Defnyddia’r Drych yn Gywir

Gwnaeth y disgybl Iago gymharu’r Beibl â drych sy’n ein helpu ni i weld pa fath o berson rydyn ni ar y tu mewn. (Iago 1:​22-25) Sut gallwn ni ddefnyddio’r Beibl fel drych yn y ffordd gywir?

Darllena’n ofalus. Os ydyn ni ond yn edrych yn glou ar ein hunain mewn drych, efallai byddwn ni’n methu gweld rhywbeth pwysig sydd o’i le. Yn yr un ffordd, os ydyn ni’n darllen y Beibl yn gyflym, efallai ni fyddwn ni’n gweld beth sydd angen inni ei newid. Mae’n rhaid inni ddarllen y Beibl yn ofalus er mwyn gwneud hyn.

Canolbwyntia ar dy hun yn lle ar eraill. Os ydy drych yn cael ei osod ar ongl, byddai’n gallu dangos adlewyrchiad pobl eraill a’u gwendidau. Mewn ffordd debyg, byddai’n bosib inni ddefnyddio’r Beibl i ganolbwyntio ar ffyrdd gall eraill wella. Ond, fyddai gwneud hynny ddim yn ein helpu ni i gywiro ein hunain.

Bydda’n rhesymol. Os ydyn ni’n edrych mewn drych ac yn canolbwyntio gormod ar ein gwendidau ein hunain, efallai byddwn ni’n digalonni. Wrth ddarllen Gair Duw, mae’n rhaid inni fod yn rhesymol a pheidio â disgwyl mwy gynnon ni’n hunain nag y mae Jehofa’n ei ddisgwyl.—Iago 3:17.