« Ces paroles devront être sur ton cœur »

ˈNënmɛn ˗nu ˗wo ꞊dhɛ ˗tuë ˗maankëmɛn ˗nu ˈdhö. ˗An dua ˗mü kö ˗wo wo ˗zo kë wo ˗bha ˈnën ˗nu ˈgü ˗së ˈka, ˈyö ˗tɔ ꞊dhɛ ˗wo ꞊mɔɔn˗ ˗bha ˈwo ʒiaan to ˈˈvaandhö, ˈö ˈwɔnyaa ˗kɔ ˗mɔɔn ˗an ˗bha. (Prov. 27:23) ˈNënmɛn ˗nu ˗dho wo ˗bha yö ˈö bhë ˗a kë ˗së ˈka ˗kɔ ˗kë ꞊dhɛ? ˗An dua ˗mü kö ˗wo ˈˈtʋ̈ŋ ˈsü ˗dhɛkpaɔyi ꞊gban ˈˈpɛpɛ ˈka kö ˗wo ˈˈdoo dɔ wo ˗bha ˈnën ˗nu ˈka, kë ˈˈdhʋ̈ kö ˈpë ˗nu ˈwo ˗an ˗zo ˈˈpiʋ̈ ˗wa dɔ. (Prov. 20:5) ꞊Ya ˈgo ˗a ˈgü ˈzü, ˈnënmɛn ˗nu dua ˗mü kö ˗wo wo bha ˈnën ˗nu ˗bha ˗zoyödhe ˈgɛn ˗gban pë ˗nu ˈö ˈˈwo ˈyaa ˗an ˗bhö bhë, ˗an ˈka (1 Kod. 3:10-15) Video ˈö ˗kë « Ces paroles devront être sur ton cœur » ˈka bhë, ˗yö ˗Zlan ˗dhɔkë ˈkɔɔ ˗sü ˈö ˈˈdhɔɔgɔ ꞊gban ˈˈpɛpɛ ˈka ˗a ˗wɔn ˗bha ˗kë ˈˈgbɩɩ˗ ˗sü ˗zɔn. ˗Kaa ˗ga ka ˗bha ˈkɔdhi ˈgü kö dhɛɛˈˈ ˗nu ˈö ˈwo yö, ˈka ˗an ˗yɔ ˗nu mɛɛnˈˈ.

(1) ˗Mën ˈö ˗kë ˈö Wlomanö ˗bha ˈkɔdhigümɛn ˗nu ˈwaa kun ˗Zlan ˗wɔn ˈsü ˗ni ˈgü wo ꞊faan ˈka? (2) ˗Mën ˈö ˗kë pë ˗blɛɛsü ˈö kwa ꞊dhegblü Wlomanö ˗ya ˈgüdan ˗an ˗bha ˗Zlan ˗dhɔkë ˈkɔɔ ˗sü ˈˈtʋ̈ŋ ˈka bhë ˈyii ˗mɔɔn ˈˈkwëë? (3) Biblö ˈˈɲan ˗nu ˗mɛɛn ˈwo ꞊mɔɔn˗ ˗bha ˈwo ˈnënmɛn ˗nu ˗takun wo ˗bha ˈnën ˗nu ˗too ˗sü ˗bha? (Deut. 6:6, 7) (4) ˗Mën ˈö ꞊mɔɔn˗ ˗bha ˈö ˈˈdoo din ˗dhi ˈkɔdhi ˈgü? (5) ˈˈSaa˗ suu ˗mɛɛn ˈö ˈnën ˗nu ˈdhö˗ ˈˈpiʋ kö ˗an ˈkpɔmɛn ˗nu ˗wa bho ˗an ˗bhaa ˈka? (6) Kwa ꞊dhegblü Baadho waa˗ ˗bha dhebɔ ˗an ˗bha ˈwɔnzuan ˗së ˈö bhë, ˗yö Wlomanö ˗bha ˈkɔdhigümɛn ˗nu ˗takun ˗kɔ ˗kë ꞊dhɛ? (Prov. 27:17) (7) ˗Mën ˈö ˈkɔdë dua ˈdhö ˗mü kö ˗ya kë ˈˈdhiʋ̈ ˗be kö ˗an ˗bha ˗Zlan ˗dhɔkë ˈkɔɔ ˗sü ˗yö kë ˗së? (8) ˗Mën ˈö kwa ꞊dhegblü Wlomanö ˗ya ˗kë kö ˈwɔn ˗nu ˗wo baaˈˈ ˗a ˗bha ˈkɔdhi ˈgü? (9) ˗Mën ˈö ˗kë ˈö ˗Zlan ˗dhɔkë ˈkɔɔ ˗sü dua ˈdhö ˗mü kö ˗a din ˗yö kë ˗së? (Efɛ. 6:4) (10) ˈWɔn ˗mɛɛn ˗nu ˈö ˈkɔdhigümɛn ˗nu ꞊mɔɔn˗ ˗bha ˈwo ˗an kë ˗an ˗bha ˗Zlan ˗dhɔkë ˈkɔɔ ˗sü ˈˈtʋ̈ŋ ˈka? (11) Kwa ꞊dhegblü Wlomanö ˗bha zuʋ̈saadhɛ waa˗ ˗bha gagade ˗pö Maakisö ˗dhɛ ˗sü ˗ya ˗takun ˗kɔ ˗kë ꞊dhɛ kö ˗yö ˈwɔn ˗së kë ˗sü ꞊bhlëë dɔ? (Jér. 17:9) (12) Kwa ꞊dhegblü Wlomanö waa˗ ˗bha dhebɔ ˗an ˗bha ˈwɔnyökodhiʋ̈ ˗kɔ ˗yö Dhebeka ˗takun ˗kɔ ˗kë ꞊dhɛ kö ˗yö ʒian ˗së ˈsü ˈwɔn ˈö ˗gban waa Zitɛn ˗an bha ˈˈtɔŋdëdhɛ ˗bha ˗a ˈgü? (Mak. 12:30; 2 Tim. 2:22) (13) ˈDhɛ ˈö kwa ꞊dhegblü Wlomanö waa˗ ˗bha dhebɔ ˈwo kun wo ˗bha ˗tosɛta kë ˗kɔ bho ˗ni ˈgü ˈˈgblʋʋ bhë, ˗wa ˗zɔn ˗kɔ ˗kë ꞊dhɛ ꞊dhɛ wo wo ˗zo ˗yö ˗Zlan ˗dhɛ? (Mat. 6:33) (14) Video ˈö yö, ˗ya ˗zɔn ˗kɔ ˗kë ꞊dhɛ ꞊dhɛ ˈkɔdë ˗nu dua ˗mü ꞊dedewo kö ˗wo ˗zuu ˈgü ˗bhöpë nu wo ˗bha ˈkɔdhigümɛn ˗nu ˗dhɛ? (1 Tim. 5:8) (15) ˈKɔdë, ˗mën ˈü˗ ˈˈpiʋ̈ kö ˈü˗ kë ü ˗bha ˈkɔdhigümɛn ˗nu ˗bhaa ˈka?

ˈKƆDË ˗ZO ˗TO ˗A ˈˈPIƲ̈ ˗WƆN: Kwa ˗bha ˈˈtʋ̈ŋ ˈgü dramö ˈö bhë ˗wa ˗kë kwa ˗bha ˗bhɔkwëë ˈkpii˗ ˗ta ˗kwɛ 2011 ˈgü. ˗A ˈˈtʋ̈ŋ ˈö bhë ˗a ˈgü, ü ˗kë ka ˗bha ˗Zlan ˗dhɔkë ˈkɔɔ ˗sü baaˈˈ ˗dhɛ ˗yö ˗a ˗bha ˗ee? ˈˈTʋ̈ŋ ˈö yö ˗a ˈgü ˈˈwɛ? ꞊Ya ˗kë ꞊dhɛ ˗a baaˈˈ ˗dhɛ ˗yö ꞊kun ˗a ˗bha, ˗ka dɔ ˈˈgbɩɩ˗ kö ˈka bhɛɛˈˈ ˗a ˗wɔn ˈgü kö ka ˗bha ˈkɔdhi ˗yö ꞊trɔɔn ˈö ˈyaa ɲɛn ˗a ꞊slɔɔ.​—Efɛ. 5:15-17.