Lección 9
Bab Dummadga arbamaladi dule nuegan gala gumalar gebe
¿Ibigala anmar belagwable ibmar gine nued gumalar gebe? (1)
¿Ibu obarsunna Bab igar gine innikigwad bali nanaed? (2) ¿Geb nued daed? (3) ¿Geb binsaed nued nikued? (4) ¿Geb nue san akwed? (5)
¿Biti sunmakleged ichakwamaladi anmar abin obanoe? (6)
1. Bab Dummad Jehová dule gwage nuedi, gwage swilidikidi. Bab Dummadi abege dulemar eba nanaidi, innikigwad bali e igar gine nanamalad, nued dae gumalad, binsaed nuegan nikumalad geb na san nued akwemalad. (1 Pedro 1:16, Bab Dummad Jesucristoba Igar Mesisad Garda.) Anmar Bab Dummad abinni nued gue gala bela belad alamaker gebe. Neg isgusnaid gine anmar gudii. Ukinbali, ibmar isgana binar gued bogwa anmar urwed nikbali. Aukine mer anmar sikirmakoe.
2. Bab igar gine innikigwad bali nanaed: Anmar Jehová gala arbabiele, anmar geg akanai gue bipisaar mision nabirsulid e ibmar odurdaked gine geb e daedgin dibe. Anmar noer gebe mision nabirsulid gine geb melle bipisaar bendaker gebe. (2 Corintios 6:14-18; Revelación [Apocalipsis] 18:4, Bab Dummad Jesucristoba Igar Mesisad Garda.) Anmar ibmar napiragwad Bab Dummad siki durdaksale, anmar nue itoakwa daed abelegoe, mer anmar yardaklege gala ibmar nabirsulid odurdakmalad sega. (2 Juan 10, 11.)
3. Nued daed: Jehová abege eba nanaidi na oyomaladi Cristo sordamar napiragwad gumarye, bane bane gudiid gine. (1 Pedro 2:12.) Jehová belagwable anmar ibmar imakedi dakmai, amba anmar dukuar ibmar imakedse bakale. (Hebreos 4:13.) Anmar mer neg sichi gine ome amidii o machered amidii guoe, geb bamalad ibmar isgana we Napneg gine imaklegedi mer anmar imakoe. (1 Corintios 6:9-11, Bab Dummad Jesucristoba Igar Mesisad Garda).
4. Binsaed nued nikued: Anmar binsaed gine binsaed nueganbii anmar oubogele, anmar daed gine amba anmar nugusbalile. (Filipenses 4:8, Bab Dummad Jesucristoba Igar Mesisad Garda.) Aukine ibmar isganaginbii anmar binsadiir dina, adi ibmar isgana imaked sega anmar oarmakoe. (Mateo 15:18-20.) Ibmar ichakwagwad dakedi sun anmar binsaed oisoge, degisoggua ibmar wegimaladi anmar abin obaner gebe. Anmar Bab Dummad Gaya Burba durdakele, anmar binsaed gine, binsaed nueganbi ubodoe.
5. Nue san akwed: Ar anmar Cristo sordamar gumaladi Bab Dummad e nuga sedisoggua, anmar nue na san akwed abelege geb mor yoed siki deyobba. Anmar argan enuked abelege diise akuapile, geb mas gunned iduale o mas dusokalile. Anmar neg gudiid gine surba satele, yaa gwisoe geb emurdaoe. (Deuteronomio 23:12, 13.) Nuekwa san akwedi san nued nika gudii dule imake. Cristo sordamar e nega swiri abelege, igar nikaa ibmar urbed abelege neg yabali geb magabali. Neggwebur gine nued sunmakleged abitolegoe e negmargi.
6. Gaya nued sunmaked: Bab Dummad gala arbamaladi ibmar napiragwadbii sunmakmaloe. Gadi gakan samaladi Bab Dummad e Reino gine dogosurmala. (Efesios 4:25, Bab Dummad Jesucristoba Igar Mesisad Garda; Revelación 21:8.) Cristo sordamar wissur ichakwagwa sunmakmala. Wissur nisaar nagi dodomala geb nisaar sunmaklegedi wissur itomarbali. E arbaed gine, esgwela gine geb e neg dikarbarmaladi wismala gaya nueganbi sunmakmala. (Efesios 4:29, 31; 5:3.)
[Pictures on page 19]
Bab Dummad gala arbamaladi belagwable ibmar gine nued gued abelemala