Babdummad Anmar Sega Gormai E Ai Gala Guega

Babdummad abege anmar e ai gala guedi. ¿Be wisi, nabir be Dule dummad nibneggi maid e ai gala be gusaledi? Abrahán, dule wargwen ebbenne gudigusadi, onugsalesa Babdummad e aiye (Santiago 2:23). Biblia anba sunmagbali dule bamalad gine: massergana geb omegana, Babdummad e ai gala gusmalad bali yeeriddodi gudigusmalad. Geb wemala buggidar ibmar nuegana niggusmala. Emi iba gine, bela negdirbimaggar buggidar dulemar Babdummad e ai gala gusmarmoga. Be anba nabir Babdummad e ai gala gusmogale.

Babdummad e ai gala guedi, bur nuedi dulemar e ai gala gued bali. Babdummad bibbisaar e aimar iesuli (Salmo 18:25). Babdummad ai gala guedi, bur nuedi ormar nigguedbali. Mani ibgan burgwisale, e mani dule baigangadgala gusdae. Auggine dulemar Babdummad e ai gala gumaladdina, ibmar nuegan niggumaloe, dule baid geg ei suedi (Mateo 6:19).

Sun abar dulemar abesurmalale, be Babdummad igar durdagnai guedi. Sun abar be aimardibe, abar be gwenadgandibe abesulile be we ibmar durdaggedi (Mateo 10:36, 37). Dule beg dodoarsundibe, be oaggalogoye bega soggarsundibe, be na ese egise: “¿An doa nued oiddobie, dulemala o Babdummadi?”. Wegine be binsae: dule wargwen bega sogele, be mer bar mas gunye, ¿be bar mas gudsasulile? Be imagsasuliled. Anmar dula gudiguegala mas gunner gebed. Nabirdo, Babdummad nabir imagge be sadegu gudiguedi. Aa gala be durdagnai sae, igi be Babdummad ai gala gusale, geb mer dule bamalad be igar obured gala be imagge (Juan 17:3).