Lección 7
Igi Bab Dummad gine be walika gusale ese goledgi
¿Ibigala bali bali Bab Dummad sega goled nue abelege? (1)
¿Doa sega anmar goloe, geb igii? (2, 3)
¿Ibu ibmar nabir obarilesale Bab Dummad sega goled gine? (4)
¿Sanawa be Bab Dummad sega goloe? (5, 6)
¿Belagwable ese gollegedi, Bab Dummad itoge? (7)
1. Bab Dummad sega goled obare Bab bogwa sunmakedi, na dummarba imakedgin suli. Bali bali Bab Dummadse goled abelege. Anmar deyob imakele, egi walikagwa anmar itogoe, ai nued bogwa yobi. Jehová dule dummad geb gangued ibed gue inigwale, anmar ese golele, anmar itoge. ¿Be bali bali Bab Dummad sega gormoga? (Salmo 65:2; 1 Tesalonicenses 5:17, Bab Dummad Jesucristoba Igar Mesisad Garda.)
2. Bab Dummad sega goledi amba Bab gala arbaedmoga. Aa gala, anmar unnila Bab Dummad Jehovásebi goloe. Jesús Napaneg gine gudigusgua bali bali e Bab sega gordae, dule baidse suli. Anmar deyob imakmogadi. (Mateo 4:10; 6:9.) Aukine anmar gordaoe Jesús nug gine. Wegii anmar oyogoe Jesús e arbaed nikadi anmar mag dakee nanadi geb anmar bensulid nika e san uksad gine, anmar abonolegega. (Juan 14:6, Bab Dummad Jesucristoba Igar Mesisad Garda; 1 Juan 2:1, 2.)
3. Anmar Bab Dummad sega gollalile, anmar ega sunmakoe gwage gine. Anmar mer garda bali absoar saoe o nono gine ganikidbar dibe. (Mateo 6:7, 8.) Anmar nabir Bab Dummad sega gole; gwichi, sii, mai, wachi yogsaar bia anmar gudiidgin dibe, aukine dodoakwagwadgin suli. Amba gwage gine binsasii anmar ese golele, Bab Dummad amba itobali. (1 Samuel 1:12, 13.) Nuedile anmar wargwen gine Bab Dummad sega gorbiele neg boogwad amigedi, dule bamalad gine bachikigwa. (Marcos 1:35.)
4. ¿Ibu ibmar be nabir obarisale Bab Dummad sega gollalile? Nabir be obarisale ibmar yogasaar ebo be aigwar gudigued siki. (Filipenses 4:6, 7, Bab Dummad Jesucristoba Igar Mesisad Garda.) Jesús na e sapingan odurdaksagua Bab Dummad sega goled gine, oyosa Bab Dummad nug siki anmar goloye geb Jehová ibmar imakoed bali gorbaloye. Nabir anmar ese egisbali anmar ibmar abegedi, anmar isgued anmarga wis ieye, geb anmar bendakye ibmar isganagi wilupdakleged abinni mer sikirmakega. (Mateo 6:9-13.) Bab Dummad sega gollalile mer anmarginbi anmar na binsaoe. Unnila anmar egisoe Bab Dummad ibmar nued dakedbii. (1 Juan 5:14.)
5. Be gwage gine be itoarsundibe Bab Dummad gala nuedye sogbie, e nug odummobie, sunna ese be yoggolar sae. (1 Crónicas 29:10-13.) Be gine ibamar bulegana noalile o be bensulid Bab gine nikadi bei wilupdaklenaile, mer Bab Dummad sega goled iegoe. (Salmo 55:22; 120:1.) Amba nued bali Bab Dummad sega goledi mas gunned iduale. (Mateo 14:19.) Ese goled siki Jehová anmarga soge “gordigu sae”. (Efesios 6:18, Bab Dummad Jesucristoba Igar Mesisad Garda.)
6. Anmar, ibmar isgana dummad imaknonikile, mer Bab Dummad sega anmar gorsuli guoe, geb naibi itoged gine ese egisoe wile wis anmar dakye geb isgued anmar gala wis ieye. Aukine anmarga isgued ielege gala, anmar isgued anmar ega soger gebe geb anmar alamakbalir gebe mer gannar we ibmar isgana imakega, Bab Dummadi “guagwar maid isgued iegega”. (Salmo 86:5; Proverbios 28:13.)
7. Jehová unnila dule nuegan ese gorsiirbi itoge. Bab Dummad be ese goled nued itoge gala, be bela belad alamaker gebe nabir E igar bali nuekwa nanaega. (Proverbios 15:29; 28:9.) Be Bab Dummad sega gollalile, mer na dumarba saoe. (Lucas 18:9-14.) Bab Dummad sega ibmar egismaid bali be dabaloe. Wegii be oyogoe egi bensulid nika, geb ese dodoakwa be gornasuli. Unnila wegiirbi be ibmar egichadi, Jehová bega abinsaoe. (Hebreos 11:6, Bab Dummad Jesucristoba Igar Mesisad Garda.)