Anmar sordagan yaurgi igi ibmar imaglege

Jehova dule yogasaar ibmar imaggedsulid (1 Corintios 14:33). Aagala, e sordagan igar nigga ibmar imagmarmogad. ¿Degidde anmar sordagan yaurgi igi ibmar imaglesunna? ¿Ibu nabir anmar imasmogarsunna?

1. ¿Doa anmar dummadga gudii?

Cristo na e sordagan e dummadid (Efesios 5:23). Degsoggu, Jesus nibneggine, bela neg dirbimaggar Jehova sordagan ibmar imagbuggwad idusiidid. Jesus, “mai nued binsaed nigga daed” onugsasad, aamala Jehovagi sunmagmalad Idubugmalad (Mateo 24:45-47 absogo). Igi ebbenne Jerusalengi apostolmar Jesus sordagan idubuggwa gusa, deyobbira emi ibagine, mai nued binsaed nigga daedi, bela anmar sordagan idusimogad (Gusmalad 15:2). Auggi aamala, anmar dummagansulid. Bibliagi Jehova igarmar mesisadba ibmar imagmarmogad, geb Jesus sogedba igar imagmarbalid.

2. ¿Gwenagan idudimalad ibu imaggedgi arbamala?

Gwenagan idudimalad Biblia sogedba na sordagan odurdagmalad, geb e sordaganga wis neg aggar gualile, na sordagan bendagmarbalid. Manigine arbasurmalad. ‘Yeer iddogedgi, geb manibina sogedginsuli gwenagan aggwemalad’ (1 Pedro 5:1, 2). Gwenadgan bendagmaladdina, gwenagan idudimalad bendaggedgi arbamarmogad, aamala sorba gwenadgan idugega nug salesdamarmogad.

Jehovagi sunmagmalad Idubugmaladi, gwenagan idudimalad abargi amisdabalid, doa nabir circuitogi arbasale. Gwenagan circuitogi arbamaladi, bia bia anmar sordagan buggwa aase addag naddamalad, gwenaganga igar uggega, geb gwenagan ogannobaliga. Aamala, anmar yaurgi gwenagan idudi gumaloed onugsasdamarbalid, gwenagan bendagmalad onugsasdamarbalid, Bibliagi igarmar mamaidba dagsadamalad, doa nabir we ibmar imaggedgi arbasale (1 Timoteo 3:1-10, 12; Tito 1:5-9).

3. Bela Jehova sordagana, ¿ibu imaggedbimala?

Bela Jehova sordagan igar iddoged neggi “Jehova nug” odummogedbimalad, namaglealirdibe, emar abargi wis ibmar sogedgindibe. Geb Bab igargi emarga sunmagnader Jehova nug odummomarbalid (Salmo 148:12, 13 absogo).

NUEGGWA WE IBMAR DURDAGMARGOLO

4. Jesus, dummad nuedid

Nue daggo Jesus igi anmarga sogmai. Mateo 11:28, 30 se absomalo, we ibmargi sunmagmarbalo:

• Jesus, anmar dummadi, ¿dule igi daedi? ¿Igi iddodi gued anmar abege?

VIDEO: Nepalgi negabandur nosgua, idudimalad igi gwenagan bendasmarmoga (4:​56)

Bibliagi soglenaid, gwenagan idudimalad igi ibmar imaggoe.

Isaías 32:2 geb 1 Pedro 5:1, 3 se absomalo, we ibmargi sunmagmarbalo:

• Jesusyobi, gwenagan idudimalad anmar bendaggega alamagdidimarmogad. ¿Bule gwenagan idudimalad anmar binarmar be iddosunna?

• Gwenagan idudimaladi, ¿ibu ibmar bamalad Jesusyob imagdidibali?

5. Gwenagan idudimalad inso Biblia sogedba igar imagdamalad

VIDEO: Gwenagan idudimalad, ¡bemar inseba ibmar imagdamalo! (7:​39)

Jesus sogsad, gwenagan idudimalad sordagan yaurgi igi daed abelemala. Mateo 23:8, 12 se absomalo, we ibmargi sunmagmarbalo:

• ¿Gwenagan idudimalad igi daed abelemarye Bibliagi soglenai? Sacerdotemala, geb bamalad Bab igargi emar odurdagmaladi, ¿bule weg ibmar soglenaidba igar imagnanamoga?

1. Idudimalad nueggwa Biblia durdagmalad, na e gwenagan bendagmarbalid Jehova ai nuedga gumarmogaga.

2. Gwenagan idudimalad na sordagan bendaggedgi arbamarbalid.

3. Bab igargi sunmagged indagdisurmarbalid.

4. Idudimaladi emar odurdagmalad. Neg durwimarbalid, ibmar bamalad imagmarbalid.

6. Gwenagan idudimaladba igar imagged abeleged

Bibliagi soglenaid, ibigala anmar idudimaladba igar imagged abelemoga. Hebreos 13:17 (TNM) absomalo, we ibmargi sunmagmarbalo:

• ¿Ibig anmar idudimaladba igar imagged abeleye Bibliagi soglenai? Idudimaladba anmar igar sasulile, ¿igi anmarga ibmar gudoe?

Lucas 16:10 absomalo, we ibmargi sunmagmarbalo:

• Ibmar bibbigwale, ¿ibigala anba anmar idudimaladba igar saed abelege?

WE IGARGI SUNMAGLESAD

Jesus anmar idusiidid. Gwenagan idudimalad Jesus sogedba ibmar imagmarmogad. Anmardi idudimaladba igar imagmogad, ar wemar anmar bendaggega gudidiid, Bab igargi anmar odurdagmarbalid.

Ibu be durdasa

• ¿Doa anmar dummadga gudii?

• Gwenagan idudimaladi, ¿igi na sordagan bendagmala?

• Bela Jehova sordagana, ¿ibu imaggedbimala?

NABIR BE WE IBMAR DURDASBALILED

Wegine soglenaid, gwenagan idudimalad igi bela beladse alamasdamala na sordagan bendagmalaga.

Gwenagan isdar dagledimalad bendasmalad (4:​22)

Wegine soglenaid, gwenagan circuitogi arbamalad igi alamagdidimarmoga.

Circuitogi arbamalad weyob alamagdidiid (4:​51)

Wegine soglenaid, anmar abargi omegan ibu imaggedgi arbamarmoga.

“¿Jehova sordagan yaurgi omegan ibu imaggedgi arbamarmoga?” (La Atalaya, septiembre 1,  2012 gad)

Wegine soglenaid, gwenagan idudimalad igi na sordagan bendasdamala, mer siggirmagmalaga.

“Gwenagan idudimalad anmar bendaggega alamagdidiid” (La Atalaya, enero 15, 2013 gad)