Lección 16

Bee na be sogoedi Bab Dummad gala arbabimoye

¿Ibu be saer gebe Bab Dummad e ai gala gue gala? (1, 2)

¿Igi be Bab Dummadga na san uksamogale? (1)

¿Sanawa be bautisar imakoe? (2)

¿Igi be nabir gangued amisale Bab igar gine mer banguega? (3)

1. Bab Dummad e ai gala gue gala, abelege nuekwa wisguedi Biblia gine ibmar napiragwad soglenaid (1 Timoteo 2:​3, 4), be ibmar durdaksadi mer bengued (Hebreos 11:⁠6), ibmar isgana imaksadba ulub gine bukib binsaed (Hechos 17:⁠30, 31) geb be daed idualedi ogwaed. (Hechos 3:​19, Bab Dummad Jesucristoba Igar Mesisad Garda.) Geb sorbali, Bab Dummadgi be sabed nikad bali ega be na san ukoe. We soglege, be wargwen gine Bab sega goled gine ega be sogoe be na san ega uknaye, e ibmar abeged imakega. (⁠Mateo 16:24; 22:37.)

2. Bab Dummadga be na san uksad sorbali be bautisar imakbaloe. (Mateo 28:​19, 20.) Bautisar imaked gine belagwable dulemar asabinni be na oyonai, Jehová gala be na san uksaye. Aa gala unnila bautisar imaklege, dulemar nabir na wargwen gine binsamaladi ibigala Bab gala arbabie. Dule wargwen bautisar imaknaile, belagwable e san doged abelege dii yagine ukiakwagwa.a (⁠Marcos 1:​9, 10; Hechos 8:⁠36.)

3. Be Bab Dummad gala na san uksale, Jehová abdakoe be na sogsad bali gudisaed. (Salmo 50:14; Eclesiastés 5:​4, 5.) Nia dina alamakoe be Jehová gala arbaed indakega. (1 Pedro 5:⁠8, Bab Dummad Jesucristoba Igar Mesisad Garda.) Aukine Bab Dummad gine bur be walika gue, ese goledgi. (Filipenses 4:​6, 7, Bab Dummad Jesucristoba Igar Mesisad Garda.) Bane bane e Gaya Burba narmakar maid be durdakdii sae. (Salmo 1:​1-3.) Gwenadgan Jehová gine sunmakmalad gine walika be gudigue. (Hebreos 13:17.) Belagwable we ibmar be imakele, be gangued nabir amisale Bab igar gine mer banguega. Be nabir Bab Dummad ibmar abeged imakdii gusale, na sadegu.

[Notas]