. Aa gala, Jehová dulemar burgwismalad gannar odulogoed. Dulemar Babba igar samalale, sadegu nabir gudigumaloed.