LECCION 40
¿Igi ibmar aggweleged Jehova abemai?
Nangan na gadi mimmigan binarmaladi, mimmigan escuelase naed idu na nueggwa mimmigan ogdamalad, nueggwa na ga mor yosdamarbalid. Ar wismalad, degiile, e mimmi nued dungumaoe, bamalad mag dagmarmogoe, gadi na we mimmi binarmala. Jehova anmar babmosoggua, wile anmar daggedba anmarga sogmamogad, mer sunnasur gudi gumaloye, nueggwa na san aggwemaloye, mer galagwensur gudi gumarbaloye. Degsoggu, anmar eba igar imagmogale, anmarga nued gumogoed, geb Jehova nuggi nued sunmaglemogoed.
1. ¿Igi mag daglegoe anmar ibmar sunnasur abesurdae?
Jehova anmarga sogmaid: “Swilidig be gumar” (1 Pedro 1:16). Deyob guegala, anmar na nueggwa san aggwer gebed, anmar sunnasur gudisulir gebed, anmar galagwensur gudisurbalir gebed. Degsoggu, anmar bane bane obdaele, geb anmar nueggwa mor enugdabalile, mag daglegoed anmar ibmar sunnasur abesurdae. Geb anmar nueggwa neg nudagdabalile, nueggwa carro enudagbalile, nueggwa igar iddoged neg nudagdabalile, mag daglebaloed anmar sunnasur ibmar aggwesurbali. Deyob anmar ibmar imagdaele, Jehova nug odummolegoed (2 Corintios 6:3, 4).
2. Anmar ibmar isgana imagbisulile, ¿ibu ibmarmar anmar indagger gebe?
Bibliagi soglenaid: “Bela ibmar isgana anmar sangi nanaid, osulomarsun” (2 Corintios 7:1). Aagala, anmar alamagged abeleged, mer ibmar soggwensaar anmar binsaed oissogega, anmar daed oissogegardibe. Jehova anmarba yeer iddomai gued anmar abesoggua, aagala, anmar alamagged abeleged, mer anmar ibmar isganagangi binsadi guega (Salmo 104:34). Anmar alamagged abelebalid, mer anmar gaya isgana gorbaliga (Colosenses 3:8 absogo).
¿Ibu ibmar bamalad sun anmar oissosbalile? Anmar wisid, abar ibmarmar sun anmar san oissoge. Aagala, anmardi wissur waar ued, bergwable ibmar sigali mummudgimalad anmar ebusurbalid, yogasaar anmar inamar ebusurbalid. Anmar ibmar wegimalad ebusurdaele, mag daglegoed anmar na nued san aggwedii, mag daglebaloed, anmar boni amibisuli. Aagala, anmar alamagged abelebalid, mer nisaed gardamar daggega, mer anmar na duggin anmar abgangi dodobaliga (Salmo 119:37; Efesios 5:5). Anmar wisid, we ibmarmar indaggega undar guleardaed, auggi Jehova nabir anmar bendasaled anmar we ibmar indaggega (Isaías 41:13 absogo).
NUEGGWA WE IBMAR DURDAGMARGOLO
Wegine be durdaggoed, anmar nueggwa na san aggwedaele, geb anmar sunnasur ibmar aggwesurbalile, igi Jehova nug odummolegoe. Geb igi anmar nabir ibmar isganagan indasbalile.
3. ¿Igi ibmar imaglegele Jehova nug odummolegoe?
Ebbenne Jehova, Israel neggweburga igarmar ugsadba anmar wisid, Jehova ibmar sunnasur abesurdae. Éxodo 19:10 geb 30:17, 19 se absomalo, we ibmargi sunmagmarbalo:
Bibliagi igi soglenai be dagsa, ¿ibu ibmar imagleged Jehova abege?
¿Be ibu ibmarmar imagged iesurdamogale, be na nueggwa san aggwedi gumogoe?
Nabir nueggwa ibmar aggwelegegala ibigwensursurbalid. Deginigwale, bia anmar masundibe, anmar mani ibeddibe, wilesaggwasaar anmar gudisundibe, nabir anmar nueggwa ibmar aggwisaled. VIDEO dagmalo, we ibmargi sunmagmarbalo:
Dulemar dagsundibe anmardi sunnasur ibmar aggwesuli, ¿aabali nabir dulemar Jehova igar durdagbi guarmarmogardibe? ¿Ibigala deyob be soge?
4. ¿Igi nabir anmar ibmar isganagan indasale?
Jehova anmar bendaggoed, ibmar isganagan indaggega.
Be gadi sigali uele, be, sigali mummudgimalad ebubalile, be wisid, we ibmar indaggegala ibigwensursuli. Degsoggu, be we ibmar indagbiele, be mag iddogweler gebed, ibigala we ibmar ebuged nuedsuli. Mateo 22:37, 39 se absomalo, we ibmargi sunmagmarbalo:
Be gadi sigali uele, sigali mummuddibe, ¿nabir Jehova be aigala gusardibe?
Be gadi sigali uele, sigali mummuddibe, ¿sun we ibmar be gwenaganga boniga gusardibe?
¿Ibu be nabir imasale ibmar wegimalad indaggega?a VIDEO dagmalo.
Filipenses 4:13 absomalo, we ibmargi sunmagmarbalo:
Be, Babse goled iesurdaele, Biblia durdaggedi, igar iddogedse nanaedi, ¿aa ibmarmar nabir be bendasardibe be ibmar isganagan indaggega? ¿Ibigala deyob be soge?
5. Mer ibmar isganagan dagdao, mer ibmar isganagangi binsadabalo
Colosenses 3:5 absomalo, we ibmargi sunmagmarbalo:
¿Igi anmar wisi, nisaed garda daggedi, mensajebali na ga nisaar sunmagmaladi, geb na duggin dule e abgangi dodogedi, Jehovagala ibmar gassaarsurmaladi?
¿Ibigala Jehova anmarga sogmai, mer galagwensur gudi gumaloye?
Dagmaloena, ibu nabir anmar imasale, mer ibmar isganagangi binsadi guega. VIDEO dagmalo.
Jesus sogsad, ibu nabir anmar imasale mer ibmar isganagangi binsaega. Mateo 5:29, 30 absomalo, we ibmargi sunmagmarbalo:
Jesus sogsasuli inigwale sanaggwa be deyob ibmar imagmaloye, auggi, anmar ibmar isganagangi binsaalile, ¿ibu anmar imagged abelegoye Jesus sogsa?b
Be ibmar isganagangi binsadgudaele, mer iego, Jehova be bendaggoed nabir be aa ibmar iegega. Salmo 103:13, 14 absomalo, we ibmargi sunmagmarbalo:
Be ibmar isganagan indagbiele, ¿weg ibmar soglenaid igi be bendagge, mer be siggirmaggega?
¡Mer siggirmaggo!
Dule gannar ibmar isgana imasbalir sun binsadaged, “an we ibmar indaggosurguoye”. Auggi, ¿ibig deyob binsaedsuli? Ar we ibmaryobmogad, dule abarmagmai aglasale, soglesulid geg bar gwisguye, soglesurbalid, gwisgusale gannar solabali onoder gebye. Degsoggu, gannar be ibmar isgana ebunonimogale, soglesurmogad, bar be guosurye, soglesurbalid, binsa be alamasye. Ar binna binna ibmar isganagan indagleged, geg abgayala irgwen indas guleged. Degsoggu, ¡mer siggirmaggedgi binsamogo! Jehova be bendaggoed be we ibmar indaggega.
ABAR SOGDAMALAD: “Ar diggasurgus an we ibmar ebudiid, sun bar an indaggo”.
Dule deyob beg soggalile, ¿bia Bibliagi ibmar soglenaid ega be absosale ese oyogega, Jehova nabir be bendasarye be we ibmar indaggega?
WE IGARGI SUNMAGLESAD
Anmar sunnasur gudisurdaele, anmar ibmar isganagangi binsasurbalile, anmar ibmar nueganbi imagdaele, Jehova anmarba yeer iddogoed.
Ibu be durdasa
¿Ibigala anmar sunnasur ibmar aggwed abelesuli?
¿Igi mag daglegoe, anmar ibmar sunnasur abesurdae?
Anmar ibmar isgana imagbisulile, ¿ibu ibmarmar anmar indagger gebe?
NABIR BE WE IBMAR DURDASBALILED
Anmar wilesaggwasaar gudiile, ¿ibu nabir anmar imagsale, mer boni amiega?
Wegine soglenaid, ibu nabir dule imasale, sigali ued indaggega.
“¿Igi be nabir sigali ued indasale?” (¡Despertad!, mayo 2010 gad)
Wegine soglenaid, nisaed garda dagged, igi dae dule imagge.
“Nisaed garda daggedi, ¿aggarsurdibe, boni bibbisurdibe?” (La Atalaya, agosto 1, 2013 gad)
Wegine soglenaid, dule wargwen igi imasa nisaed garda dagged indaggega.
“Undar anga gusad we ibmar indaggega” (La Atalaya, num. 4, 2016 gad)
a We leccion bergunaidsig we garda naid, “¿Igi be nabir sigali ued indasale?”, aagine binsaed nuegan daglenaid.
b Be wisgubiele ibu be nabir imasale, mer be na galagwensur abgan imagdi guega, we libro amigo, Lo que los jóvenes preguntan. Respuestas prácticas (volumen 1), capitulo 25, weyob sognaidgi, “¿Ibu an imaggoe mer an na duggin galagwensur abgan imaggega?”.