Lección 8

Igi neguya seed Bab Dummad nued dake

¿Machered neguya gine ibu gala guoe? (1)

¿Machered igi ome sabguoe? (2)

¿Baba ibu e arbaedi? (3)

¿Ome neguya gine ibu e arbaedi? (4)

¿Bab Dummad ibu imaked abege, babgan geb mimmigan? (5)

¿Igi Biblia soge ome meted o sui meted siki? (6, 7)

1. Biblia soge macheredi neguya e nono gala guoye. (1 Corintios 11:⁠3.) Machered unnila ome wargwenna nikuoe, geb lei gine na nikumaloe. (⁠1 Timoteo 3:2; Tito 3:⁠1.)

2. Macheredi ome sabguoe na e san sabed yobi. Igi Jesús na eba nanaimalad sabgusa, deyobi ome sabguoe. (Efesios 5:​25, 28, 29.) Bipisaar sarsogo suli, sabsur sao suli geb urwedgi ega sunmako suli. Bur, e nug odummodii guoe geb mag dakee nanaoe. (⁠Colosenses 3:19; 1 Pedro 3:7.)

3. Baba alamakoe neguya nabir seega. Na ome gala geb e mimmigan gala mas amigoe, mola geb nega. Amba Bab igar siki neguya idubaloe. (1 Timoteo 5:⁠8.) Na neguya idugoe, Bab Dummad siki ibmar durdaked gine geb Bab Dummad ibmar imakoed durdaked gine deyobba. (⁠Deuteronomio 6:​4-9; Efesios 6:⁠4, Bab Dummad Jesucristoba Igar Mesisad Garda.)

4. Omedi, na e sui bendaked nued gala guoe. (Génesis 2:18.) Na sui bendakoe mimmigan unaed gine. (Proverbios 1:⁠8.) Jehová abege ome na sabed gine neguya akwedi. (Proverbios 31:​10, 15, 26, 27; Tito 2:​4, 5.) Ome bela belad na sui mag dakee nanaoe. (⁠Efesios 5:​33, Bab Dummad Jesucristoba Igar Mesisad Garda.)

5. Bab Dummad abege mimmigana e babgan bali ibsaedi. (Efesios 6:​1-3.) Abitobali babgana mimmigan odurdakedi geb ega igarmar nudakedi. Babgana iba amigoe e mimmigan bogwa ibmar imake gala geb Biblia durdakmarbali gala, Bab igar gine unae gala geb e daed nudakega. (Deuteronomio 11:​18, 19; Proverbios 22:​6, 15.) Melle urwed gine mimmigan unaoe. (⁠Colosenses 3:⁠21.)

6. Na abirgunagwar gudimaladi nabo istar itoged nikuarmalale, bur nued imaksamalale Biblia soged bali damalale. Biblia anmar unae, na sabgumaloye geb nabo istar itosmalale, na ega iemaloye. (Colosenses 3:​12-14.) Bab Dummad Garda sogsuli, nabo bipi istar itosmalale na metemaloye. Degi inigwale ome sun bangue machered gine, ar macheredi 1) neguya budar see o nue akwe suli gualile, 2) gadi ome sarsogele, geb ome sun iblolesale na itogele o 3) ome Bab Dummadga arbabied ulale, macheredi bane bane ese urwe daele, degine, we ulale ome geg bar Jehová gala nue arba gusa na itogele. (⁠1 Corintios 7:​12, 13.)

7. Machered ome bogwa mer na yardakmaloe. Abirgunagwar gudii dikar bali amigedi, Bab Dummad igar gine yolegedi geb e abirgunagwaled gine. (Hebreos 13:⁠4, Bab Dummad Jesucristoba Igar Mesisad Garda.) Biblia soge, unnila dikar bali amiged gine, nabir ome meteleye o sui meteleye geb nabir baid nikuleye. (Mateo 19:​6-9; Romanos 7:​2, 3.) Jehová istar dake, dule Biblia sogedbar suli na abirgunagwaled metesiile dule baid nikuega. (⁠Malaquías 2:​14-16.)

[Pictures on page 16, 17]

Bab Dummad abitoge, babgan na mimmigan odurdakedi geb ega igar nudakedi

[Picture on page 17]

Bab sabed nikadi, neguya gine ibmar abelegedi amige geb Bab Dummad igar gine neguya unabali