LECCION 27
¿Ibigala Jesus anmar anar burgwisa?
Adan, Evabo, Bab igargi yolesmaladba bela anmar isguedbi gusad, aagala, bela anmar burgwedbibalid.a Auggi, soglesurbalid bar anmar bendaglegosursunye. Aagala, Jehova na e Massi Jesucristo barmiar gusad, isguedgi anmar onogega, burgwedgi anmar onobaliga. Bibliagi soglenaid, Jesus anmar bendaggega anmar anar burgwisye. Ar edi isguedsulinsoggua burgosulinad, degsoggu, Jesus, anmar bendaggega anmar anar burgwisad (Mateo 20:28 absogo). Jesusdi we nabbaneggi nabir sadegu gudi guoen inigwale, bur anmar anar burgwedgi binsasad, Adan, Evabo neg oissosad nabir gannar onugulegega. Jesus weyob ibmar imasadba anmar wisid, Jehova, Jesusbogwa, bela beladse anmar sabmala. Aagala, we lecciongi anmar durdaggoed, weyob anmar bendaglesadbali, ibu anmar imagged abelemoga.
1. Jesus anmar anar burgwisadbali, ¿nabir anmar doa aiga gusale, geb ibu nabir Jehova anmarga imagbali?
Bela anmar noedbisoggua, anmar Jehova igargi yoledgudaed. Auggi, Jesus anmar anar burgwisadbali, nabir anmar Jehova ai nuedga gusaled, auggi, anmar ibmar isgana imasar, mag na iddoger gebed anmar nue nosa, anmar alamagbalir gebed mer bar gannar aa ibmar imaggega. Geb anmar Jehovaga sogbalir gebed, Jesus nuggi wis anga an nosad ies imaggoye (1 Juan 2:1). Ar Bibliagi soglenaid: “Cristo unnila irgwenna anmar isgued anar burgwisad. Cristo dule gwage swilidiggid, dulemar isgana anar burgwisad, adi, Bab Dummadse dulemar nidegar” (1 Pedro 3:18).
2. Jesus anmar anar burgwisadbali, ¿igi nabir anmar yoogidse gudi guoe?
Jehova na e Massi barmialid anmar bendaggega, “doa dule egi bensurdibe mer obelolegega, nabir sadegu gudi guega” (Juan 3:16, TNM). Jesus anmar anar burgwisadbali, Jehova nabir gannar neg onudaggoed. Degsoggu, Jesus anmar anar burgwisadgi anmar bensurmogale, nabir anmar yoogidse neg yeer daglegedgi sadegu gudi gusmogaled (Isaías 65:21-23).
NUEGGWA WE IBMAR DURDAGMARGOLO
Wegine be durdaggoed, ibigala nue Jesus anmar anar burgwed abelesa. Geb be durdagbaloed, ibu be imagmogar gebe nabir be bendaglemogaga.
3. Jesus anmar anar burgwisadbali, isgued berguoed, burgwed bergubaloed
VIDEO dagmalo, we ibmargi sunmagmarbalo:
Adan, Jehova sogedba igar imasana, ¿igi gudi guoena?
Romanos 5:12 absomalo, we ibmargi sunmagmarbalo:
Adan isgusadid, degidde, ¿ibigala bedi galearmoga?
Juan 3:16 (TNM) absomalo, we ibmargi sunmagmarbalo:
¿Ibigala Jehova na e Massi nabbanegse barmiar gusa?
Adan, dule isguedsulidinad, Bab igargi yolesgu isgunoniggid, aagala, bela anmar isguedbi gusmogad, aagala, bela anmar burgwedbibalid.
Jesus, dule isguedsulidmogad, edi Bab sogedba igar imassoggu, aagala nabir anmar bendasad, yoogidse anmar sadegu gudi guega.
4. Jesus, bela dulemar bendaggega burgwisad
VIDEO dagmalo, we ibmargi sunmagmarbalo:
Dule wargwen burgwisadi, ¿igi nabir belagwable dulemar bendaggode?
1 Timoteo 2:5, 6 absomalo, we ibmargi sunmagmarbalo:
Adan, dule isguedsulidinad, Bab igargi yolesgu isgunoniggid, aagala, bela anmar isguedbi gusmogad, aggala, bela anmar burgwedbibalid. Jesus, dule isguedsulidmogad, aagala, ¿ibu nabir imasa anmar bendaggega?
5. Be bendaggega Jehova na e Massi barmialid
Jehova aimardi iddodamalad, Jehova eginsunna binsasadba Jesus barmialiyob. Apostol Pablo deyob iddosmogad, Gálatas 2:20 absomalo, we ibmargi sunmagmarbalo:
¿Doa anar Bab Massi burgwisye apostol Pablo sogsa?
Adan, Bab igargi yolesadba bela anmar burgwedbi gunonimogad. Aagala, Jehova nabbanegse na e Massi barmialid, be anar burgwega, nabir be yoogidse sadegu gudi gumogaga.
Bibliag ibmar absolegoedgi nue daggo, Jehova igi iddosa sabsur e Massi imaglenai dagsagu. Juan 19:1, 7 se geb 16, 18 se absomalo, we ibmargi sunmagmarbalo:
Jehova, Jesusbogwa, be bendaggega weyob wilesmalad, ¿bule be binarmar be iddosunna?
ABAR SOGDAMALAD: “Dule wargwen burgwisadde sun belagwable dulemar bendaggo be dagge”.
Dule deyob beg soggalile, ¿igi ega be sogsale?
WE IGARGI SUNMAGLESAD
Jesus, anmar anar burgwisadbali, anmar wis nosale, Jehova nabir anmarga we ibmar ies imagged, aagala nabir anmar yoogidse sadegu gudi gubaloed.
Ibu be durdasa
¿Ibigala Jesus burgwisa?
Jesus, Adanyobi, dule isguedsulidmoganad, aagala, ¿ibu nabir imasa anmar bendaggega?
Jesus burgwisadi, ¿igi be bendagmo be iddoge?
NABIR BE WE IBMAR DURDASBALILED
Wegine soglenaid, Jesus, anmar bendaggega ibu imasa.
“¿Igi Jesus nabir ‘buggidar dulemar bendasa’?” (We garda jw.org gi nosad)
Wegine soglenaid, ibu anmar saed abelege nabir bendaglegega.
Dule bela beladse isgusale, ¿Jehova nabir ega e nosad iesardibe?
Wegine soglenaid, dule wargwen durdasgua, Jesus e anar burgwisye, igi na e daed ogwasa.
“Emidi bar an sabsur emar imagsulid” (We garda jw.org gi nosad)
a Isguedye sogleged unnila ibmar isgana imaggedbi obarsulid. Adan, Evabo, anmarse isgued ogwasadba anmar ulubgi isgued naid obarbalid, aagala anmar ibmar isgana imadgudaed.