LECCION 53
Obunnosiir mer yogsaar ibmar imagdao
Bibliagi soglenaid, ‘Jehova yeer iddomaidbidaye’ (1 Timoteo 1:11, TNM). Degsoggu Jehova abeged, anmar yeer iddodi gumogad. Abesulid anmar arbanaidbi gued, abebalid wis anmar obunnogega iba amibalid. We lecciongi be durdaggoed, obunnosiir be ibu ibmar nabir imasale, Jehova bebali yeer iddomai gumogaga.
1. Be obunnosiidgi wis ibmar soggwen imagsoggalile, ¿ibu ibmargi be binsaer nuedile?
Be obunnosiile, ¿ibu bur be imagbidamoga? Abar neggi sigwisdamalad, garda absosi saegardibe, musica iddosi saegardibe, pelicula dagsi saegardibe, internetba ibmar dagsi saegardibe. Abar e aimarba agnesig naddamalad, igarba gudi saegardibe, diwarba obnaegardibe, dermargi obnaegardibe, bolagi dodonaegardibe. Ibu ibmar bur be imagbidamoga, adi aggarsulid, unnila nue dagged abeleged, be ibmar imaggoedi, bule ‘Bab Dummad nued dagge’ (Romanos 12:2). ¿Ibigala we ibmargi binsaed nue abelege? Ar emi ibagine, dulemar bur Jehova ibmar isdar dagged yeer daggusmalad. Ibmar wegimalad bur dagbidamalad: dulemar na sabsur imagnanaid, dulemar galagwensur gunanaid, nia igargi sunmagmalad (Salmo 11:5 absogo). ¿Ibu anmar imagger gebsunna, nabir anmardi ibmar nuegan imaggega?
Anmar, aimar nuegan amiger gebed, Jehova sogedba igar imagmalad, aamar anmar bendagmaloed, nabir anmar ibmar nuegan imaggega. Wis anmar obunnosiidgi ibmar soggwen imaggedgi binsaarsundibe, aamar anmar bendagmarbaloed, nabir anmar ibmar nuegangi dodogega. Leccion 48 gi anmar durdasad, “dule, dule binsaed nigga daedba aggaele, binsaed nigga dae gumogoye”. Auggi, Jehova sordasurmaladba dule gadi aggaerdina, “na duggin boni amioed” (Proverbios 13:20).
2. ¿Ibigala igar mesed abelege, igi wassi anmar dodosi gudaoe?
Sun anmar ibmar imagnaid issaggwasuloed, auggi, anmar doggus suiddi aa ibmargi dodonai gued nuedsurbalid. Ar degiile, anmar, Jehovaga ibmar imaggega wassi sadde gudoed. Aagala Bibliagi anmarga soglenaid: “Ibagan nagumaid nue be ebudi gumar” (Efesios 5:15, 16 absogo).
NUEGGWA WE IBMAR DURDAGMARGOLO
Wegine be durdaggoed, be ibmar soggwengi wis dodoge binsaalile, ibu be imaggoe mer be ibmar isganagin guega.
3. Mer ibmar isganagangi dodogo
¿Ibigala anmar nue dagged abelege, ibu ibmargi anmar dododaoe? VIDEO dagmalo we ibmargi sunmagmarbalo:
Ebbenne Roma dorgan, ¿ibu ibmar dagnaddamala? ¿Emi ibag ibmar igimaladgi dodolegusmoga?
Ibmar soggwengi dodobi gualile, ¿ibu imagged abeleye Danny durdasa?
Romanos 12:9 absomalo, we ibmargi sunmagmarbalo:
¿Romanosgi ibmar soglenaid igi anmar bendagge, obunnosiidgi anmar ibmar imagsoggalile, mer yogasaar ibmar imaggega?
¿Jehova ibu ibmarmar nued dagsurdae? Proverbios 6:16, 17 geb Gálatas 5:19, 21 se absomalo. We ibmar absolesad sorba we ibmargi sunmagmarbalo:
¿Ibu ibmarmar bur televisiongi oyoleardamoga, videojuegomargindibe?
Igi be wisguoe, nabir be we ibmar dagsardibe, surdibe
We ibmargi binsadao:
¿Jehova ibmar isdar daggedgi sunmagnadibe?
¿An ibmar baid imaggoed wassiginsunna gumogoe?
¿Jehova sordasurmaladba undar gusi guega an imaggodibe?
Ibmar boniga guo be daggele, mer be aasig naer gebed. Dodoged soggwen Bab igargi be obano be daggele, mer be aa ibmargi dodomogar gebed.
4. Ibmar bamalad imaggega wassi amidabalo
VIDEO dagmalo we ibmargi sunmagmarbalo:
We dule ibmar isganagi dodosurdae inigwale, auggi, ¿ibu ibmardi bar nue imagsurgusana?
Filipenses 1:10 (TNM) absomalo, we ibmargi sunmagmarbalo:
Be, ibmar soggwen imagged gadi binalele, ¿ibu be imaggoe, mer be aa ibmarba Bab igar indaggega?
5. Ibmar nuegangi dododao
Anmar wisid, Jehova abar ibmarmar nued dagsulid, auggi, bergwable isdar dagsurbalid. Degsoggu, ibu ibmar Jehova nued dagge, nabir anmar aa ibmarmargi dodoged. Eclesiastés 8:15 geb Filipenses 4:8 absomalo, we ibmargi sunmagmarbalo:
¿Ibu ibmar imagged bedi bur binardamoga?
Ibmar nuegan yaisurmogad, nabir anmar aa ibmargi dodoged.
ABAR SOGDAMALAD: “An, boxeo dagger aggarsulid, dulemar galagwensur gunanaiddibe, peliculamar nia igargi sunmagmaladdibe, ar an eba igar imaggosulid”.
¿Bedi igi sogmoga?
WE IGARGI SUNMAGLESAD
Jehova abeged, nabir anmar yeer iddodi guegala, anmar obunnosiir ibmar nuegan dagged, ibmar nuegangi dodobalid.
Ibu be durdasa
Be obunnosiile, ¿ibmar igimaladgi be dodoger nuedsuli?
Be ibmar soggwengi dodoardibe, ibmar soggwen imaggardibe, ¿ibigala be doggus undar aa ibmar imagsi gued nuedsurbali?
¿Ibu ibmar Jehova nued dagge, be aa ibmar imagbimoga? ¿Ibigala?
NABIR BE WE IBMAR DURDASBALILED
¿Doa anmarga sogoedi, ibu ibmargi anmar dododaoe?
¿Igi be wisgusale be ibmar imaggoedi, nueddibe, nuedsurdibe?
Wegine soglenaid, ibigala dule wargwen dodoged soggwen indasa, weyob soglenaidgi amigo, “Isdar an emar dagdaenad”.
“Biblia dulemar daed ogwamaid” (La Atalaya, febrero 1, 2010 gad)
Wegine soglenaid, igi ome wargwen imasa, nia igar dagged indaggega.