LECCION 47
¿Bad be guaggwamoga bautizar saega?
Biblia durdasadba emidi be nue wisid, Jehova dule igi daedi, igi ibmar imagbali. Biblia sogedba igar imaggegala, sun be na bad be daed wis ogwasar ogwasbalid. Auggi, sun ibmar soggwen ular anba be yoo Jehovaga soge gudiiled, an begarbi arbaoye, aagala, sun anba be yoo bautizar sae gudibaliled. We lecciongi be durdaggoed, dulemar ibu imasdamala bautizar imaggega, be ibu imagmogar gebe bautizar saega.
1. Be bautizar saegala, ¿bule be Bibliagi ibmar soglenaid bela wisir gebe?
Be bautizar saegala, bin be nueggwa Bab igar durdaggweler gebed (1 Timoteo 2:4). Auggi soglesurbalid, be bautizar saed iduale, Bibliagi ibmar soglenaid bela be nueggwa wisir gebye. Ar anba anmar sordagan diggasurgus Jehovaga arbadidiidbela, Bibliagi ibmar soglenaid bela wissurmarmogad, anba Biblia durdagdi saed abelemarmogad (Colosenses 1:9, 10). Auggi, we ibmardi be nueggwa mag iddo gued abeleged: ibu ibmar imagged Jehova be abemai. Gwenagan idudimalad be bendagmarmogoed, be wisguega, bad be nueggwa aa ibmar mag iddodibe.
2. Bautizar saed iduale, ¿be ibu imagger gebe?
Bibliagi soglenaid: “Be daed be ogwamarsun, Bab Dummadse gannar be dagmarsun” (Gusmalad 3:19 absogo). Degsoggu, be bautizar saed idu, be daed be na ogwaer gebed. Biblia durdagged idu be ibmar isgana imagdi gusale, Jehovaga be sogbalir gebed, anga wis we ibmar ies saoye. Bar be ibmar isganagan imagbisurbalir gebed, bur be Jehova sogedba ibmar imagbier gebed. Bautizar saed idu, anmar sordaganba be aggabalir gebed, igar iddogedse be nanabalir gebed, anba be yoo bautizar sae inigwale, bad be anmarba Bab igargi sunmagdibalir gebed.
3. ¿Ibigala be dobe bautizar imaggedsuli?
Abar dobe bautizar imagdamalad, binsaedba, an bautizar imasar abaggar agga an Jehova igargi yolesarye. Ar bela anmar noedbibarsoggu, sun inbaggwa be wis noar ibmar imagger imagmogad, ar ebbenne dulemar Jehovaga arbadi gusmalad abar deyob gusmarmogad. Mer iego, Jehova wisi maid e sordagan eyobdi inniggi ibmar imagdi guosurmala (Salmo 103:13, 14 absogo). Jehova dagsundibe be e sogedba igar imaggega alamagnai, bebali yeer iddomaoed, be bendaggoed. Ar Jehova sogmaid, ibmar soggwensaar ‘egine anmar obanosurye’ (Romanos 8:38, 39 absogo).
NUEGGWA WE IBMAR DURDAGMARGOLO
Wegine be durdaggoed, be bautizar imagbiele, ibigala be nueggwa Jehova igar durdagged abelege, ibigala be Jehova be bendaggega imagbalir gebe.
4. Gaddig Jehova igar durdaggo
¿Ibigala be bautizar saed idu nueggwa Jehova igar durdagged abelege? Be gadi Jehova binar guegala, eba be igar imagbaligala, be wisir gebed Jehova dule igi daedi. Dagmaloena, aagala dulemar ibu imasdamala bautizar saed idu. VIDEO dagmalo. Sorba we ibmargi sunmagmarbalo:
¿Bautizar saed idu we dulemar ibu imasmala?
Romanos 12:2 absomalo, we ibmargi sunmagmarbalo:
Igi be binsae, ¿bule nue nabbira Bibliagi ibmar soglenadibe? ¿Bule anmar nue Bab igar sunsogedgi be odurdag be iddoge?
Be binsaele, anmar Bab igar sunsogedgi dulemar odurdagsurye, ¿ibu be nabir imasale?
5. Beg ibmar ibigwensur gusulile, mer siggirmaggo
Anmar, Jehovaga arbaedgi binsaalile, bautizar saedgi binsaarbalile, anmarga ibmar ibigwensur gussurdaed. Dagmaloena, dule wargwenga igi neg gusa, VIDEO dagmalo. Sorba we ibmargi sunmagmarbalo:
Narangerel, Jehovaga arbaegala, ¿ibigala ega ibmar ibigwensur gussuli?
Narangerelga ibmar ibigwensur gussur inigwale, ¿ibigala Narangerel siggirmassuli?
Proverbios 29:25 geb 2 Timoteo 1:7 absomalo, we ibmargi sunmagmarbalo:
Beg ibmar ibigwensur gusurmogale, ¿doa be bendaggoe?
6. Mer iego, Jehova be bendaggoed
Jehova be bendaggoed, nabir be e sogedba ibmar imagmogaga. VIDEO dagmalo, we ibmargi sunmagmarbalo:
¿Ibigala we dule dobe bautizar imaggena?
¿Ibu we dule bendasa, nabir bautizar imaggedgi binsaega?
Isaías 41:10, 13 absomalo, we ibmargi sunmagmarbalo:
¿Ibigala be bensuli, Jehova be bendagmogoe, nabir be ega arbamogaga?
7. Ibu Jehovaga imaggedgi be binsamoga
Be nueggwa mag iddononiggile, bule Jehova be sabgumai, ega be sadegu arbabi gudamogoed. Salmo 40:5 absomalo, we ibmargi sunmagmarbalo:
¿Ibu ibmar Jehova beg imagmaidba be yeer iddomoga?
Profeta Jeremias gadi Jehova igarmar binalenad, gadi Jehova binarbalinad, geb Jehova nuggi sunmagged yeer iddodabalid. Aagala weyob sogsad: “An be gaya burba iddoargua, yeer iddo an imagsad, ar an begadga gued” (Jeremías 15:16). We ibmargi sunmagmarbalo:
¿Ibigala Jehova nuggi sunmagged ibmar nuedi?
¿Bule be bautizar imagbimoga, Jehova sordaga gumogaga?
¿Ibu be ganai be iddoge, be bautizar saega?
¿Ibu be imagger gebe, nabir be bautizar samogaga?
ABAR SOGDAMALAD: “Andi bur bautizar saosuli, abaggar an Jehova igargi yoledele, degir agga an onoledoed”.
¿Deyob be binsamoga?
WE IGARGI SUNMAGLESAD
Beg ibmar ibigwensur gusulile, Jehova be bendaggoed, nabir be bautizar imagmogaga.
Ibu be durdasa
Be bautizar saegala, ¿bule be Bibliagi ibmar soglenaid bela wisir gebe?
Bautizar saed iduale, ¿be ibu imagger gebe?
¿Ibigala be dobe bautizar imaggedsuli?
NABIR BE WE IBMAR DURDASBALILED
Wegine soglenaid, ibigala dulemar bautizar saedgi binsaardae.
“¿Bad be guaggwamoga bautizar saega?” (La Atalaya, marzo 2020 gad)
Weg soglenaid, Jehovaga arbaed beg ibigwensur gusulile, ¿ibu be imaggoe?
“¿Ibigala geg an bautizar sasunna?” (La Atalaya, marzo 2019 gad)
Wegine soglenaid, dule wargwenga ibmar ibigwensur gussur inigwale, ¿ibu imasa bautizar saega?
Dule Ataaye nugadi, gebbeun dobe bautizar saenad. Wegine soglenaid, ibigala nabir un bautizar imasa.