Sut Rydych Chi’n Teimlo am y Dyfodol?

MAE’R BEIBL YN DWEUD:

“Bydd [Duw] yn sychu pob deigryn o’u llygaid nhw. Fydd dim marwolaeth o hyn ymlaen, dim galaru, dim wylo, dim poen. Mae’r pethau oedd o’r blaen wedi mynd.”—Datguddiad 21:4, beibl.net.

MAE HYNNY’N GOLYGU

Gwaith sy’n werth ei wneud.—Eseia 65:21-23.

Diwedd ar salwch a dioddefaint.—Eseia 25:8; 33:24.

Bywyd tragwyddol a hapus yng nghwmni teulu a ffrindiau.—Salm 37:11, 29.

OND ALLWN NI GREDU BETH MAE’R BEIBL YN EI DDWEUD?

Gallwn, am o leiaf ddau reswm:

• Mae gan Dduw’r gallu i wireddu ei addewidion. Yn y Beibl, Jehofa Dduw yn unig sy’n cael ei alw’n “Hollalluog” oherwydd does dim terfyn ar ei allu. (Datguddiad 15:3) Felly, nid yw’n anodd i Dduw gadw ei air a newid y byd er gwell. Fel mae’r Beibl yn dweud, “mae Duw’n gallu gwneud popeth!”—Mathew 19:26.

• Mae Duw eisiau gwireddu ei addewidion. Er enghraifft, mae Jehofa yn edrych ymlaen yn fawr at yr amser pan fydd yn codi’r meirw yn fyw.—Job 14:14, 15.

  Mae’r Beibl hefyd yn dangos bod Mab Duw, Iesu, wedi iacháu pobl o’u salwch. Pam y gwnaeth hynny? Oherwydd dyna roedd Iesu eisiau ei wneud. (Marc 1:40, 41) Pan oedd Iesu yn helpu pobl mewn angen, roedd yn adlewyrchu cymeriad ei Dad yn berffaith.—Ioan 14:9.

  Felly, gallwn fod yn hollol sicr fod Jehofa a Iesu eisiau inni gael dyfodol hapus!—Salm 72:12-14; 145:16; 2 Pedr 3:9.