¿Ibu Babdummad yoogidse imaggoe?

Bab abeged nabbaneg yeer daglegedgi dulemar sadegu urwed sadde yeer iddodii gumalad.

Sun be sogsaled: “Sun weyob neg guo be dagge”. Auggi Bibliagi soglenaid, Bab Reino neg onuguoye. Bab abemabalid dulemar e Reino igar durdagged, geb wisgumarbalid ibu yoogidse dulemarga imaggoe (Salmo 37:11, 29; Isaías 9:7).

Babdummad abeged dulemar nued gudigued.

Igi babgan abedamala e mimmigan nued gudigumalad, aayobi Babdummad abemogad anmar yoogidse yeer iddodii gudigumogad (Isaías 48:17, 18). Aaga sogmaid, “dule Babdummad sogedba ibmar sae[le], adi degi sadeguoed” (1 Juan 2:17).

Babdummad abeged anmar e igarba ibmar imagdi gued.

Bibliagi soglenaid, “Bab Jehová e igar maidgi anmar odurdaggo[ye]”, anmar nabir “e igar[ba] nanadii guega” (Isaías 2:2, 3). Aaga “na neggwebur soggwen si[sad], e nug sedii guega”, we neggwebur dulemar odurdaggoed, ibu Bab yoogidse imaggoe (Hechos 15:14, NM).

Babdummad abeged e neggweburba anmar ega arbadii gumogad.

Dulemar, Bab igar sunsoged durdagnoniggile na inniggigwad sabgudii guddamalad (Juan 13:35). ¿Doamala, neg dirbimaggar Babga buraggwa arbaedgi dulemar odurdagnanai? We folleto absoder be wisguoed, doamar deyob Babga arbadidii.