¿Bad nabir an imasmogardibe?
¿Nabir bad an gwenaganba Bab igargi sunmagnaderdibe?
Bautizar saed idu nabir be anmarba Bab igargi sunmagnadmogaled...
... bali bali nueggwa be Biblia durdagdaer, bali bali Babse be gordabalir, geb igar iddogedse nanaed be iggusurdabalir.
... Bibliagi ibmar soglenanaid be bensulir, geb be aa ibmargi dule bamaladga sunmagbidabalir.
... gadi be Jehova binaler, geb unnila Jehova aimarbi be aimarga be imagbalir.
... politica igargi be bangusar, noar Bab igar odurdagmaladgi be bangusbalir.
... Jehova igarmar mamaidba be nanadiir, geb be nue Jehovagi sunmaggedga gubimogar.
Be na iddosundibe bad nabir be gwenaganba Bab igargi sunmagnadmogale, dule be odurdagnaidga be sogoed, aadi gwenagan idudimaladbo sunmaggoed, geb gwenagan idudimalad bebo sunmagmarmogoed, daggega, nabir be anmarba Bab igargi sunmagnadmogardibe.
¿Nabir bad an bautizar imasardibe?
Be nabir bautizar imasaled...
... bad be gwenaganba Bab igargi sunmagdimogar.
... Bab igargi sunmagged be indagdisulir.
... “mai nued binsaed nigga daed” anmarga igarmar ugmaidba be nueggwa ibmar imagdimogar (Mateo 24:45-47).
... bad be Jehovaga sogsar an begarbi arbadi guoye, geb Jehovaga arbed indaggedgi be binsasurbalir.
Be na iddosundibe bad nabir be bautizar imasale, dule be odurdagnaidga be sogoed, aadi gwenagan idudimaladbo sunmaggoed, geb gwenagan idudimalad bebo sunmagmarmogoed, daggega, bad be nabir bautizar imasardibe.