Dhebɔ do ˈö ˗klɔŋ ˈˈdhiʋ̈

ˈDhɛ Pakö ˈwlaan˗ ˗yö ˗ʒiö, Yesu waa ö ˗bha gwëëˈˈ ˗nu ˗wo ˗bɔ Samadhi ˈwo dho Galile. ˈDhɛ ˈwo ˗lo Sisha ˗dhɛ ˈˈsuee, Yesu ˗yö ˈduannu ˗dhɛ ˈwo˗ ˗dhɛ Zakɔbö ˗bha ˗klɔŋ bhë, ˗a ˈgü. ˈDhɛ kun ö ˈˈtɛɛpa ˗ni ˈgü, ˈyö˗ ˗bha ˗gwëë ˗nu ˗wo dho ˗bhöpë ˈdhɔ ˈplöö˗.

Dhebɔnën do ˗yö ˗nu kö ˈö ˈˈyi tɔ. ˈÖ Yesu ˗ya pö ˗a ˗dhɛ: «˗Bhö ˈˈyi nu n ˗dhɛ ˈa˗ mü.» ˈYö dhebɔnën ˗ya pö: ‹˗Yö ˗kë ꞊dhɛ ˈyö ˈü ˈˈwɩ n ˈˈpiʋ̈? Samadhi dhebɔ ˗mü n ˈka. Zuifö ˗nu ˈwaa dhiaŋzë Samadhimɛn ˗nu ˈˈpiʋ̈.› ˈÖ Yesu ˗ya pö: ‹ˈMɛn ˈa˗ ˈka ˈü˗ dɔ ˗be, ü ˗dho ˈˈyi nu n ˗dhɛ kö ˈa˗ mü, ˈö ˈa ˈˈyi ˈö ˗këdhösü nu mɛn ˗dhɛ bhë, ˗a nu ü ˗dhɛ.› ˈYö˗ dhebɔnën ˗ya pö: ‹Ü˗ ˈˈpiʋ̈ ˈü˗ pö ꞊dhɛ? ˈˈYi ˗tɔ ˗a ˈka ˗pë ˈyaa ü ˗gɔ.› ˈÖ Yesu ˗ya pö: ‹Mɛn ˈö ˗dho ˈˈyi ˈa ˗dho ˗a nu ˗a ˗dhɛ bhë ˗a mü, ˈˈyi mü ˗dhɔ yö ˈti ˗dho ˗a kë ˈzü toŋtoŋdhö.› ˈYö dhebɔnën ˗ya pö ˗a ˗dhɛ: ‹N dëmɛn, ˈˈyi ˈö ˈˈdhʋ̈ ˗a nu n ˗dhɛ.›

ˈYö Yesu ˗ya pö: ‹˗Bhö ˈdho kö ˈü ü ꞊gɔn ˗dhɛ kö ˈka nu.› ˈYö˗ pö: ‹Gɔn ˈyaa n ˗gɔ.› ˈÖ Yesu ˗ya pö ˗dhɛ: ‹˗A ˗pö ˈˈdhʋ̈ ˗dhɛ ˗mü. ˈBha ꞊gwaan ˈkpɔ ˗gɛnɲan ˈka ˈˈsoodhu, ˈyö ˗a mɛn ˈdhɛ ˈü˗ ˈˈpiʋ̈ ˈˈtʋ̈ŋ ˈö yö ˗a ˈgü bhë, ü ꞊gɔn ˈyaa ˗mü.› ˈYö dhebɔnën ˗ya pö: ‹ˈMan˗ ˈwɔn dɔ ꞊dhɛ ˗Zlan ˗wodhiʋ̈lomɛn ˗mü ü ˈka. Yi ˈˈbhɛman ˗nu ˗wo ˗Zlan ˗dhɔkë ˗tɔn ˈö yö ˗a ˗ta, ˈˈkɛɛ ka ˗zë ka˗ ˗pö ˗dhɛ ˈö Zedhizadhɛmö ˈyö kwa dua ˈdhö ˗mü kö ˈkwa ˗Zlan ˗dhɔkë ˗a ˗bha.› ˈYö Yesu ˗yö pë ˈbha ˈö yö ˈti˗ pö do mɛn ˈbha ˗dhɛ ˗a pö ˗a ˗dhɛ ˈö˗ pö: ‹Man ˈnën ˈa ˗tɔ Mesi.›

˗A dhebɔnën ˗yö ˗dho Samadhi ˈö˗ pö ˗a ˈgümɛn ˗nu ˗dhɛ: ‹ˈMan ˗kpan Mesi ˗bha. ˗Yö ˈwɔn ˈˈpɛpɛ ˗dɔ. ˗Ka nu.› ˗Wo ˗to ˗a ˈˈpiʋ̈ ˈwo dho ˗klɔŋ ˈˈdhiʋ̈ ˈwo wo ˈˈtʋ to Yesu ˗bha, kö ˗yö mɛn ˗nu ꞊klaŋkë ˗ni ˈgü.

ˈYö Samadhimɛn ˗nu ˗wo Yesu ˗dhɛ kö ˗yö ˈto wo ˈˈpiy. ˗Dhɛkpɔayi ꞊plɛ ˈˈpiʋ̈ Yesu ˗yö mɛn ˗nu ꞊klaŋkë ˈö mɛn ꞊vadhɛ ˗wo ˈdhaŋ bho ˗a ˈˈdhiʋ̈. ˈYö ˈwo˗ pö Samadhi dhebɔnën bhë, ˗a ˗dhɛ: ‹Yi ꞊dede ˈya yi ˈˈtʋ ˈto gɔndënën bhë ˗a ˗wo ˗bha, ˈya˗ yö ꞊dhɛ yö ˈnën ˈö ˗tɔ mɛn ꞊dede ˈö ˗dho ˈˈkpɔnŋtaamɛn ˗nu dha.›