Lección 14
Jehová gine sunmakmaladi igi arbabukwa
¿Ingu noali Jehová gine sunmakmalad emisgwamaladi? (1)
Jehová gine sunmakmalad igar itoged gine, ¿ibu imaklege? (2)
¿Mani oelemaidi igi bargalege? (3)
E gwenadgan baid baid siki bukmalad yagine, ¿doa emar idugedi? (4)
Birga irbali, ¿igiid onmaked dummagana imakmarbali? (5)
¿Ibu arbaed imaklesii e obisinamar bur e nonoga gusiid gine geb bamalad obisinamar neggwebur irba bukmalad gine? (6)
1. Jehová gine sunmakmalad emisgwamaladi noali 1870 siki. Gebeunni bilemalana Biblia Durdakmalad, geb 1931 gine Biblia soged bali nukunonimala Jehová gine sunmakmalad. (Isaías 43:10.) Gebe noali dakale we neggwebur nasgumai gude, emisgwa gine miyon bali Jehová gine sunmakmalad Bab igar gine sunmakdidii, neggweburmar dulataled ilabo gakadurgwen gakaambe gwena mergued gine (230).
2. Jehová gine sunmakmalad gwenadgan baid baid siki bukmaladi, bukidara bur ambikumala itoged irgwen gine ilabaa. Be nabir namoga wemar igar itoged sega. (Hebreos 10:24, 25.) We igar itoged gine Biblia gine ibmar soglenaid odurdaklege. Gebe nodsokalile Bab sega gorlegwele, geb bergusale amba deyobba, geb belagwablesaar e igar itolemalad gine namaklege “Bab-Dummad-nug-odummoged-namakedgi”. (Efesios 5:18, 19, Bab Dummad Jesucristoba Igar Mesisad Garda.) Bela nabir dogmala, mani gale suli. (Mateo 10:8.)
3. Jehová gine sunmakmalad gwenadgan baid baid siki bukmaladi, bukidara bur ambikumala e Igar Itoged Neg gine. E Igar Itoged Negmala dog neg gargerbadsurmala, na e sordamar burakwagwa sobsadamala, e arbamaladi arbabied bali arbamala. E neg yabali be dakosuli ibmar sobarmaladi geb nakrusgimaladi. Mani oelemaidi bargalege, e sordamar na ega ukbied bali mani ukbukwad gine. Dule mani ukbiele, mani ulu siid gine egwanoe. (2 Corintios 9:7, Bab Dummad Jesucristoba Igar Mesisad Garda.)
4. Jehová gine sunmakmalad gwenadgan baid baid siki bukmalad yagine sapin dummagana emar idudii, emar odurdaked gine. (1 Timoteo 3:1-7; 5:17.) Wemar e bendakmaladi gudimarmoga, aamar dina bilemala gwenadgan bendakmalad. (1 Timoteo 3:8-10, 12, 13.) Wargwensaale we dulemala e gwenadgan birgine bur dumma gusuli. (2 Corintios 1:24.) Nug soggwen emar bali bur dummadi ega uklesuli. (Mateo 23:8-10.) Mor soggwen akar daklegedi ebusurmala. E arbaed bali bennuklesurmala. Sapin dummagana, arbabied bali Bab igar gine na gwenadgan idudii. Gwenad wargwen gegumaile o ibagan bulegan egi neg daknaile, emar idudimaladi ese ataknaoe, basursaar itoge imake gala, geb ega binsaed dake gala. (Santiago 5:14-16; 1 Pedro 5:2, 3.)
5. Jehová gine sunmakmaladi birga irbali onmaked dummagana imakmar bali. We onmaked dummagan gine bukidara gwenadgan baid baid siki bukmaladi nase atononi damala, Biblia gine igar mamaid durdake gala. Belagwable we onmaked dummagan gumalad gine ibmar soggwen imaklege: sordamar binigana bautisar imaklege. (Mateo 3:13-17; 28:19, 20.)
6. Jehová gine sunmakmalad bela neg dirbimakar bukmalad e nonoga gusiidi, New York gine sii. Aa gine Burakwa emar Idumalad bukwa, sapin dummagan undar gusa Bab igar gine gudimaladi. We dulemala, neg dirbimakale gwenadgan baid baid siki bukmalad idubukwa. Ukinbali neg dirbimakale dulataled ilagwen gwena mergu e obisinamar bukbali. Aa gine arbabukmaladi arbabied bali arbabukwa, Bab igar gine gardamar sunmakmalad imaked gine, geb aa gardamar barmied gine. Amba aa gine soglesi bali bia Bab igar gine sunmaklegoe, geb ibu garda ebulegoe, degine, igi sunmaklegoe. ¿Ibigala geg be wis iba soggwen obanmoga, we obisina soggwen be gine bur itaka siid sega be ataknae gala?