Kîhtwâm cî kita-kî-pimâtisiwak anihi kâ-kî-nipicik?

ITASTÎW KIHCI-MASINAHIKANIHK

“Kita-ihtakwan âpisisinowin.”​—Acts 24:15, New World Translation.

TÂNISI KA-KÎ-ISI-WÎCIHIKON ÔMA

Ka-wîcihikon ôma ispîhk kâ-wanihacik kisâkihâkanak.​—2 Corinthians 1:3, 4.

Môtha katâc ka-kostîn nipowin.​—Hebrews 2:15.

Kîhtwâm ka-wâpamâwak kisâkihâkanak kâ-kî-nipicik.​—John 5:28, 29.

KA-KÎ-TÂPWÎHTÎNÂNAW CÎ MÂKA ÔMA KIHCI-MASINAHIKAN KÂ-ITWÎMAKAHK?

Îhî, wîtha nisto ohci kîkwaya:

• Kisî-Manitow Wîtha kâ-kî-osihtât pimâtisiwin. Kihci-Masinahikan isithihkâtîw Jehovah Kisî-Manitowa “kahkithaw pimâtisiwin î-ohcipathik.” (Psalm 36:9; Acts 17:24, 25) Ana kâ-kî-mîthât pimâtisiwin kahkithaw kita-kî-kaskihtâw kîhtwâm ta-pî-waniskânât kâ-kî-nipithit.

• Kisî-Manitow kî-pî-waniskânîw ithiniwa kayâs. Kihci-Masinahikan itastîw kî-pî-waniskâwak ôta askîhk ayinânîw ithiniwak—îkwâni ôho—osk-âyisak, kisî-ayak, nâpîwak, mîna iskwîwak. Môtha kinwîs âtiht kâ-kî-nipicik, mâka pîyak kî-nahinâw niyo-kîsikâwa!​—John 11:39-44.

• Kisî-Manitow î-wî-ihtôtahk kîhtwâm mîna. Jehovah pakwâtam nipowin; tâpiskôc pakwâcikan. (1 Corinthians 15:26) Kisî-Manitow “mitoni nitawîthihtam” ta-pônipathik ôma pakwâcikan, nipowin. Kita-âpacihtâw âpisisinowin. Mitoni nitawîthihtam ta-pî-waniskânât aniki kâ-ayâwât omâmitonîthihcikanihk ôta askîhk kîhtwâm.​—Job 14:14, 15.