¿Ibu ibmar nuegan anmar wisgued abelege?

1. ¿Ibu ibmar wisgued Babdummad anmar abege?

Babdummad dulemar sabedba nabbaneg nasisad, geb aaga bela ibmar obinyisbalid. Bab abemaid dulemar yeer iddodii gumalad. Merbar dulemar wiledii guega Bab neg nudagsoggalid. Jeremías 29:11 absogo.

Gobiernomar dulemarga neg nudagdisulid, bonigan osulodisulid, burgwed osulodisurbalid. Aaga Bab sogmaid bela gobiernomar obelolesoggarye; geb eedi na e gobierno sinoniggoed. Bab sordagan urwedsuli, geb bonigansuli gudigudmaloed. Isaías 25:8; 33:24 geb Daniel 2:44 absogo.

2. ¿Ibigala nue abelege dulemar we ibmar wisgued?

Mer bar dulemar wiledii gumalaga Babdummad dulemar isganagan obelogoed (Sofonías 2:3). ¿Sana neg nuguoe? Bad diggasurgus Bibliagi soglesad emi ibagi neg gagalenaidba dulemar wilebuggwa gudoye. Weyob ibmar gunaidba mag dagleged, Bab neg onugusoggali. 2 Timoteo 3:1-5 absogo.

3. ¿Ibu anmar imagged abelege?

Dule na e mimmise garda barmisiiyobi, Babdummad anmar sabedba anmarga Biblia barmiarmogad. Degsoggu anmar Bab igar durdaggega Biblia durdagger gebed. Bibliagi anmarga soglenaid igi emi ibagi anmar nabir yeer iddodii gusale, geb ibu anmar imagbalir gebe nabir yoogidse sadegu gudiguega. Auggi bela dulemar yeer iddogosurmalad be, Biblia durdaggalir. Deginigwale mer bai iddogo, ar nue abeleged be, Babdummad ibmar nuegan imaggoed durdagnai gued. Proverbios 29:25 geb Apocalipsis 14:6, 7 absogo.