˗Bhö pë ˗tiaandhö kë ü ˗bha ˈˈtʋ̈ŋ ˈka ˗zlanwopödhɛ ˈgü
Yö kë ˗kwɛ 2014 ˈö ˗ʒiö yö˗ ˈgü, ˈˈlɛlɛ ˈö ˗ʒiö ˈˈlɛlɛ 1.945.487.604 ˗ta ˈnën Zoova ˗bha ꞊Gbɛkiö ˗wa ˗kë ˗zlanwopödhɛ ˈgü. ˗Ya ˗zɔn ˈˈpuu ˈka ꞊dhɛ kwa˗ ˈˈpiʋ̈ kö kwa ˗kɔ ˗yö ˈto ˗Zlan ˗bha yö ˈgü ˈˈtʋ̈ŋ ꞊gban ˈka. (Ps. 110:3; 1 Kod. 15:58) ˈDhɛ ˈö ˗kë ꞊dhɛ “ˈˈtʋ̈ng ˈyaa ꞊gblɛɛng ˈzü” bhë, kwa ˗dho ꞊mɔɔn˗ ˗bha ˈkwa kwa ˗bha ˈˈtʋ̈ŋ ˗së bhë sü kö ˈkwa ˗zlanwopö ˗a ˈka mɛn ꞊vadhɛ ˗dhɛ ˗ee?—1 Kod. 7:29.
Pë ˗tiaandhö ˗kë kwa ˗bha ˈˈtʋ̈ŋ ˈka ˗sü ˈö ˗zlanwopödhɛ ˈgü ˈyö ˗tɔ kwa ˗bha ˈˈtʋ̈ŋ ˗bɛ mɛn ˗nu kë ˈkɔɔ ˈˈtʋ̈ŋ ˗bha ˗sü. ˗A ˈwɔnzuan ꞊nɛn: ꞊Ya kë ꞊dhɛ ü ˈˈlɛlɛ do ɛɛnˈˈ ˈˈlɛlɛ ꞊va ˗kë ˗zlanwopö ˗kɔ ꞊suu ˈbha ˈgü kö ü ˈti dhiaŋ zë ꞊köŋ mɛn ˈbha ˗dhɛ, ü ꞊mɔɔn˗ ˗bha ˈü ü ˗bha ˗zlanwopö ˗kɔ bho ˈˈgblʋʋ kö ˈü ˗kpan ɛɛnˈˈ ü dhiaŋ zë mɛn ꞊va ˗dhɛ. ˈDhɛ ˈö ˈdhö, waa ˈö ˈgü ˗wɔn ˗mü. ˈˈKɛɛ ˗dhioo ˗nu ˈwo ˈˈshia bhë, ˗wo ꞊mɔɔn˗ ˗bha ˈwo ü ˗takun ˈü pë ˗tiaandhö ˗kë ü ˗bha ˈˈtʋ̈ŋ ˈka, “ˈyö ˈbhaa ü ˗kɔ kpö ˗zuö ˈˈbhluubhludhɛ ˈˈpiʋ̈.”—1 Kod. 9:26.
• ˗Zlanwopö ˗sü ˈö ˈkɔ ˈgü ˈkɔ ˈgü: ˗A ˗kwɛ ˗ya ꞊mɔɔn ˗kwɛ ˗kɔŋ ꞊va ˗bha ˈö ˗zlanwopö ˗sü ˈö ˈkɔ ˈgü ˈkɔ ˈgü dhiaapiʋ̈ˈˈ bhë ꞊ya kë ˗zlanwopömɛn ˗nu ˈtuöö ˈka. ˈˈKɛɛ ˈdhɛ ˈö ˗kë ꞊dhɛ mɛn ˈbhaa ˗nu ˗dho yö ˈˈdhiʋ̈ dhiaapiʋ̈ˈˈ bhë, ˗mën ˈö ˗kë ˈbhaa ˗zlanwopö ˈkɔ ˈgü ˈkɔ ˈgü ˗sü ˈö ˈˈdooka ɛɛnˈˈ kö ˗tɔ ˗ya ˈdho yöö, kö mɛn ꞊vadhɛ ˗wo ˈkɔɔ bhë, ˈbhaa˗ ˈgüdan? ˗Zlanwopö ˗sü ˈö ˗kpinŋ ˈˈpiʋ̈, ɛɛnˈˈ ˈˈdhoodɔdhɛ ˈgü ˈɲënŋ ˈgü bhë, ˗a ꞊trɔɔn ˗së ˗nu ꞊mɔɔn˗ ˗bha ˗wo kë ˗dhö.
• ˗Zlanwopö ˗sü ˈö ˈˈdhɛɛta: ˈSëëdhɛ ˗zɔn ˈtablö waa ˈtablö ˈwo˗ ˗gan bhë, ˗wo ꞊mɔɔn˗ ˗bha ˈwo ˗an ˗gban ˗zlanwokɔdhi ˗bha ˗zlanwopödhɛ ˗nu ˈö mɛn ꞊vadhɛ ˗wo bɔ mü ˗an ˈgü. (Kpɔɔˈˈ 2013 Zue ˗bha Kwa ˗bha ˗Gblüdëdhɛ ˗yö ˈsëëdhɛ p. 5 ˗bha.) ꞊Ya kë ꞊dhɛ ˈˈdhɛɛtadhɛ ˈwo ˗wo ˗kɔ ˗yɛ ˗a ˗bha kö ˗wo ˗zlanwopö mü bhë, mɛn ˗nu ˈwaa bɔ ˗mü ꞊va ˈzüdɔ, ˗zlanwokɔdhi ˗bha yö ˈwɔnyëë˗ ˗nu ꞊mɔɔn˗ ˗bha, ˈdhɛ ˈö mɛn ˗nu bɔ˗ ˗bha ꞊va, ˈö ˈsëëdhɛ ˗zɔn ˈtablö ɛɛnˈˈ ˈtablö ˈdhɛ ˈwo˗ ˗gan ˈö ˗dho dɔ mü, ˗wo wo ˗kɔ ˈˈyɛ ˗a ˗bha.
• ˗Womɛndhɛsü waa Biblö ꞊klaŋ ˗nu: Ü ꞊mɔɔn˗ ˗bha ˈü ü ˗bha ˗womɛndhɛsü waa ü ˗bha Biblö ˗zɔn mɛn ˗nu ˗dhɛ ˗sü ˈˈtʋ̈ŋ ˗ya ˈˈtʋ̈ŋ ˈö ˗zlanwopö ˗kɔ ꞊suu ˈbhaa ꞊trɔɔn ˈyaa ˈdhö ˗a ˗bha ˗ee? ˗A ˈwɔnzuan ꞊nɛn: ꞊Ya kë ꞊dhɛ ˗zlanwopö ˗sü ˈö ˈkɔ ˈgü ˈkɔ ˈgü ˈˈsɩyi dhiapiʋ̈ˈˈ ˈka ˗a ꞊trɔɔn ˗dhö, ü ꞊mɔɔn˗ ˗bha ˈü ü ˗bha Biblö ꞊klaŋ ˗ya ˈˈdooka ˗bha ɛɛnˈˈ kö ˈˈbin ꞊ya ˈmën. ꞊Ya kë ꞊dhɛ ˈka ˈdho ˗ni ˈgü ˗wo mɛn ˗nu ˗dhɛ, ˗zlanwopömɛn ˗nu ꞊mɔɔn˗ ˗bha ˈwo dho kpö kpö ˈka ˗gɔ ˈgü, kö ˗wo yö kë ꞊va ˗zlanwopödhɛ ˈgü.
˗Yö gagade ˈka ꞊dhɛ ˈkwa ˗ya ˗zlanwopö ˗sü ˗bha kwa ꞊mɔɔn˗ ˗bha ˈkwa kwa ˗bha ˈˈlɛlɛ ꞊dhʋʋŋ, ˈˈkɛɛ kwa zuʋ̈ˈˈ ˈˈgblü ˗yö ˗dhi ˈpë ˈkwa˗ ꞊slɔɔ ˗zlanwopö ˗sü ˈgü ˗a ˗wɔn ˈgü. ꞊Ya kë ꞊dhɛ ˈbha˗ yö ꞊dhɛ ˗zlanwopö ˗kɔ ˈbha ꞊trɔɔn ˈyaa ˈdhö ˈˈtʋ̈ŋ ˈbhaa ˈgü, ˗a ˈˈwɛɛ ˈbha ˈgüdan. ˗Bhö bhɛɛˈˈ Zoova “ˈBhladëmɛn” ˗dhɛ kö ˗yö ˈˈdhiʋ̈ ˈsü ü ˈka, kö ˈü ˗mɔɔn pë ˗tiaandhö ˗kë ü ˗bha ˈˈtʋ̈ŋ ˈka ˗sü ˗bha ˗zlanwopödhɛ ˈgü.—Mat. 9:38.