Bibliagi Bab Dummad gobiernogi bur sunmaglenadaed. Jehova imaggoed, e gobierno anmarga nabbaneg yeer dagle imaggega. ¿Doa we gobierno sisassunna? ¿Igi anmar wisi, we gobierno bad arbasii? ¿Ibu ibmar bad imagmai? ¿Yoogidse ibu ibmar imagbaloe? We lecciongi we ibmargi sunmaglegoed, sorba leccionmar sogbo daniggoedgi anba we ibmargi sunmaglebaloed.

1. Bab Dummad, ¿gobierno nigmodibe? ¿Doa we gobiernogi Reygala sii?

Bab Dummad na gobierno nigmogad, ee na we gobierno sisad. Jesucristo we gobiernogine, nibneggi Reyga siid (Mateo 4:17; Juan 18:36). Bibliagi soglenaid: Jesus “e neg semai guoedi, gwen berguosulid” (Lucas 1:​32, 33). Jesus, Bab Dummad gobiernogi Reyga sisoggua, aadi bela anmarga neg idusii guoed.

2. ¿Jesus, doamarbo neg idusii?

Jesus walagwen neg idusisulid. ‘Bela dulemar ablis aggar aggarmalad, dulemar gaya aggar aggar sunmagmalad, dulemar yar baid baidginmalad neg semarmogoed’ (Apocalipsis 5:​9, 10). Jesus nabbaneggi gudi gusad aggale, millonba mergu dulemar eba aggamamaid, e sordaganga gumamaid. Auggi, ¿bergwable we dulemar babneggi Jesusbo arbamarmogodibe? Suli, unnila 144.000 mergu dulemar babnegse namaloed, Jesusbo neg semai gumalaga (Apocalipsis 14:​1-4 absogo). Bamalad Cristo sordagandina, we nabbaneggi gudi gumaloed, aamardina, neg seosurmalad (Salmo 37:29).

3. ¿Ibigala Bab Dummad gobierno bur nuedi, dulemar gobiernoba?

Abar dummagan neg dagmamaidi, neg nudaggedgi binsadamarmoganad, auggi, geg bergwable neg nudagdamalad. Ar suiddi megwissurdamalad, sorba bamalad nagnonidamarmogad, sun aamardi neg nudaggedgi binsasulir binsasurmalad. Auggi Jesusdina, Bab Dummad gobiernogi Reyga siidi, adi dule baid bar anar signoniggosulid. Bab Dummad sogsad, ‘we Reygi bibbisaar dule baid obinosurye’ (Daniel 2:​44). Jesusdi bela nabbaneg idusii guoed, unnila dule wargwennabi bendaggosulid. Ar Jesusdi gadi dulemar binarsoggua, sabsur emar imagsurbarsoggua, dulemar odurdagmogoed, eyobi damarmogaga (Isaías 11:9 absogo).

4. Rey yeer gangued niggad bela nabbaneg idumai guoed

Bela nabbaneggi dummagan megdanimaladbali, Jesucristo bur yeer ibmar wisid, bur yeer gangued nigbalid. Mateo 28:18 absomalo, we ibmargi sunmagmarbalo:

• ¿Ibigala Jesus bur yeer gangued nigga, bamalad gobiernomarba?

Dulemar gobiernomardi bela neg dirbimaggar neg idumamasurdaed, unnila na e neggweburginbi neg idumamadaed, geb suiddi neg idumai gussurdamarbalid. ¿Bab Dummad gobierno deyob neg idumai gumogodibe? Daniel 7:​14 absomalo, we ibmargi sunmagmarbalo:

• ¿Ibigala Bab Dummad gobierno bur nuedi?

• Bab Dummad gobiernodi bela nabbaneg idusi guosoggua, ¿ibigala bur nued guoe?

5. Gobiernomar bela obelolemaloed

¿Ibigala Bab Dummad gobierno, dulemar gobierno anar sigwed abelege? VIDEO dagmalo, we ibmargi sunmagmarbalo:

VIDEO: ¿Bab Dummad, gobierno nigmodibe? (aagi sualed) (1:​41)

• Gobiernomala, ¿igi dulemar wioddamala?

Eclesiastés 8:9 absomalo, we ibmargi sunmagmarbalo:

• ¿Bule nue Bab Dummad gobierno, dulemar gobiernomar anar sigwed abelege? ¿Ibigala deyob be soge?

6. Bab Dummad gobiernogi arbamaloeddina, wile anmar dagmaloed

Anmar Rey, Jesus, we nabbaneggi anmaryob wiledi gusmosoggua, ‘wile anmar daggoed’ (Hebreos 4:15). Jehova, 144.000 mergu dulemar susbalid, omegana, massergana, inniggi e sogedba nanadi gusmalad, aamala Jesusbo reygala arbamarmogoed. We dulemar neggwebur soggwennaginmaladbisulid, ‘ablis aggar aggarmalad, gaya aggar aggar sunmagmalad, yar baid baidsigmaladid’ (Apocalipsis 5:9).

• Jesus, geb Jesusbo arbamaloedi anmaryob wiledi gusmarmogad. ¿Ibigala bur nued guoe aamar anmarga neg seogu?

7. Bab gobierno igarmar bur nueganad, dulemargadba

Bela gobiernomar igar mesedbiid, na e dulemar bendaggega. Bab Dummad gobierno na igarmar mesismogad, e sordagan eba igar imagged abelemarmogad. 1 Corintios 6:​9, 11 se absomalo, we ibmargi sunmagmarbalo:

• Bela dulemar we versiculogi ibmar soglenaidba ibmar imadmalale, ¿igi neg gudoe?a

• ¿Ibigala nue abelege, dulemar, Bab gobierno sordaga gubiele, Bab sogedba igar imagged?

• ¿Igi anmar wisi, dulemar, Jehova sogedba igar imagsurmalad, nabir na e daed ogwasmalale? (Versiculo 11 dagmalo).

WE IGARGI SUNMAGLESAD

Jehova na gobierno nigmogad, nibneggi siid. Aadi, bela nabbaneg idusii guoed.

Ibu be durdasa

• ¿Doamar, Bab Dummad gobiernogi neg idusi gumaloe?

• ¿Ibigala Bab Dummad gobierno bur nuedi, dulemar gobiernoba?

• Dule, Bab Dummad gobiernoba nagubiele, ¿ibu imagger gebe?

NABIR BE WE IBMAR DURDASBALILED

Wegine soglenaid, bia Bab Dummad gobierno sigoye Jesus sogsa.

“¿Bia nue Bab Dummad gobierno sii?” (We garda jw.org gi nosad)

¿Ibigala Jehovagi sunmagmaladdi bur Jehova sogedba igar imagbidamala?

Bab Dummad gobiernogi an agbinosulid (1:​43)

Wegine be durdaggoed, 144.000 mergu dulemar Jesusbo nibneggi arbamaloed ibu imagmaloe.

“¿Doamar babnegse namaloe?” (We garda jw.org gi nosad)

Ome wargwen carcelgi mellesigu durdasad, unnila Bab Dummadbi nabir neg nudaggoye.

“An durdasad, unnila Bab Dummadbi anmarga neg nudaggoye” (¡Despertad!, noviembre  2011 gad)

1914 gi Bab Dummad gobierno nibneggi neg iduded. Aa birgagine, dulemar gobiernomar obelolegoed e ibagan nodmogad. ¿Igi anmar we ibmar wisi? Ar Bibliagi iduaggwa we ibmargi sunmaglesad. Dagmaloena, aagala, 1914 aggale igi neg gude, geb igi dulemar dae gudbali.

1. ¿Bibliagi ibu ibmar soglesa?

Bibliagi Daniel sogsad, ‘birga gugled’ berguder Bab Dummad gobierno neg idudoye (Daniel 4:​16, 17). Undargi Jesus we ibmargi sunmasmogua, sogsad, ‘ibagan berguoedseye’, deun sogsad we ibagan anba yoo berguye (Lucas 21:24). Wegine anmar durdaggoed, igi anmar wisi, birga gugleye soglesad 1914 gi bergusa.

2. 1914 aggale, ¿igi neg gude, dulemar igi dae gudmoga?

Jesus sabbingan, Jesusse egissamalad: “Be daniggid iduar, ¿ibi wilubgan oyoledagosunna? Neg duggumosar, ¿igi neg gudagosunna?” (Mateo 24:3). Jesus, e sabbingan abin sogsad, an, Bab Dummad gobiernogi Reyga sigwisale, neg gagaledoye. Sogsad, guerramar yaisur gudagoye, mas galaggudoye, negabandurmar nomai gudbaloye (Mateo 24:7 absogo). Bibliagi soglesbalid, “neg duggumosar” dulemar galagwensur dae gudagoedbali, “iba bulegan nagunoniggoye” (2 Timoteo 3:​1-5). 1914 aggale weyob neg guded, dulemar galagwensur dae gudbalid.

3. Bab Dummad gobierno neg iduded aggale, ¿ibigala agga bur bule neg isgude?

Jesus, Bab gobiernogi reyga sigwisgua, nibneggi urwed nosad. Jesus, Niabo ulusad, angelmar Niaba aggasmaladbo ulusbalid. Bibliagi soglenaid, Nia galaggusye, aagala “we nabnegse egwallenonisunnad, e angelmar bela eba egwallenonimarmosunnad” (Apocalipsis 12:9, 10, 12). Nia na wisi gudisoggua, obeloleged mosa, aagala sae iddodiid. Aagala, bela beladse nabbaneggi neg oissos gunaid. Aagala, ¡bela neg dirbimaggar bela beladse neg gagales gunaid! Auggi, weyob neg gagalenaidbi guosulid, Bab Dummad gobierno anmarga neg nudaggoed.

NUEGGWA WE IBMAR DURDAGMARGOLO

4. Bibliagi soglenaid, 1914 gi Bab Dummad gobierno sigwisye

VIDEO: Bab Dummad gobierno  1914 gi signoniggid (5:02)

Bab Dummad gabgin Babilonia reyse oyosad, Nabucodonosorse, igi yoogidse neg guoe. Daniel sogsamogad, Nabucodonosor nue ibu ibmar ogabdasa. Sogsad, Nabucodonosor gobiernogi ibmar guoedgi sunmaglenaye, Bab Dummad gobiernogi sunmaglenabarye (Daniel 4:​17 absomalo).a

Daniel 4:​20, 26 se absomalo. Sorbali, weg ibmar egislenaid abin sogega dibujo naid dagmarbalo:

• A) Nabucodonosor, ¿gabgin ibu ibmar dagsa? (Versiculo 20, 21 dagmalo).

• B) ¿Sabbi igi imaglegoe? (Versiculo 23 dagmalo).

• C) ‘Birga gugled’ bergusale, ¿Nabucodonosor gannar ibu imaggoe? (Versiculo 26 dagmalo).

Nabucodonosorse gabgin sabbi oyolesad, geb Bab Dummad gobierno

BIBLIAGI WE IBMARGI SUNMAGLESAD (Daniel 4:​20-​36)

Gobierno

A) Sabbi maddusulid

Gobierno bar arbassulid

B) “Sabbi sigmalo, birga gugle siggar simalo”

Gobierno gannar arbaded

C) “Gannar be neg seoed”

Gebbedgi doagine sunmaglesa:

• D) We sabbigi sunmaglesgua, ¿doagine sunmaglesa? (Versiculo 22 dagmalo).

• E) ¿Ingu reyga maid onolesa? (Daniel 4:​29, 33 se absomalo).

• F) ‘Birga gugled’ nasgua, ¿Nabucodonosor gannar igi gunoniggi? (Daniel 4:​34, 36 se absomalo).

GEBBEDGI DOAGINE SUNMAGLESA

Gobierno

D) Babilonia rey Nabucodonosor

Gobierno bar arbassulid

E) Año 606 e.c.i. b sorba Nabucodonosor, nono isgunoniggid, birga gugle bar neg idumai gussulid

Gobierno gannar arbaded

F) Nabucodonosor gannar mag neg iddo noniggid, geb gannar reyga megnonibalid

Sorba doagi sunmaglesbali:

• G) We sabbigi sunmaglesgua, ¿doamargi sunmaglesbali? (1 Crónicas 29:23 absomalo).

• H) ¿Ingu bar reymar megissurmala? ¿Igi anmar wisi, Jesus gudi gusgu wemar bar neg idumamasulina? (Lucas 21:24 absomalo).

• I) ¿Ingu Bab gobierno signoniggi, bia signonibali?

SORBA DOAGI SUNMAGLESBALI

Gobierno

G) Ebbenne Israelgi Bab Dummad nuggi reyga megismalad

Gobierno bar arbassulid

H) Jerusalen obelolesgu, año 607  e.c.i.; aad aggale 2.520 años bar Israelgi dulemar Bab nuggi reyga megissurmalad

Gobierno gannar arbaded

I) 1914 gi Jesus, Bab gobiernogi reyga signoniggid, nibneggi

5. 1914 aggale nue neg isguded

VIDEO dagmalo.

VIDEO: 1914 aggale nue neg isguded (1:10)

Edega reyga sigwisale, ¿igi neg gudoye Jesus sogsa? Lucas 21:​9, 11 se absomalo, we ibmargi sunmagmarbalo:

• We versiculogi ibmar absolesadi, ¿biddimar bad gunai be dagdimoga? Sulirdi, ¿biddimargi sunmaglenai be iddodibali?

Apostol Pablo sogsamogad, neg duggumosar dulemar igi dae gudamaloe. 2 Timoteo 3:​1, 5 se absomalo, we ibmargi sunmagmarbalo:

• ¿We versiculogi ibmar soglenaidyob dulemar da gusmardibe? ¿Igi dulemar da gus be dagdimoga?

6. Bab Dummad gobierno bad sigwissoggua, ¿ibu be imagmogar gebe?

Mateo 24:​3, 14 absomalo, we ibmargi sunmagmarbalo:

• ¿Ibu ibmargi bela neg dirbimaggar sunmaglenaidba mag daglege, Bab Dummad gobierno bad neg idusii?

• ¿Ibu be imagmogar gebe, Bab igargi sunmagmogaga?

Bab Dummad gobierno bad sigwisad, isse nabbid anmarga nabbaneg idumogaga. Hebreos 10:​24, 25 absomalo, we ibmargi sunmagmarbalo:

• Nue neg duggumossoggua, ¿ibu anmar imagged abelege?

WE IGARGI SUNMAGLESAD

Bibliagi ibmar soglesadbali, geb bela neg dirbimaggar nue neg gagales gunaidbali, mag dagleged Bab Dummad gobierno bad neg idusii. Anmar we ibmar bensurmogale, anmar, Bab igargi sunmagged indaggosulid, igar iddogedse nanaed anmar indaggosurbalid.

Ibu be durdasa

• Danielgi birga gugledgi sunmaglenaid bergusgua, ¿ibu ibmar gunoniggi?

• ¿Ibigala be bensurmoga, Bab Dummad gobierno nue 1914 gi sigwisa?

• Be we ibmar bensurmogale, ¿be ibu ibmar imagged indaggosuli?

NABIR BE WE IBMAR DURDASBALILED

Abar dulemar sogmarmogad, 1914 aggale nue neg gwagsaye.

“Nue dulemar isguded” (¡Despertad!, abril  2007 gad)

Mateo 24:14 gi ibmar soglenaid absosgu igi dule wargwen na e daed ogwasa.

“Beisbolgi dodoed an bela belad binalenad” (La Atalaya, num. 3, 2017 gad)

¿Igi anmar wisi, Daniel capitulo 4 gi ibmar soglenaidi, Bab Dummad gobiernogi sunmagnai?

“¿Ingu Bab Dummad gobierno sigwisa? (Parte 1)” (La Atalaya, octubre 1,  2014 gad)

¿Igi anmar wisi, Daniel capitulo 4 gi “birga gugledgi” sunmaglenaidi, 1914 gi bergusa?

“¿Ingu Bab Dummad gobierno sigwisa? (Parte 2)” (La Atalaya, noviembre 1,  2014 gad)

Bab Dummad gobierno bad nibneggi neg idusiid. Isse nabbid we nabbaneggi neg nudagmogaga. Dagmaloena, ibu ibmar nuegan we gobierno anmarga imaggoe.

1. Bab Dummad gobierno, ¿ibu imaggoe nabir nabbaneggi neg nuguega?

Jesus, Bab Dummad gobiernogi reyga siidi, Armagendogi bela dulemar isganagan obelogoed, geb bela gobiernomar obelobaloed (Apocalipsis 16:​14, 16). Armagedon nodele, weyob Bibliagi ibmar soglenaid gunoniggoed: ‘Dulemar isganamar nabbi isse gudidimalad, bela obelolemaloed’ (Salmo 37:10). Jesus imaggoed, Bab Dummad gobierno nabir bela nabbaneg ugaggase neg nudaggega (Isaías 11:4 absogo).

2. ¿Igi anmar iddodi guoe Bab Dummad gobierno anmarga neg iduder?

Bab Dummad gobierno neg idudele, “dule nuegan damaladdi Bab Dummad ega yar uggoye sogsadgi degi sadegu mai gumaloed” (Salmo 37:29). Dulemar nueganbi nabbaneggi gudi gumaloed, na mussub mussub sabgudi gumaloed, Jehova sogedba igar imagdi gumarbaloed. Degsoggu, neg yeer iddollegoed, ar dulemar bar bibbisaar uelegosulid, bar burgosurmarbalid. Be iddogena, ¿bule anmar yeer iddodi guo be iddosunna?

3. Dulemar isganagan obelolesale, ¿Bab Dummad gobierno ibu imagbaloe?

Dulemar isganagan obelolesad sorbali, Jesus birga miligwen reyga sigoed. Birga miligwengine, Jesus, e sordagan 144.000 merguedbogwa, anmar bendagmaloed, anmargi isgued naid anmarga osulomaloed. Birga miligwen gusale, bela nabbaneg yeer dagle guoed. Bela dulemar, Jehova sogedba igar imagdi gumalosoggua, yeer iddodi gumaloed. Aa sorbali, Jesus, e Babga gannar gobierno uggoed, Jehovaga. Bab Dummad anmarga gannar neg idudele, Bab Dummad nuggi bar issaggwa sunmagledi guosulid (Mateo 6:​9, 10). Aagine mag daglegoed, unnila Jehovabi nued negsee, na sabsur e sordagan imagsurbali. Geb aa sorbali, Jehova, Satanas obelogoed, bela niamar obelobaloed. Doa dule e gobierno sogedba igar imagbisur gudagoe, obelolemogoed (Apocalipsis 20:​7-10). Bab Dummad gobierno weyob neg nudasale, bar bibbisaar neg isguosulid.

NUEGGWA WE IBMAR DURDAGMARGOLO

4. Bab Dummad gobierno, bamalad gobiernomar obelogoed

“Dule, e maiga dule baid imaggele, ega boniga gunonidaed” (Eclesiastés 8:9). Jehova gobierno, dulemar gobiernomar neg oissosad anmarga onudaggoed.

Daniel 2:​44 geb 2 Tesalonicenses 1:​6, 8 se absomalo, we ibmargi sunmagmarbalo:

• Jehova, Jesusbogwa, ¿igi bamalad gobiernomar imaggoe? Geb dulemar gobiernomarba aggananaidi, ¿igi imaglemarmogoe?

• Bad be wissoggua Jehova dule igi daedi, Jesus dule igi daedmoga, ¿igi ibmar imagmalo be soge?

5. Jesus bur Rey nuedid

Jesus, Bab Dummad gobiernogi reyga sisoggua, anmarga buggidar ibmar nuegan imaggoed. Auggi, igi anmar wissunna, Jesus nue dulemar bendagbidae, geb Bab Dummad ega gangued ugsabali anmar bendaggega. We ibmar wisguegala, VIDEO dagmalo.

VIDEO: Bab Dummad gobierno, ¿ibu ibmar imaggoe? (1:​13)

Jesus nabbaneggi gudi gusgu ibmar imasadba anmar wisid, anmarga neg idudele, igi anmarga ibmar imaggoe. Buggidar ibmar nuegan imaggoed, ¿biddi bur be gwae gued abemoga? Bibliagi we ibmar absomalo.

6. Bab Dummad gobierno anmarga neg nudaggoed

VIDEO: Yoogidse ibmar nuegan guoed (4:​38)

Salmo 145:16 absomalo, we ibmargi sunmagmarbalo:

• Jehova sogmaid anmarga ibmar obinegwadgi uggoye, ¿bule be aabali yeer iddomoga?

WE IGARGI SUNMAGLESAD

Bab Dummad gobierno imaggoed, bela nabbaneg yeer dagle guega. Aagine, dulemar nuegan sadegu Jehovaga arbadi gumaloed.

Ibu be durdasa

• ¿Bab Dummad gobierno ibu imaggoe, mer bar Jehova nuggi issaggwa sunmaglegega?

• ¿Ibigala be bensuli, Bab Dummad gobierno yoogidse anmarga neg nudaggoe?

• Bab Dummad gobierno buggidar ibmar nuegan imaggoed, ¿biddi bur be gwae gued abemoga?

NABIR BE WE IBMAR DURDASBALILED

Wegine soglenaid, ¿Armagedon ibua?

“¿Armagedon ibua?” (We garda jw.org gi nosad)

Wegine soglenaid, dummad neg gagaledele, igi ibmar guoye Jesus sogsa (Mateo 24:21).

“Dummad neg gagalegoye soglenaid, nue igi ibmar guoed obarnai?” (We garda jw.org gi nosad)

Neguyagi dulemar nabir ibu imasmalale, Bab Dummad gobierno anmarga ibmar nuegan imaggoed mer iemalaga.

Neg yeer dagle guoed mer iego (1:​50)

Politico wargwen durdagnoniggid, doa anmarga neg onudaggoedi. Wegine aa ibmargi sunmaglenaid, weyob soglenaidgi amigo, “An nue ibmar wisgubi gudi daenad”.

“Biblia dulemar daed ogwamaid” (La Atalaya, enero 1,  2012 gad)