Lección 1

Igi be nabir wisgusale Bab Dummad ibmar abeged

¿Ibu ibmar nue abeleged Biblia gine narmakar nai? (1)

¿Doa Biblia e ibedi? (2)

¿Ibigala be Biblia durdaked abelege? (3)

1. Bab Dummad anmarga ibmar nued uksa: Biblia. Bab wargwen mimmigan sabele ese garda barmidae; Biblia we garda yobi gue. Anmarga Bab Dummad siki ibmar napiragwad sognai: doa nue gue, geb e igarmar mamaid. Sognabali, ibu anmar nabir imaksale neg undar gunaid abinni geb igi yeer itoged napiragwad anmar amisale. Unnila Bibliabi anmarga soge, ibu anmar saer gebe Bab Dummad nued anmar dakega. (⁠Salmo 1:​1-3; Isaías 48:​17, 18.)

2. Birga 1513 gine Jesucristo iduale, Biblia narmakleali. Enarmaked gine edulabosaar mergu (40) dulemar arbasa, birga miligwen gakadulataled ilanergwa (1,600). Biblia yabali dulabaa gakanergwa (66) garda burwigana mai. Enarmakmaladi Bab Dummad soged bali imaksamala, Bab Dummad binsaedi narmaksamala, na ebinsaed narmaksasurmala. Degi soggua Biblia E Ibedi Bab Dummad niba maidi, dule Napaneg gined suli. (⁠2 Timoteo 3:​16, 17; 2 Pedro 1:​20, 21.)

3. Bab Dummadi imaksa Biblia innikigwad bali ogwalegedi, geb nuekwa na akwisa mer ei obelomalaga. Biblia bur ichesur onilemai libro bamalad bali. Belagwable dulemar yeer itogosuli be Biblia durdaknagusale, degi inigwale mer we ibmar be osikirmaked gala be imake. Be yoogid sega na sadegu bendaklegedi, Bab Dummad mag dake gued gine daniki, geb e ibmar abeged imaked gine, amba dulemar be bali nasur inigwale. (⁠Mateo 5:​10-12; 1 Juan 2:⁠17; 1 Timoteo 2:​4, Bab Dummad Jesucristoba Igar Mesisad Garda.)