¿Babdummad, gobierno nigmodibe?

BIBLIAGI SOGLENAID

“We nabneggi negselemaid, bela anmar Babdummadgadga gunoniggid, degi, E Cristogadga gunonibalid. Degisoggu, degisadegu, amar negdagmai guoed.” (Apocalipsis 11:15, Bab-Dummad-Garda-Islidikid, e narmagleged wis ogwalesad.)

“Jesús e sabbingan waliggunonigu, amarga sogded: We nabneggi negdaggega, degine, nibneggi negdaggega, Babdummad bela gangued anga ugsad.” (Mateo 28:18.)

¿IBIGALA BE WE IBMAR WISGUED ABELEGE?

• Ar Bab gobierno sigwisale, bela dulemar bendaggoed (Isaías 48:17, 18).

• Bab gobierno neg onugusale bela dulemar yeer iddodi gudmaloed, geb bar boniganba waladagdii guosurmarbalid (Apocalipsis 21:3, 4).

BIBLIAGI IBMAR SOGLENANAID ¿BULE NABIRDIBE?

Bibliagi ibmar soglenanaid gaggansur nanaed, ibmar sogbo anmar daggoena:

• Jesús ibmar imagdii gusadba anmar wisid, Bab Reinogi ibu imaggoe. Jesús e sordagan odurdasad, Babse goddemalale, Babga sogmaloye, be Reino neg onudagdaye, nabir be sogedba ibmar guegarye (Mateo 6:9, 10). Ibmar imagdii gusadbali oyosbalid igi deyob ibmar gunoniggoe.

  Jesús nabbaneggi gudigua masgi emar ogudsad, boni nigmalad nudasbalid, burgwismalad odurgusbalid (Mateo 15:29-38; Juan 11:38-44). Ar eedi Bab Reinogi Reyga guoensoggua, aaga nabir iduaggwa oyosad Bab Reino yoogidse ibu ibmar nuegan e sordaganga imaggoe (Apocalipsis 11:15).

• We nabneggi ibmar gunaidba mag dagleged Bab Reino bad neg nudagsoggali. Jesús iduaggwa sogsad, Babdummad nabneggi neg nudagged iduale guerramar yaisur gudagoye, uggumesed nagunoniggoye, negabandurmar nanamai gudabaloye (Mateo 24:3, 7).

  Emi ibagi deyob neg gunasoggua, aaga anmar bibbisaar bensulid, Bab Reino bad neg onudagsoggali.