LECCION 45
¿Igi mag daglegoe anmardi unnila Bab gobiernobarbi nai?
Jesus sogsad, e sordagan ‘we nabbanegginedsurmarye’ (Juan 15:19). Jesus deyob sogsagu, ¿ibu obarisa? E sordagan politica igarba aggaosurmalad obarisad, guerra noalir soggwenba aggaosurmalad obarisbalid. Auggi, beedsedabalid mer anmar we ibmarmarba aggaega. Ar aabali sun dulemar anmargi dododaged. Auggi, ¿ibu anmar imagger gebsunna mer bibbisaar anmar we ibmarmarba aggaega, unnila Jehovabarbi anmar naguega?
1. ¿Cristo sordagan igi gobiernomar imagsurmala?
Cristo sordagan ibigwensur gobiernomar imagsurmalad. Jesus sogsad: “Ar ibmar Cesar gadir, be Cesarga ugmardo”. Aagala, neggweburgi igarmar mamaidba anmar ibmar imagmogad; anmar impuestomar bennugbalid (Marcos 12:17). Ar Bibliag soglenaid, dummagan, Jehova sogedba mamaye (Romanos 13:1). Auggi, gobiernomar Jehova birgindi obinsurmarmogad. Aagala, geg bergwabledi anmar eba ibmar imagbalid, ar anmar wisid unnila Bab Dummad gobiernobi anmarga neg nudaggoedi.
2. ¿Igi mag daglegoe, anmardi unnila Bab Dummad gobiernobarbi nai?
Igi ebbenne Jesus politica igarba aggassuli, anmar wissur politica igarba aggamogad. Ebbenne dulemar, Jesus ibmar dagledisurmalad imas dagsamargu, reygala Jesus imagbi guarmalanad, deunni, Jesusdi dulemar idu waggidsad (Juan 6:15). ¿Ibigala deun Jesus budar reygala guena? Deyob ibmar gusad sorba Jesus weyob sogsad: “An Reyga meged igar we nabbanegginedsulid” (Juan 18:36). Aagala, anmardina, Cristo sordagan sunsogmaladi, wissur anmar politica igarba aggamogad, wissur anmar guerramarba aggabalid (Miqueas 4:3 absogo). Anmar, bandergimalad isdar dagsurbar inigwale, auggi, Bab Dummadyobdi anmar we ibmar imagsurbalid (1 Juan 5:21). Wissur anmar politicomarba aggabalid, wissur anmar egi issaggwa sunmagbalid. Weyob anmar ibmar imaggedbali mag dagleged, anmardi unnila Bab Dummad gobiernobarbi agganai.
NUEGGWA WE IBMAR DURDAGMARGOLO
Wegine be durdaggoed, ibu ibmar gualir sun beg beedse gudagoe mer be emarba naguega. Be durdagbaloed, ibu be imagger gebe, nabir Jehova bebali yeer oiddomai guega.
3. Anmardi wissur politica igarba aggaed, auggi anmar wissur egi issaggwa sunmagbalid
Jesus, gobiernomarba aggassulid, egi issaggwa sunmassurbalid, e sordagan deyob ibmar imasmarmogad. Romanos 13:1, 5, 7 se geb 1 Pedro 2:13, 14 absomalo. Sorba VIDEO dagmalo, we ibmargi sunmagmarbalo:
¿Ibigala anmar, dummagan ibigwensur imagged abelesuli?
¿Igi anmar ibmar imaggele mag daglegoe, anmar, dummaganba igar imagnamoga?
Guerra noalir abar neggweburmar sogdamar inigwale, andi soggwenba agganasurye, auggi, inbaggwa sogbobela bendagnanadamarbalid. ¿Igi mag daglesarsunna anmardi unnila Bab Dummad gobiernobarbi nai? Juan 17:16 absomalo. Sorba VIDEO dagmalo, we ibmargi sunmagmarbalo:
¿Igi mag daglegoe anmardi unnila Bab gobiernobarbi nai?
Inbaggwa gobiernomar Bab igargi yolegega anmar imagbi guardamalad. Deyob ibmar gualile, ¿doabali bur anmar igar imaggoe? Gusmalad 5:28, 29 absomalo. Sorba VIDEO dagmalo, we ibmargi sunmagmarbalo:
Dummagan igar mesisad Jehova igargi yolegele, ¿doabali bur anmar igar saoe?
¿Dummagan ibu igar mesisale anmar eba igar imaggosuli?
4. Mer bedi emarba nagudao
1 Juan 5:21 absomalo. Sorba VIDEO dagmalo, we ibmargi sunmagmarbalo:
¿Ibigala Ayenge partido soggwenba nagussuli, geb bander saludar imassurbali?
¿Bule Ayenge igar nued imas be dagge?
¿Ibu ibmar gualile sun anmarga beedse gudagoe, mer anmar emarba nagumogaga? VIDEO dagmalo, we ibmargi sunmagmarbalo:
Dodoged gualile, ¿igi mag daglesale anmardi soggwenba nasuli?
Partido soggwen anmar bendaggoeyob iddollegele, baiddi anmar bendaggosuliyob iddollegele, ¿igi mag daglesale anmardi soggwenba nasuli?
Noticiamargi ibmar soglegeddibe, dulemar ibmar sogeddibe, ¿sun igi binsaedga anmar imagge?
¿Ibu ibmar gualir mag daglegoe anmardi unnila Bab Dummad gobiernobarbi nai?
ABAR SOGDAMALAD: “¿Ibigala bedi wissur bander saludar sae, geb ibigala bedi wissur himno nacionalgi namagbali?”.
Dule deyob beg soggalir, ¿igi ega be sogsale?
WE IGARGI SUNMAGLESAD
Anmala, Cristo sordagana, bela beladse anmar alamagged mer politica igarba aggaega, ibmar gualir mer anmar emaryob ibmar imagbaliga.
Ibu be durdasa
¿Cristo sordagan igi gobiernomar imagsurmala?
¿Ibigala anmardi wissur politica igarba aggae?
¿Igi neg gualir sun anmarga beedse gudagoe, mer anmar emaryob ibmar imagmogaga?
NABIR BE WE IBMAR DURDASBALILED
Mer politica igarba aggaega, ¿sun anmar ibu ibmar indagge dagledagoe?
Babgan igi nabir iduaggwa na e mimmigan odurdasale, ibmar gualir mer emaryob ibmar imagmarmogaga.
Abar dulemar sogdamalad, an neggwebur ular an burgwer bur nuedye, ¿ar bule nueddibe?
Arbaed amigedgi be binsaalile, ¿ibu ibmargi be binsaer nuedbalile?
“Anmar na wala walagwen ibmar imaggoed” (La Atalaya, marzo 15, 2006 gad)