ˈSëëdhɛ nu ˗kɔ ˈˈslö ˈbhaa ˗nu
Mɛn ˗dhɛ ˗zo ˗bho ˈˈwlaan˗ ˗ta ˗sü ˈsëëdhɛ ˗bhaa
“ˈWɔn ˗tiaandhö do ˈbhaa ˈö ˗dho kë, ˗a ˈsëëdhɛ ˈö yö, yi ˗gblü ˗ni ˈgü mɛn ˗nu ˗ta. Avlidhö 3 ˈka, mɛn ˈˈmliɲɔn ꞊va ˈwo ˈˈkpɔnŋtaadhɛ ˗todhʋ̈sü ˈgü, ˗wo ˗dhö ˈdho˗ wo ˈkwëëdhö kö ˗wo wo ˗zo ˗bo Yesu ˗bha ga ˈka, kö ˗kɔ ˈwo ˗dho ˗a ꞊trɔɔn ꞊slɔɔ˗ ˈka, ˗wo wo ˈˈtʋ ˈto ˗a ˈˈdhɛɛtadhiaŋ˗ ˗bha. Mɛn ˗dhɛ ˈsëëdhɛ ˈö yö, ˈdhɛ kwa ˗bha ˈdhö˗ kë˗ ˗bha, waa˗ ˈˈlɛlɛ, ˗ya ˗zɔn.”
La Tour de Garde 1er mars
“Yesu Klito ˗bha ga yi ˗yö ˗pö Avlidhö 3 ˗ta. Mɛn ꞊vadhɛ ˈwo kwa ˗gɔ ˈyö, ˗wo ˗dho ˗kpan wo ˈkwëë˗ yi ˈö bhë ˗a ˈka kö ˗wo wo ˗zo ˗bo ˗a ˈka. ˈˈKɛɛ mɛn ˈbhaa ˗nu ˗bha ˈgü Yesu ˗bha ga ˗sü ꞊trɔɔn ˈyaa ˈdhö. Ü ü ˗bhaa ˗pö ˗a ˈgü ꞊dhɛ? Ü ˗bhaa ˈgü, Yesu ˗bha ga waa˗ ˗bha ˗gogagüsü ꞊trɔɔn ˗dhö kwa ˗bhaa ˈka ˗ee? [Ü ˈˈtʋ ˈto ˗a ˗wo ˗bha.] Pë ˈö ˗Zlan ˗Wo ˗ya pö ˗a ˗ga. [1 Kodhɛngtö 15:22, 26 ˗wo pö.] ˈSëëdhɛ ˗be ˈnën ˈö yö, ˗yö Yesü ˗bha ˗gɔtadhɔ ˈˈsaa˗ ꞊trɔɔn ˈö ˗dhɛkpaɔ dhiʋ̈ˈˈ ˈgü—ˈö ˗kë ꞊dhɛ, yi ˈbhaa ˗dhö ˗wo, ˈö mɛn ˈti ˗dho ga ˈˈkpɔnŋ ꞊taa ˈka bhë, ˗a ˗wɔn ˗blɛɛ.”
Réveillez˗vous ! Mars
“Mɛn ˗nu ˈö yaa˗ ˗nu ˈyi ˗dhɛ do ˈgü, yi ˗wo ˗ni ˈgü ˗an ˗dhɛ kö yi ˗bha Réveillez˗vous ! ˗dɛɛ ˈö nu bhë, ˈyii˗ ˗zɔn ˗an ˗dhɛ. [˗A ˗tadhɛ ˗zɔn.] ˗A dhɛɛˈˈ ˗blɛɛsü ˈö ˗kë ‘˗Zlan ˗yö ˗dhö ˗ee?’ ˈka bhë, ˈmɛn ˈö ˈdhö, ˗a ˗bha ˗yɔ ˗dhö. Ü ˗bhaa ˈgü, de ˗nu ˈwo ˗dhɛkpaɔ dhiʋ̈ˈˈ yö ˗së? Mɛn ˈwo wo ˗zo yö ˗Zlan ˗dhɛ ˗ee, ɛɛnˈˈ ˈmɛn ˈwaa wo ˗zo yö ˗a ˗dhɛ wo mü? [Ü ˈˈtʋ ˈto ˗a ˗wo ˗bha.] Pë ˈö ˗Zlan ˗ya ˈˈplüün bho, ˈö ˗zoyödhe nu mɛn ꞊vadhɛ ˗dhɛ ˈyö ꞊nɛn. [Psaume 37:10, 11 ˗wo pö.] ˈSëëdhɛ ˗be ˈnën ˈö yö, ꞊ya kë ꞊dhɛ ˗Zlan ˗yö ˗dhö, ˗ya mɛɛnˈˈ ˗gɛn ˗yiishiö ˗zɔn.”