LECCION 51
¿Igi sunmagged Jehova be abege?
Jehova anmar obinyisgua, anmarga gwabin duggu nasisad, anmar nabir sunmaggega. Ar degidde, ¿Jehova iddomadadibe igi anmar emarga sunmagdae? ¡Gwendina! (Santiago 1:26 absogo). ¿Igi anmar emarga sunmagged Jehova abemasunna?
1. Be emar bendagbiele, ¿igi be emarga sunmagger gebe?
Bibliag anmarga soglenaid: “Na be mussub mussub ogannomalo” (1 Tesalonicenses 5:11). Be wisguarsundibe dule wargwen wile iddodiye, ¿igi be nabir we dule bendasale? Sun nabir be ega soged, an be iedisurye. Ibu ibmar we dule nued imagdae be dagge, sun aa ibmargi nabir be ega sunmagbalid. We dule bendaggegala, Bibliagi nabir be ega ibmar soggwen absobalid. Auggi mer iebalo, be nue we dule bendagbiele, mer urwedgi be ega sunmaggoed, wile daggedgi be ega sunmaggoed, degiile, be sunmaggedba we dule mag iddogoed, be nue e bendagbie (Proverbios 15:1).
2. ¿Igi anmar sunmagged abelesuli?
Bibliagi soglenaid: “Gaya isgana mer be sunmaggo” (Efesios 4:29 absogo). Degsoggu, anmar gaya isgana sunmagged abelesulid, anmar sabsur emarga ibmar soged abelesurbalid, anmar ibigwensur emar imagged abelesurbalid. Anmar emar ogaggansaed abelesurbalid, anmar emargi issaggwa sunmagged abelesurbalid (Proverbios 16:28 absogo).
3. ¿Ibu anmar imagger gebe, mer anmar sabsur emar imagdaega?
Ibu ibmargi anmar binsadii, aa ibmargi anmar sunmaddaed (Lucas 6:45). Aagala, anmar ibmar nuegangi binsaed abeleged, wile emar daggedgi, emar sabguedgi, emar bendaggedgi (Filipenses 4:8). Aagala, anmar, aimar nuegan amiged abeleged, mer anmar yogasaar musicamar iddobalir gebed, mer anmar yogasaar ibmar dagbalir gebed (Proverbios 13:20). Ibmar soged idu, anmar nueggwa binsadabalir gebed. Anmar binsadaoed, an we ibmar sogsale, igi dule an abin iddogoe. Bibliag soglenaid: “Dule yogasaar sunmaggedi, es suidse naibi gulegeyob emar imagged. Dule binsaed niggarbad e sunmaggeddina, ina nuedyob gued” (Proverbios 12:18).
NUEGGWA WE IBMAR DURDAGMARGOLO
Wegine be durdaggoed, igi anmar emarga sunmagged Jehova abemai, geb igi nabir anmar nuedgi emarga sunmasbalile.
4. Mer dagge daggesur ibmar sogdao
Inbaggwa anmar ibmar sogsad sorba geb binsaardaed, ibigar an deyob sogsadibeye (Santiago 3:2). Gálatas 5:22, 23 absomalo, we ibmargi sunmagmarbalo:
Mer yogasaar dagge daggesur ibmar sogegala, ¿igi anmar daed abeleye Bibliagi soglenai? ¿Igi dae be gubimoga?
1 Corintios 15:33 absomalo, we ibmargi sunmagmarbalo:
Be, aimar isganagan niggale, celulargi be ibmar nuegan dagsurdabalile, ¿igi sunmagge be gudmogoe?
Doamarba be aggae, aamaryob be sunmagge gudmogoed.
Eclesiastés 3:1, 7 absomalo, we ibmargi sunmagmarbalo:
¿Sanawa bur mer anmar sunmagger nuedile?
5. Mer issaggwa emargi sunmagdao
¿Ibu be nabir imasale, mer be emarga sabsur ibmar sogdaega? VIDEO dagmalo, we ibmargi sunmagmarbalo:
¿Igi we gwenad emargi sunmagdaena?
¿Ibu imasa mer bar emargi issaggwa sunmaggega?
Eclesiastés 7:16 absomalo, we ibmargi sunmagmarbalo:
¿Ibu ibmargi anmar binsadaoe, emargi issaggwa sunmagbi gualir?
Eclesiastés 7:21, 22 absomalo, we ibmargi sunmagmarbalo:
Dule beg issaggwa sunmagdi be iddoalile, ¿Eclesiastésgi ibmar soglenaid igi nabir be bendasale, mer be we dule abin saega?
6. Mer urwedgi be gwenaganga sunmagdao
Jehova abesulid, anmar na sabsur gwenaganga ibmar soged. VIDEO dagmalo, we ibmargi sunmagmarbalo:
¿Ibu be bendaggoe, mer be urwedgi be gwenaganga sunmagdaega?
Efesios 4:31, 32 absomalo, we ibmargi sunmagmarbalo:
¿Igi anmar sunmagsurdaele, neguyagi nabir anmar yeer iddodi guoe?
Ebbenne Jehova sogsa gusad, igi na e massibali iddomai, Jesusba. Mateo 17:5 absomalo, we ibmargi sunmagmarbalo:
¿Igi be nabir Jehovayob ibmar imasmogale, be gwenaganbo sunmaggalir?
Dule, ibmar nued imas be daggele, ega sogdao, be nued imasye.
ABAR SOGDAMALAD: “An binsaedba an ibmar sogoed, ar dule an abin isdar iddogerdi na eg sido”.
¿Deyob be sogdamoga? ¿Ibigala deyob be soge?
WE IGARGI SUNMAGLESAD
Anmar sunmaggedba sun anmar wile emar oiddoged, sun anmar yeer emar oiddobalid. Aagala, anmar ibmar soged idu nueggwa binsaed abeleged, igi anmar ibmar sogdaoe, sanawa anmar ibmar sogdabaloe.
Ibu be durdasa
Be emar bendagbiele, ¿igi be emarga sunmagger gebe?
¿Igi anmar sunmagged abelesuli?
¿Ibu be imagger gebe, mer sabsur emar imaggega?
NABIR BE WE IBMAR DURDASBALILED
¿Ibu anmar imagged abelege, mer sabsur emarga ibmar sogdaega?
Ibu nabir be imasale, mer be gaya isgana sunmaggega.
“¿Ibigala gaya isgana goled nuedsuli?” (We garda jw.org gi nosad)
Wegine be durdaggoed, ibu nabir be imasale, mer emargi issaggwa sunmaggega.
Wegine soglenaid, igi Jehova, dule wargwen bendasa mer bar gaya isgana sunmaggega.
“Mag an na iddononiggid an ibmar nued imagdisuli” (La Atalaya, agosto 1, 2013 gad)