˗Kwa kë ˗zlanwopömɛn ˗tiaandhö ˈka—ˈˈSu ˗bha ˈsëëdhɛ ˗be ˗nu ˗gblü ˗sü ˈka zoodhö zoodhö

˗Mën ˈö ˗kë ˈö˗ ˗wɔn ˈdhö ˈˈgbɩɩ˗: Mɛn ꞊vadhɛ ˈö kwa ˗bha ˈˈsu ˗bha ˈsëëdhɛ ˗be ˈnën ˗wo pö ˗sü ˈˈyi ˗yö ˗kan ˗an ˈˈdhi, ˈwaa ˈˈwɩɩ˗ ˗bha ˈwo Biblö draanˈˈ kwa ˈˈpiʋ̈. ˗A ˈbhaa ꞊ya kë kö ˗an ˗bha ˗zlanwo ˗yö ˗an ˈgü ˗së, ɛɛnˈˈ zü kö ˗wa ˗yö ꞊dhɛ ˈˈtʋ̈ŋ ˈyaa wo ˗gɔ kö ˈwo Biblö draanˈˈ. ˈˈKɛɛ ˈdhɛ ˗kë ꞊dhɛ ˗wo kwa ˗bha ˈˈsu ˗bha ˈsëëdhɛ ˗be ˈnën ˗nu ˗wo pö ˗ni ˈgü zoodhö zoodhö bhë, ˗an zuʋ̈ˈˈ ꞊mɔɔn˗ ˗bha ˈö dɔ foodhö ˗Zlan ˗Wo ˈˈpiʋ̈. (1 Piɛ. 2:2) ˗A ˈwɔn ˗gɔ do ˈbhaa ꞊mɔɔn˗ ˗bha ˈö ˗yɛ ˗an zuʋ̈ˈˈ ˗bha, ɛɛnˈˈ ˗an ˗bhawɔn ˗nu ꞊mɔɔn˗ ˗bha ˈwo go ˈˈgblʋʋ. ˗Wo ˗an ˗dhɛ ˗sü ˈö zoodhö zoodhö ˗yö ˗dho ˗a kë ˈö kwaa˗ ˗nu ˈkwa kwa ˈko dɔ, ˈyö kwa ˗takun ˈyö ˈpë ˗an ˗bhawɔn ˈdhö˗ ˗bha, ɛɛnˈˈ ˈö ˗an ˗zogɔngüwɔn ˈka ˈyö ˈkwa˗ dɔ. ˗A ˈbhaa ꞊ya kë Biblö draansü ꞊mɔɔn˗ ˗bha ˈö züdɔ.

Kwa ˗dho ˗a kë ˗kɔ ˗kë ꞊dhɛ:

• ˈˈSu ˈˈpɛpɛ ˈka, ˗bhö ˈˈtʋ̈ŋ mɛɛnˈˈ kö ˈü ˈdho La Tour de Garde waa Réveillez˗vous ! ˗dɛɛ ˈwo yö ˈˈkpɛnŋ ˗an ˈka ˗an ˗dhɛ. Ü ꞊mɔɔn˗ ˗bha ˈü ˗wo ˗an ˗dhɛ ˈˈtʋ̈ŋ ˈˈwɛɛ ˈbhaa ˈka, kö ˈˈsu ˗bha ˈsëëdhɛ ˈü˗ nu ˗an ˗dhɛ bhë ü ˗wo pö ˗dhɔ ˗da ˗an ˈgü, ɛɛnˈˈ kö ˈsëëdhɛ ˗nu ˈwo ˗nu ˗pë ˈka ˈˈsu bhë˗ ˈgü kö ˈü˗ nu ˗an ˗dhɛ. Pë ˗nu ˈü˗ ˈsuanbho, ˗an ˗bɛn zë ˗së ˈka.—Kpɔɔˈˈ ˗kwɛ 2014 Zanvie ˗bha Kwa ˗bha ꞊Gblüdëdhɛ yö ˈsëëdhɛ ˗bha, ˗a p. 3 ˗ta.

• Ü ˗de baaˈˈ ˗womɛndhɛsü ꞊gban ˈˈpɛpɛ ˗bha. ꞊Ya ˈdho kë ˈsëëdhɛ ˗to ˗a ˗gɔ ˗sü ˈˈkpaan ˈka. Bhö ˈˈdoo ˗da ˗a ˗mɛn ˗ta, kö ˈˈtɔŋdhɛ ˗yö ˗da kaa˗ ˗nu ka ꞊zinŋ ˈgü, kö ˈü˗ ˗mɛn ˗bha ˗zlanwo ˗dhɔ ˗dadhiʋ̈ˈˈ.

• Pë ˈˈpɛpɛ ˈü ˗dho bɔ˗ ˗ta kö ˈü Biblö draansü züdɔ, ü ˗zo ˈto ˗an ˈˈpiʋ̈. ꞊Ya kë ꞊dhɛ ˈmɛn ˈü ˈsëëdhɛ nu ˗a ˗dhɛ zoodhö zoodhö, ꞊ya ü dhɛɛˈˈ ˈkpɔ ˈpë Biblö ˗ya pö ˈwɔn ˗gɔ ˈbha ˗bha ˗a ˈka, ˈsëëdhɛ ˈö draanpë ˈka ˈö˗ ˗yɔ ˈdhö˗ ˈgü, ˈdho ˗a ˈka ˗a ꞊dhiaa kö ˈka˗ ˈˈdoo dɔ. Ü ˈdho˗ ʒiö˗, dhɛɛˈˈ ˈö ˈbha nu ꞊taabha ˈka ˗dho ˗a ˗yɔ mɛɛnˈˈ, ˗a ˈkpɔ. ꞊Ya kë ꞊dhɛ kaa mɛn ˈbhaa ka ˈˈdoo ˈnën ˗nu dɔ ˗ni ˈgü Biblö ˗ta, ɛɛnˈˈ ˈsëëdhɛ ˈwo Biblö ꞊draan ˗a ˈgü ˗a ˗ta, kö Biblö ꞊klaŋ ˈnën bhë. ˈBha ˈsëëdhɛ ˗be ˈnën Nɔɔn˗ ˗së nu mɛn ˈbha ˗dhɛ, ˈö ˈbha˗ draanˈˈ ˗kɔ ꞊zɔn ˗a ˗dhɛ ˗ee? ˈBha video ˗Mën ˈö ˗kë ˈkwa ˗dho Biblö draanˈˈ? waa Comment se passe un cours biblique? ˗zɔn ˗a ˗dhɛ ˗ee? ˈKö kë ꞊dhɛ ˗a ˗mɛn yö ˈti ˈˈwɩ Biblö draansü ˗bha ˈˈdhiʋ̈ ˗be, ˈpë ˈö kë ˈyii ˈˈwɩɩ˗ ˗bha bhë, ꞊mɔɔn˗ ˗bha ˈö go ˈˈgblʋʋ. Ü ꞊mɔɔn˗ ˗bha ˈü˗ ˈgü dɛɛ dan ˗sü ꞊trɔɔn ꞊slɔɔ.

˗Ka pë ˈö yö ˗a ˈgüdan ˈˈsu ˈö yö ˗a ˈgü:

• Mɛn ˗nu ˈü ˗dho ˈˈsu ˗bha ˈsëëdhɛ ˗be ˈnën nu ˗an ˗dhɛ zoodhö zoodhö, ˗an ˈtɔ ˗ya. ˗A ˗dɛɛ ˗nu nu ˗an ˗dhɛ. ˗A pö ˗an ˗dhɛ ˗a ˗dɛɛ ˗nu ˈwo ˗dho yö ˈˈkpɛnŋ ü ˗dho nu ˗an ˗bhaa ˈka.