LECCION 54
“Mai nued binsaed nigga daed”, ¿ibu imaggedgi arbasii?
‘Cristo na eba nanaimalad e dummadid’ (Efesios 5:23). Emi ibagine, Jesus imagmaid, “mai nued binsaed nigga daed” e sordagan idugega (Mateo 24:45 absogo). Jesus, “mai nued” onugsasad, anmar idugega. Auggi, wemar Cristo sogedba ibmar imagmarmogad, geb Cristo sordagan babnegse namaloedga arbamarbalid. ¿Doa sunna, we mai nued binsaed nigga daedde? ¿Ibu anmarga imagbugmala?
1. ¿Doagi “mai nued binsaed nigga daed”?
Gusgu Jehova na e sordagan idugegala, dule wargwen, warbodibe onugsasdaed (Malaquías 2:7; Hebreos 1:1). Jesus burgwisgua, apostolmala, geb Jerusalengi gwenagan idudi gusmaladi, na sordaganga igar amibuggwa gusmalad (Gusmalad 15:2). Emi ibagine, abar gwenagan idudimalad anmarga igar amibuggwa gumalaga nugsalesmarmogad, aamala bilemalad, Jehovagi Sunmagmalad Idubuggwadye. Aamala anmarga gardamar onibuggwad, aamar igar amibugbalid, nabir Bab igargi sunmaglenai guega. Aamar “mai nued binsaed nigga daedid, e dummad sogedba” ibmar imagmalad (Mateo 24:45a). Jehovagi sunmagmaladga igar amibugmaladi, bela babnegse namaloedbiid, Cristobo reygala babneggi arbamarmogoed.
2. Mai nued binsaed nigga daedi, ¿ibu anmarga imagsii?
Jesus sogsad, we mai nuedi, e sordaganga ‘wassi sogedba mas daggoedye’ (Mateo 24:45b). Igi mas gunnedba anmar gannalesdae, deyobi Bab gaya burba durdagged anmar ogannomogad, mer anmar Jehova igargi banguega, geb mer anmar Bab igargi sunmagged indagbaliga (1 Timoteo 4:6). ¿Bia Bab gaya burbagi anmar odurdaglesisunna? Igar iddoged neggine, igar iddoged bulaled gualile, gardamargine, videomargine. We ibmarmargi anmar durdasdaed, ibu imagged Jehova anmar abemai, aagine anmar durdasdabalid, igi nabir anmar bur bule Jehova ai nuedga gusale.
NUEGGWA WE IBMAR DURDAGMARGOLO
Wegine be durdaggoed, ibigala “mai nued binsaed nigga daed” anmar bendagged abelege.
Jehovagi Sunmagmalad Idubugmalad bela anmar sordagangaga gardamar imagbugmalad, Bab igar durdaggega, Bab igargi sunmagbaliga. Neg dargwen gusar anmarga igar ugsadamarbalid.
3. Jehova sordagan igar nigga ibmar imagmalad
Jesus, Jehovagi Sunmagmalad Idubugmalad onugsasad, na sordaganga igar amibuggwa gumalaga. Ebbenne gebbe Cristo sordagan buggusmargua, deyob ibmar imasmarmogad. VIDEO dagmalo.
1 Corintios 14:33, 40 absomalo, we ibmargi sunmagmarbalo:
Bibliagi igi soglenai, ¿bule Jehova abege e sordagan igar nigga ibmar imagmalad? ¿Ibigala deyob be soge?
4. Mai nued, Bab igargi sunmaglegega igar amisiidid
Ebbenne Cristo sordagan bur Bab igargi sunmaggedgi arbasmalad. Gusmalad 8:14, 25 absomalo, we ibmargi sunmagmarbalo:
Siglo primerogine, ¿doamar Bab igargi sunmagged idubuggwa gusmala?
Pedro, Juanbogwa, ¿ibu imasmala apostolmar ega igar ugsagu?
Jehovagi Sunmagmalad Idubugmaladi, Bab igargi sunmaglegega igar amibugmalad. VIDEO dagmalo.
Jesus sogsad, Bab igargi sunmagleged nue abeleye. Marcos 13:10 absomalo, we ibmargi sunmagmarbalo:
¿Ibigala Jehovagi Sunmagmalad Idubugmalad Bab igargi sunmagged indagbisurmala?
Nabir bela neg dirbimaggar Bab igargi sunmaglenai guegala, ¿ibigala “mai nued” anmarga igar amisi gued abelege?
5. Mai nued anmar idusiid
Jehovagi Sunmagmalad Idubugmaladi, bela anmar sordagan neg dirbimaggar bugmalad idusiid. ¿Igi imasdamarsunna nabir na sordaganga igar amimalaga? Dagmaloena, igi ebbenne Cristo sordagan imasdamarmoga. Gusmalad 15:1, 2 absomalo, we ibmargi sunmagmarbalo:
¿Ibu ibmar sur iddo gunai gusmala, igi imaglegoe?
Pablo, Bernabe, geb bamalad Cristo sordagana, ¿doamarse bendagged egissamala, igar nudaggega?
Gusmalad 15:12, 18 se geb 23, 29 se absomalo, we ibmargi sunmagmarbalo:
Jerusalengi gwenagan idubuggwa gusmaladi, ¿ibu imasmala nabir Bab Dummad sogedba igar imaglegega? (Versiculo 12, 15 geb 28 dagmarbalo).
Gusmalad 15:30, 31 geb 16:4, 5 absomalo, we ibmargi sunmagmarbalo:
Gwenagan idubugmalad ega garda barmiargua, Cristo sordagan, ¿igi iddosmala?
¿Igi anmar wisi, Jehova we gwenagan bendasa?
2 Timoteo 3:16 geb Santiago 1:5 absomalo, we ibmargi sunmagmarbalo:
Emi ibagi, Jehovagi Sunmagmalad Idubugmalad, igar soggwen amisoggarmalale, ¿igi imasdamarmoga Bab Dummad sogedba igar imaglegega?
ABAR SOGDAMALAD: “Jehovagi sunmagmalad Idubugmaladba an igar imaggele, dulemar an dummadga an imagnaodolle”.
Bedi igi binsamoga, ¿bule Jesus, Jehovagi Sunmagmalad Idubugmalad idumai?
WE IGARGI SUNMAGLESAD
Jehovagi Sunmagmalad Idubugmaladi, “mai nued binsaed nigga daedid”, Cristo wemar onugsasad. Mai nuedi, bela anmar sordagan neg dirbimaggar bugmaladga igar ugsiidid, aadi anmarga gardamar onisibalid, nabir anmar Bab igar durdaggega.
Ibu be durdasa
¿Doa, “mai nued binsaed nigga daed” onugsasa?
Jehovagi sunmagmalad Idubugmaladi, ¿ibu anmarga imagbugmala?
¿Igi be soge, Jehovagi sunmagmalad Idubugmalad, bule nue “mai nued binsaed nigga daedi”?
NABIR BE WE IBMAR DURDASBALILED
Wegine be durdaggoed, Jehovagi Sunmagmalad Idubugmalad igi arbabugmala.
“¿Doamala Jehovagi Sunmagmalad Idubugmalad?” (We garda jw.org gi nosad)
Wegine be durdaggoed, Jehovagi Sunmagmalad Idubugmalad, igi ibmar balamisdamala, mer yogasaar gardamargi ibmar narmaglegega.
¿Jehovagi sunmagmalad Idubugmaladi, Jesus ega arbaed ugsad igi dagmala?
Igar iddogedgine, igar iddoged bulaled gualile, ¿igi mag dagledae Jehova nue anmar idubugmalad bendagmai?