¿Doamar Babdummad E Aimala?

Jesucristo, Jehová e massi, bur na e ai sunsogedi, bur na nue binaledi. We Nabbaneggi dule yobi gudigued iduale, Jesús nibneggi gudigusa; we dule, dule burbaled nue yeer gangued niggadina (Juan 17:5). Geb aa sorbali, Nabbaneg sega noniggi, dulemar odurdaggegala ibmar nabbiragwad gine Babdummad siggi (Juan 18:37). Geb burgwisbali dulemar babigarba gudimalad bendaggegala, isgued gine geb burgwed gine (Romanos 6:23). Emisgindina Jesús, Babdummad e Reino gine Rey gala sii. We Reino, Babdummad gobierno nibneg ginedi; Nabbaneg yeerdagle imaggoedi (Apocalipsis 19:16).

Ángelmala anba Babdummad e aimarmoga. Ángelmala Nabbaneggin insogi gudigussurmala, dulemar we Nabbaneg gine bugmalad yobi. Emardi nibneggi obinyilesmala, Babdummad Nabbaneg obinyed iduale (Job 38:4-7). Ángelmar millón bali niggad (Daniel 7:10). Wemar Babdummad e aimar nibnegginmaladi, abemala dulemala ibmar nabbiragwad durdaggedi Jehová siggi (Apocalipsis 14:6, 7).

Nabbaneg gine Babdummad aimar nigbali. Babdummad we dulemar bie, e gine sunmagmaladye. Dule wargwen ibmar dagsale o wisile, juez asabinni sogdae na e ibmar wisid o dagsaddibe, dule wargwen siggi. Jehová gine sunmagmaladi, Jehová ibmar abeged gine, geb E ibmar imaggoed gine dule baigangala sunmagmala (Isaías 43:10). Ángelmar yobi, Jehová gine sunmagmaladi be bendagbimarmoga, be durdaggegala ibmar nabbiragwad Jehová siggi. Wemala abemarmoga be Babdummad e ai gala gumogadi.